Zĩi 1:25 - Yálá laawoo hɛɓɛ (dc)

²⁵ Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Yálá laawoo hɛɓɛ

²⁵ Kɛlaa yaamun, nui a ɲɛ̨i hee dɔn gbɔ-kpɔɔ hu, yai a nu lɛɛ gbɔwɔ ɓa, hva ɲɛ̨i hee lɔ ɉu, ɉee wɛli ɓa, mąą nu a bɔ mɛ̨nį kɛi, a nwun na nɛ̨ɛ̨ hɔlɔɓo bɔ yíiɓoɔ hu.

Bible

²⁵ Kɛ́lɛ, ǹúui a dɔ̃yâ-tɔŋ su kàa va kpera mai, nyíi gáa a ŋuŋ-maa-ƃo-tɔŋ, berei vé la a mɛni-nuui nyíi a niai, kɛ́lɛ, gɛ ƃo a maa-tii kɛ́-nuui, da pâi lûwa lâai ma ŋɔtûa-perei su.

Zĩi 1:25 Referans Kwoze

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

Zĩi 2:12

Yii ká mo, 'ká bɔ mɛ̨nį kɛ. Ká kili ə pu ɉu káá, lɛɛ gbɔwɔ ɓa tɔ́n gaa ká tɔwɔ, yɛ pa ká kiti teei.

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Timote dɔlɔɔ 4:16

'Ə́ kpɔwɔ mɛ̨ikaa ə́ bɛlɛ ə́ wɔɔ nu mąąkwɛli pələ ɓa. 'Kąnąn mą kpąą; yili pɔ pələ ɓə, yá pɛli ə́ ə́ kpɔwɔ ɓalo la, da nuąi da kɛ ə́ woo mɛ̨n ɉii.

Korɛntə veelɛ 13:5

Káá kpinįi, 'ká ká kpɔwɔ mąą mɛ̨nį hukpɛ, ká gaa tai, akɛ ká káá laa na laa hu. 'Ká ká kpɔwɔ hukɔɔn dai, ká hvo mɔ̨ɔ̨ gbaɠala kɔlɔn, káá kɛ Jesus Kristə kaa ká hu? Hvo kɛli lɔ kani ká hukɔɔn di moi, ká hvo kulɔ li ɉu.

Lomaŋ 11:22

Yálá nwɔ mɛ̨nį lɛlɛ pələi tii kaa, da ɲąmąn bələ, bələi ə yąmą na nuąi too diɛ, da nwɔ mɛ̨nį lɛlɛ pələ ə́ pɔ; Yá lɛɛ lɔ nwɔɔ mɛ̨nį lɛlɛ pələi tii pulu, yá wala gɛ tii, da ə́ kpɔwɛɛ mą.

Hanwon 14:15

Nui gili hva li kwɛa la, yii lɔpee da mo mą, a hvaa lɔ ma. Kɛlaa, nui a mɛ̨nį hu kpɛ, a hiɛ a gili.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Galatə 2:4

bələi mąn nɛɛ kalan nɛa tii di kɛ la bɔ. Di pa ku lɔwai yɛ nɛ̨nɛ̨ɛ̨n-naa kɛ nuą; di kɛ bɔ di gaa, bələi ku kaa ku wɔɔ lɛɛgbɔwɔ ɓa laa hon ɉii la, a yai həɠə Jesus Kristə pɔ pələ, ə gɛ, di ku lɔ di yee mu.

Ɉaan 8:36

Akɛ Nu lon a ka nwun mąąɓo, ka kɛ kpɔ a lɛɛ gbɔwɔ ɓa nuą leelee.

Mąątɛ̨nɛ̨ 106:3

Nuąi da tɛ̨ą mɛ̨nį kɛ, di nwun na nɛ̨ɛ̨i, a diɛi ti da tələnmo yíi ɓo a yələ kəlee!

M̀ɛni-lɛɛi 14:13

Ɛlɛɛ, ŋą́ woo ta mɛ̨n yələ pələ, yɛ kɛ mą́ą́: «'Bɛ̨ɛ̨, yɛ mą: ‹Nuąi daa haa yiihu gu Nąmu hu, di nwun na nɛ̨ɛ̨ ɓə!›» Yálá nwɔ Kilii yɛ mą: «Tɛ̨ą li! Da di hvįi tɔɔ di wɔɔ mɔ̨nɔ̨ɠaai diɛ, mąąhɔlɔɓo, di kɛ-mɛ̨nįɠaa hvilɛnŋąąi di pulu.»

Timote dɔlɔɔ 2:15

Ə mą kɛ ti, gaa pai ɓaloi ŋą lon ɉɔlɔɓoɔ pɔ, a kɛ lɔ a kąnąn laa na laa ɓa, wɛlikɛmąą laa hu, da mąąhəɠə laa lɛlɛɛ.

Lomaŋ 7:12

Yili ɓa, dɔ́n mąąhəɠɛɛi, bɔ liɛwoo mąąhəɠɛɛ, ɉaŋąą, nɛlɛɛ.

Gɛlaɠaa 26:22

Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Gɛlaɠaa 13:43

Yii kɛa nuą di taɠa, Ɉuifəɠaa tamąą da nuą takpɛliɠaai kɛi Moisə nwɔ tɔn pɔ yíiɓo, di hvilɛn Polə da Barnabasə di pulu, yiliɠaa diɛn, di kɛli di liɛwooɓo di lono woo hu, di yee kanąn mɛ̨nį ɓa Yálá nwɔ mɛ̨inɛ̨ɛ̨ ɓa.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Gɛlaɠaa 2:42

Di hvaŋąlɔɔ kɛ gɛlaɠaa di wɔ mąąkwɛli woo ɓa, yeelɔ gee hu yɛnɛ̨ɛ̨ hu yɛ leegaaɠaa, diɛ di yee lɔ kɔwɔ tɔnɔ̨ hu, diɛ Yálá hvɛli gee ɓa.

Azaya 8:20

A kɛ tii, 'ka ɉɛɓɛ́ hu kaa, da mąąkwɛli woo, da wala hvaa yɛ bələi ɉɛɓɛ́i tii hu woo kaa la, a kɛ tii yələ hvo ɓɔli di mɛ̨i.

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Samuɛlə dɔlɔɔ 12:14

Akɛ ka ɲɔw Yai-Laa ɓa, ka tí mą; kaa ka wəli tɔɔ nwoo ɓa, ka wala Yai-Laa nwɔ tɔ́n nwooɠaai pili, kaa mąn nwoo, ka wɔ tɔɔmun heeni ka mɛ̨i, ka káá pai lɛɛi kaa nɛɛ hu Yai-Laa ka wɔ Yálái pulu.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.

Zɔ̂ŋ Maa-ŋuŋ 2:24

Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Lomaŋ 2:13

Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Galatə 6:2

'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.