Zĩi 3:2 - Yálá laawoo hɛɓɛ (dc)

² Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Yálá laawoo hɛɓɛ

² Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Bible

² Kúkelee kwa pɔara-maa támaa kɛ̀, ǹyaŋ ǹúui va pɔara-maa kɛ̀ ǹóno-woo sui, maa-nuui maa waâi. Pɔ̂ri káa mì a gɛɛ é gbonoi kélee mɛi káa máŋ.

Zĩi 3:2 Referans Kwoze

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Hanwon 13:3

Nui a ɲee kɛ naaləi ɓa, a nwɔ yɛnɛ̨ɛ̨ mɛ̨i kaa. Kɛlaa, nui a howon a mɔlɔ, a gbɔwɔ nwun na pili.

Piɛrə dɔlɔɔ 3:10

Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na,

Maafîu 12:37

Mąąhɔlɔɓo, ə́ hvaa woo ɓə tinąą Yálá a ə́ kiti tee la, ya wala kɛ a hɔn mąą mun, ya lɛɛ lɔ a nu haŋąą.»

Mąątɛ̨nɛ̨ 34:13

Gbɛɛ ɓə lamun yɛnɛ̨ɛ̨ wɛli kaa mą? Gbɛɛ ɓə gaa bɔ ə nwunnąnɛ̨ɛ̨ yɛnɛ̨ɛ̨ kaa?

Hanwon 20:9

Gbɛɛ ɓə a pɛli kɛi diɛ: «Ŋą́ą́ nii hu mąąhəɠə, nɛ̨ŋɛ̨n və mą́ą́?»

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Lomaŋ 3:10

Yɛ bələi bɛ̨ɛ̨ lai: «Nu tɔ̨nɔ̨ kpɛli hvohaŋą li.

Zĩi 1:4

Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Tɔɔɓɛlaa dɔlɔɔ 8:46

«Ɲələi Israɛlə a nɛ̨ŋɛ̨n ɉəɠə la yɛ́, mąąhɔlɔɓo, nu ta hvo laa yii hva nɛ̨ŋɛ̨n ɉəɠə, yá ə́ liiholi di pɔ, ə́ di lɔ di yowoɠaa yee ŋą, ɛlɛɛ, nuą da di hon, di li a diɛ nwɛ̨ą lɔi hu, luwɔlaa hu, ə kɛ kwɛa la, ə kɛ kpuwɔ la,

Zĩi 2:10

Yaan, nu a dɔ́n ɉu woo kəlee pɔ túwɔ́ ɓo, ə tɔ̨nɔ̨ kala, a kɛ ti aa gəlee kala.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Korɛntə dɔlɔɔ 9:27

Kɛlaa yaamun, gáá gɔ́lɔ́ laa nɔ̨nwɔ̨ ɓoi, ŋą́ ɉon yɛ luwɔ, ə gɛ, və́ pa kúlaa laa kɛ nwɛlɛɛ lɛlɛɛ laa həliɛ hu, ɲąąkpɛɛi di hvo náá kulɔ ɉu.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Kolosə 1:28

Yaa tii ɓə ku kaa mąą mɛ̨nį la həli, kuɔ nu kəlee kilaa pono, kuɔ di mąąkwɛli a kilikɛɲəi laa kəlee, əgɛ, nu kəlee mąą mɛ̨nį laa ə kulɔ kpɔ a neelee, Kristə hu.

Galatə 3:22

Kɛlaa, ɉɛɓɛ́ ə mo yɛ: Nu kəlee kaa nɛ̨ŋɛ̨n ŋą huwalawala yee mu, ə gɛ, nuąi da laa Jesus Kristə la, mɛ̨nįi Yálá ə naakwɛlanmo, di ɉɔlɔɓo.

Lomaŋ 7:21

Ŋą́ą́ mɛ̨nį ta kaa nwɔ́ kɛ pələ hu, ɓɛlɔwai mɛ̨nį lɛlɛɛ kɛ kili a too la ɲą́, mɛ̨nį ɲɔ̨n mə a tɛ ɲéé hu, gɛ́ gɛ.

Kɔlɔnikɔ Veerɛi 6:36

«Da nɛ̨ŋɛ̨n ɉəɠə Yɛ́, hvo gaai, nu hvo laa, yɛ kɛ hva nɛ̨ŋɛ̨n ɉəɠə; ɛlɛɛ, Yá Ə́ liiholi di pɔ, nuą di hon kɔ́ hu, da li a diɛ lɔi takpɛli hu kwɛaa la, awala kɛ tii kpuɔ la,

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Mąątɛ̨nɛ̨ 39:1

Nwələ ɲɛ̨itɔwɔmun: Yedutun. Davidə nwɔ wələ.

Hanwon 10:19

Nui a hvaa tamąą, nwɔ nɛ̨ŋɛ̨n ɉəɠə laa hvo wala li. Kɛlaa, nui a nɛn ɉon, mąą nu ɲąąlaai.

Hanwon 21:23

Nui ɲee a pɛli naaləi da nɛn diɛ, a gbɔwɔ mąąkɔ̨nwɔ̨ liihɛlɛn dɔwɔ.

Maafîu 12:34

Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Levetekɔ 13:39

ɉalala laa həli mun a mąąkpɛɛ, ɉɛn tii mu a kɛ lɔ a gwəlɛɛ, kɛlaa mɔlɔɔ hvəi, mąąnɛ̨ɛ̨ gili ə pu ɉu yɛ mɛ̨nį ta hvəli, mąą nu kɔ́lɔ ka tii kwələ gɛɛnąą tii ɓa, tɔ́n və mą, kiliɠalan nɔ li.

Zôo 15:13

Yɛ́ ə́ liiholi Yálá pɔ, woo kpɛa kpɛa diɛ kulɔ ə́ la?