Zĩi 1:17 - Yálá laawoo hɛɓɛ (dc)

¹⁷ Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Yálá laawoo hɛɓɛ

¹⁷ Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Bible

¹⁷ Sama-sɛŋ lɛ́lɛɛ kélee da sama-sɛŋ maa waa kélee da kûla kúmɛi-pere, nyíi-ŋai da pâ kúpɔ dí kúla Ɣâla yêei, nyíi gáa a gwaa-ponoɔ-ŋai kélee Dínâŋ. Maa fa fâleŋ. Ŋɔkwaa-ponoɔi ninîŋ fé ma.

Zĩi 1:17 Referans Kwoze

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Maafîu 7:11

Ka nu ɲɔ̨nwɔ̨ɔ̨ɠaai ŋɛ̨i, akɛ ka pɛli hɛn nɛlɛɛ tɛɛi ka lonnii pɔ, gu hvo mun kɛ ka Ną́n gaa yələkɔlɔn ɉu! Nwɛi a hɛn nɛlɛɛ tɛɛ nwɛlikɛmąą lonnii pɔ yiiɠaai da vɛli.

Hebreu 13:8

Jesus Kristə kaa lɔ a gɛ pələ yələ kəlee, wɛi, háákələi, ə lɛɛ ɉu, wɔlɔ-wɔlɔ ɓa.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Zɔ̂ŋ Maa-ŋuŋ 1:5

Nwɛlɛɛ lɛlɛɛi ku mɛ̨n Jesus Kristə la, kuɔ naa həli káá ya ka: Yálá kaa a kɛɛ pono, nįnįn danɔ̨n kpɛli hvə ɉu.

Hanwon 2:6

Mąąhɔlɔɓo, Yai-Laa ɓə a kili tɛɛ nu pɔ. Ya ɓə nwun gɛ ɉu da mɛ̨nį kɔ́lɔn ŋąą da kulɔ na.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Ifisiɛŋ 2:8

Mąąhɔlɔɓo, ká ɓaloɔi laa na laa háálai, a mɛ̨inɛ̨ɛ̨, ká hvo kɛ mɛ̨nį ta kɛ li ɉu, Yálá yəi mɛ̨inɛ̨ɛ̨ li.

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Korɛntə dɔlɔɔ 4:7

Gbɛɛ ɓə ə́ hviɛlaɓo ə ə́ tɛɛ ə́ ɓɛlaa diɛ? Lə ɓə ə́ yəi, yai di hvo ə́ kɔ la? Ɛlɛɛ yaan, akɛ di ə́ kɔ lai, ə́ kpɔwɔ ɲąąkɛnɛ̨ mɛ̨nį nwun maa a lə, yɛ da wala ə́ kɔ la?

Zɔ̂ŋ Maa-ŋuŋ 4:10

Nwɛlikɛmąą laa tii ka: Guɔ hvəə Yálá wɛlila kɛ, Yaa tii ɓə gu wɛlila kɛ, ɛlɛɛ, ə Non dɛɛ a gu wɔ nɛ̨ŋɛ̨nŋaa waa halaa hɛn.

Ifisiɛŋ 1:18

ə ká kili laaɓo nwɔ kɛɛ ponoi tɔwɔ, mɛ̨nįi ə ká təli mą, yai ká ɲɛ̨i kaa dɔwɔ, káá pɛli gɔlɔn ɉii, da nwɔɔ mąąwiɛlaa hu kɛnɛ̨ pələ, ya ɓaa, gwɛlin tii gaa ká kɔ́i ɉu, ka mąąhəɠə nuą;

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

Kɔlɔnikɔ Maa-ŋuŋ 22:12

Gɛ́! Yai-Laa ə mɛ̨nį hukpɛ kili tɛɛ ə́ pɔ, ə bɛlɛ nwun gɛ ɉu laa ɓa, ɓɛlɔwai gaa pai ə́ heei la Israɛlə nwun na; əgɛ, ə́ Yai-Laa ə́ wɔɔ Yálái nwɔ tɔ́n naahɔnmo!

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Azaya 60:19

Yələ a ɓɔ, hvóló hvo kɛa pai kɛi a ə́ wɔ kɛɛ pɔ̨nɔ̨, kpinį a pɛlɛ, ɲąnin və kɛa pai kɛi lən ɉi ə́ mɛ̨i. Kɛlaa, Yai-Laa ɓə pai kɛi a ə́ wɔ kɛɛ pɔ̨nɔ̨, a yələ kəlee mɛ̨nį, ə wɔ Yálái ɓə pai kɛi a ə wɔ lɛlɛ.

