Zĩi 1:9 - Yálá laawoo hɛɓɛ (dc)

⁹ Kristalon wɔ yɛnɛ̨ɛ̨ pɛliɛ mą, mąą mɛ̨nį nwąną mɛ̨nį ə kɛ a nwɔɔ ɲɛ̨i pono;

Yálá laawoo hɛɓɛ

⁹ Kristalon wɔ yɛnɛ̨ɛ̨ pɛliɛ mą, mąą mɛ̨nį nwąną mɛ̨nį ə kɛ a nwɔɔ ɲɛ̨i pono;

Bible

⁹ Lii-nɛ̃ɛ é kɛ́ kúƃarâŋ-nuui ma nyíi Ɣâla a maa tɛ́ ŋɔkôlo-laai sui.

Zĩi 1:9 Referans Kwoze

Hanwon 19:1

Nu kɛɛ a yeehvowolomun, ə́ tələnmoɔ, viɛlaɓoɔi ə tɛɛ nu kɛɛ a kilikpɛɛgwəi mun, yɛ́ lɛɛ kɛ, ɓa.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

M̀ɛni-lɛɛi 2:9

Ŋą́ ə́ wɔ mɔ̨nɔ̨i kɔlɔn, ɛlɛɛ, da yɛ́ yeehvowolo laa, kɛlaa hɛn nąmu ɓaa a yɛ́, ɛlɛɛ, naa-mąąhiɛ nuąi da di kpɔwɔ kɛ a Ɉuifəɠaa, ɛlɛɛ yaan, di hvo la, di kaa a ɓilihi hvɛli pɛlɛ́.

Lukə 1:52

Aa tɔɔɓɛlaa kulɔ di wɔ tɔɔ kpəlin ɉu, aa kpɔɔ mąą yɛɛ nuą tɛ aa di hee tɔɔ kpəlin ɉu.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Dutɛrɔnome 15:11

Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Dutɛrɔnome 15:7

Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Filipə 3:14

Yili ɓa, gáá gilɛ həɠəi, ə gɛ, gu təli ŋɛ̨i Yálá aa mo yələi Jesus Kristə laa hu, ŋį́ dɔ̨nɔ̨ hɔlɔɓo.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Lomaŋ 8:17

Yii kani gu kaa a nonnii, gu kaa kani a gwɛlin ɉɔlɔɓo nuą, gwa Kristə ta ni gu kaa a Yálá kwɛlin ɉɔlɔɓo nuą; gbala ə tɔɔ, yii gu gu wɔɔ hɔlɔɓo nwɔ mɔ̨nɔ̨i hu, gu kaa lɔ pai gu wɔɔ nąą hɔlɔɓoi mąąɲįnɛ̨n ɉu.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Lukə 9:48

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»