Zĩi 1:4 - Yálá laawoo hɛɓɛ (dc)

⁴ Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Yálá laawoo hɛɓɛ

⁴ Kɛlaa, ká tɔɔ a ká nwąnąi, ká wɔ liikpələlaa ə too pono ŋą, ə gɛ ka mąą mɛ̨nį laa ə kulɔ kpɔ a neelee, ká hvo hvɛɠɛ a hɛn nɔpee ta.

Bible

⁴ Ka tɔɔ fɔlɔ-fɔlɔ é dɔɔ̂i káa kákponôi kpɔ́ a gbanaŋɔɔ a gɛɛ ká kɛ́ a maa-waa-ƃela ka láa é fɛ́ɛ, sɛŋ da kélee ƃalâŋ fé kɛ̀ kâa.

Zĩi 1:4 Referans Kwoze

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Lukə 21:19

Ka tɔɔ kpaan, ya ɓə a gɛ ka nwun mąą ə ɓo.»

Maafîu 5:48

Ka wɔ túwɔ́ pələ lɛlɛ ə pɛli ɉu, yɛ pələi ka Ną́n Yálá yai gaa yələkɔlɔn ɉu, nwɛi kaa la.»

Timote veelɛ 3:17

ə gɛ Yálá nwɔ nu, ə mɛ̨nį lɛlɛɛ huwu kəlee kɛi.

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Galatə 6:9

'Ká gu mɛ̨nį lɛlɛɛ kɛ, gu hvįi hvo kpɛɛ; mąąhɔlɔɓo, gwa wala tee mą, ɲələ a pa ɉəlii, gwa dɔlɔ hɔlɔɓo.

Mąątɛ̨nɛ̨ 40:1

Nwələ ɲɛ̨itɔwɔmun, Davidə nwɔ wələ.

Mąątɛ̨nɛ̨ 37:7

Yá kɛ Yai-Laa kwɛlɛ, 'kɔlɔhaa yɛ́! Ə́ kilitɔɔ mą; 'ə́ líi hvo kələn ə́ kwəi nui ɲeepɔɔ kaa lɛlɛi bɔ, da nui gbąną-gbąną mɛ̨nįɠaa kɛi.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Korɛntə dɔlɔɔ 2:6

Kɛlaa gaa kpɔ pa a tɛ̨ą, kilikɛɲəi laa ɓə ku kaa nɛi Kristalɛa diɛ, a diɛi daa di kpɛlaan ɉee. Gilikɛɲəi laa yili, hvo a ɲɛ̨nɛ̨ɛ̨ ŋɛ̨i nwɔɔ, ə mą kɛ a ɲɛnɛ̨ɛ̨ ŋɛ̨i hu tɔɔɓɛlaa di wɔɔ, yai naa kulɔi ɓaa a nwun na pili.

Kolosə 4:12

Epafrasə yɛ ka tuwɔ ɓo, yai a ká ta. Jesus Kristə ŋą tímun yili nwɛi, vįi hva kpɛɛ Yálá hvɛlii ká mąą mɛ̨nį ɓa, a Yálá hvɛli, yɛ ka tɔɔ kpąą, ká kɛnɛ̨ Kristə kɔ́lɔnŋąą hu, ɛlɛɛ, ká kɛ a Yálá liiɓa kɛ pələ kɔ́lɔnŋąą.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Maafîu 10:22

Ka wɛli a kpɛɛ nu kəlee ɓa náá mąą mɛ̨nį ɓa, kɛlaa nui a tɔɔ a nwąnąi ə lɛɛ ɉu yɛnɛ̨ɛ̨ ɲąąkpɛɛi lɔwai, mąą nu ɓə nwun mąą a ɓo.

Zôo 17:9

Tələnmo nuą di kanąn tələnmolaa ɓa, nuąi di yee mąąhəɠɛɛ, di hvaŋą ta yɛ pɛlɛ ma.

Hanwon 4:8

'Kanąn kili mɛ̨nį ɓa, ya ɓə a ə́ nwun muhəɠə. A kɛ a ə́ wɔ mąąwiɛ, akɛ yá kanąn mą.

Piɛrə veelɛ 1:9

Yaan, nui mɛ̨nįɠaa ti hvo ɲəi, mąą nu kaa yɛ ɲɛ̨ipumun, yɛ ɲee pɛlɛ ɓɛ-ɓɛ, hvo kpɛli gɔlɔn akɛ daa wɔlɔ gɛ nɛ̨ŋɛ̨nŋąa mąąhvaalɛɛ.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Lukə 18:22

Yii kɛa Jesus ə nwoo tii mɛ̨n, ə mo mą, yɛ mą: «Mɛ̨nį tɔ̨nɔ̨ kaa laa yii mąąnɛ̨ɛ̨ ə́ gɛ, ya ɓaa: Li, ə́ ə́ yəi hɛnŋąa kəlee lɔwɔ́tɔɔ, ə́ nwali ŋąąkwɛlɛ yeehvowolo nuą diɛ. A kɛ tii, ya kɛ a hɛn gɔw nąmu Yálá-taa. Yili pulu, pa ə́ hvilɛn búlú.»

Markə 10:21

Jesus ə ɲɛ̨i hee ɉulɔnu tii ɓa, mąąwɛli ə ɉon, yɛ mą: «Mɛ̨nį tɔ̨nɔ̨ lɔ ɓə aa lɛɛ yɛ́, yaa ɓaa: ə́ li ə́í yəi hɛnŋąą kəlee lɔwɔ́tɔɔ, ə́ nwali tɛɛ yeehvowolo nuą pɔ; ə́ pa ə́ hvilɛn gea búlú, akɛti, ya kɛ a hɛn gɔw nąmu Yálá-taa tɔɔlaa hu.»

Maafîu 19:20

Ɉulɔnon tii yɛ Jesus ɓa: «Ŋą́ą́ yiliɠaa kəlee hɔn, lə ɓə nwɔ̨nɔ̨ mąąnɛ̨ɛ̨ ŋą́ gɛ?»

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.