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Zɛnɛse 41:16

Ɉosɛfə yɛ tɔɔmu ma: «Nwɔ́ tɔɔmun, ɲą́ą́ hvəi ŋą pɛli mą. Yálá ɓə a pɛli ə hįi woo mukulaa lɛlɛɛ tɛɛ ə́ pɔ.»

M̀ɛni-lɛɛi 22:5

Kpinį hva kɛa pɛlɛ laa, di mąą kpaan və pai kɛi laa kpalan nən ma, ə mą kɛ, hvóló lən, mąąhɔlɔɓo, gu Nąmu Yálá kaa pai di mɛ̨i ponoi a ŋą kɛɛponoi, ɛlɛɛ, di kaa pai tɔɔlaa kɛi, ɲɛ̨n deei hvo mą.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Kɔlɔnikɔ Maa-ŋuŋ 29:19

'Kili lɛlɛɛ tɛɛ nón Salomɔn pɔ, yɛ pɛli, ə́ wɔ Tíɓoɠaai, ə́ wɔ tɔ́nnwooɠaai, da ə́ wɔ lɔi hon bələ mąą yɛlɛ kɛi, yɛ gəlee pɔ túwɔ́ ɓo, ɛlɛɛ bɛlɛ́i ŋɛ̨i ŋį́ dɔɔ-hɛnŋaa ɲąąkpɔn, yɛ dɔɔ.»

Lonon mo 11:17

Gáá pai yɛɛi, ŋą́ mɛ̨nį ɓo yɛ́. Gilii tii ə́ yəi, gáá pai da wolo həɠəi, ŋį́ dɛɛ di pɔ, ka diɛni ɓə pai kɛi nuą ŋɛ̨i lɔwai mɛ̨nį hutɔɔi, yɛ́ tɔ̨nɔ̨ hvəi kɛa di kaa pai lɛɛi ə́ nwuɔ̨.

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Azaya 45:7

Ɲą́ą́ ɓə kɛɛpono, gɛ́ kpinį pɛlɛ, ɲą́ą́ ɓə ŋą́ nwun na nɛ̨ɛ̨ kɛ, gɛ́ nwun na ɲɔ̨n gɛ. Ɲą́ą́ Yai-Laa, ɲą́ą́ ɓə hɛn gəlee pɛli.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Azaya 28:26

Yaan bələi mąąnɛ̨ɛ̨ ə gɛ la, nwɔ Yálái ɓə a bələ lɛ mą; yɛ mąąkwɛli mą.

Mąątɛ̨nɛ̨ 122:6

'Ka liilaa huhvɛli Ɉerusalɛmə mąą mɛ̨nį ɓa; əgɛ, Ə́ wɛlikɛmąą nuą diɛ pɛli yɛnɛ̨ɛ̨ kɛi a di wəli pulu laɠiɛ.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Lonon mo 11:25

Yai-Laa ə yɛɛ da Moisə di lono kɛ. Yili pulu, ə Moisə nwɔ kilii tawolo həɠə, ə dɛɛ nu pow mɛ̨ihveelɛi tii pɔ. Yii kɛa ə dɛɛ tii di pɔ, di hvo kɛa kɛ di kpɔɔ yee kɔ́nma, diɛ kɛa Yálá kwəi mɛ̨nį ɓo; kɛlaa, di hvo lamun ɉu.

Mąątɛ̨nɛ̨ 85:12

Tɛ̨ą a ɓɔn lɔi mɛ̨i, tələnmolaa yɛ lɛɛ yələi pələ yɛ nwun mąą laa.

Mąątɛ̨nɛ̨ 102:27

Di hu kaa pai kalai, Kɛlaa, ə́ wɛi, ə́ kaa lɔ pai kɛi laa, di kaa pai haɠai, yɛ həɠə, Yɛ́ di mąą hvalin, yɛ bələi da həɠə mąą hvalin na, di kaa pai həɠəi laa, dakpɛliɠaa diɛ hee laa.

Mąątɛ̨nɛ̨ 136:7

Ya ɓə hvələ hvələ hɛnŋąą kpɛa kpɛa pɛli! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!