Zĩi 2:25 - Yálá laawoo hɛɓɛ (dc)

²⁵ Bələ lɔ ɓə Rahabə, yai a nwɛlikɛ nɛ̨ɛ̨nui nwɛ̨i ə kɛ la, kɛlɛi dúwɔ́ pələ ɓə ə tələnmolaa hɔlɔɓo ɉu, a ɲee heei ə mo nwɛlɛɛ ɓo nuą mu, ɛlɛɛ, ə di tɛɛ a pələ takpɛli diɛ li-e?

Yálá laawoo hɛɓɛ

²⁵ Bələ lɔ ɓə Rahabə, yai a nwɛlikɛ nɛ̨ɛ̨nui nwɛ̨i ə kɛ la, kɛlɛi dúwɔ́ pələ ɓə ə tələnmolaa hɔlɔɓo ɉu, a ɲee heei ə mo nwɛlɛɛ ɓo nuą mu, ɛlɛɛ, ə di tɛɛ a pələ takpɛli diɛ li-e?

Bible

²⁵ Ǹyaŋ bere-sii tɔnɔi tí sú nɔ́ fé máŋ Ɣâla è ŋwulu-wulu-nɛnii Leea kɛ̀ la a tɔ̃yâ-nuu tíi-kɛɛ sârai, nyíi gela-woo ƃó-ƃelai sɔlɔ ƃô é dítɛɛ a pere da kpɛnii?

Zĩi 2:25 Referans Kwoze

Hebreu 11:31

Laa na laa háálai, Rahabə kɛ a wɛlikɛnɛ̨ɛ̨nu, da kwɛli tee nuąi di nwun na hvo pili a gee; mąąhɔlɔɓo, ə ɲee hee gɔ́ nɛ̨lɛ̨ɛ̨nŋaa mu a nɛlɛɛ.

Zasua 2:15

Nɛ̨ɛ̨nui tii, ə di kulɔ ɲəi vinɛtɛlɛ la, ə di yɛɛ a yɛli ɉį́i pulu pələ. Mąąhɔlɔɓo, nwɔ pɛ́lɛ́i ə kɛ tɔɔ ni daa mąą kpɛ hį́i hu.

Zasua 2:4

Kɛlaa, Rahabə ə nu hveelɛi tii həɠə, ə di loo, yili pulu ə nuąi tii woo pulu pənə yɛ diɛ: «Teą li, nuąi tii di pa ɓɛ, kɛlaa, və́ kɛ di həɠəi kɔ́lɔn.

Zasua 6:17

'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Maafîu 1:5

Salmɔn ə Boozə kaa, nee ɓaa kɛ a Rahabə. Boozə ə Obɛdə kaa Rutə ɓa. Obɛdə ə Ɉɛse kaa.

Zĩi 2:22

Yáá gaa tii, nwɔ laa na laa ə too pono ŋą bɔ túwɔ́ hu. Dúwɔ́ pələɠaa tii ɓə nwɔ laa na laa laa kulɔ,

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»

Zasua 2:6

Kɛlaa, aa kɛ di tɛ ɲəi gbaan ɉu, aa di mɛ̨ikpulu a yee konŋąą.

Zasua 2:16

Yɛ diɛ: «'Ka li, ka ka loo ɲee koo mu, ka lɛɛ laa hvóló haaɓa yee mu, ə lɛɛ ɉu nuąi li ka kwɛlii di di pulu pənə, ka pɛli kɛa kulɔi ka li.»

Gɛlaɠaa 17:7

Ɉasɔn ɓə kɛ a di nwɛ̨ą nąmu. Nuą kpɔ ŋɛ̨i ka káá di kaai, gəlee túwɔ́ pələ kaa tanɔ̨n, di hvo túwɔ́i yɛ bələi Romə lɔi nwun nąmu nwɔ tɔ́n kaa la, mąąhɔlɔɓo, di kaa kɛi diɛ: Tɔɔmun dakpɛli kaa laa diɛ kɛ mą: Jesus.»

Zĩi 2:24

Káá gaa tii kɛa, nu túwɔ́ pələ ɓə a gɛ a tələnmomun, hva lɛɛ lɔ a laa na laa yaa tanɔ̨n.