Zĩi 1:1 - Yálá laawoo hɛɓɛ (dc)

¹ Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Yálá laawoo hɛɓɛ

¹ Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Bible

¹ Ńyãa Zĩi ŋ́gaa a Ɣâla da Kúnuu-namui Zîsɛ Kôrai dítii-kɛ-nuu, Nuu-suu puu kao féerɛi díkaa Zɛ̃tai-ŋai samai: Ŋá fáa kâa.

Zĩi 1:1 Referans Kwoze

Izikiɛ 12:15

Da gili kɔ́lɔn gea diɛ kɛ, ɲą́ą́ ɓə gáá a Yai-Laa; ɓɛlɔwai gáá pai di taɠa-taɠai la nɔiɠaa hu, gɛ́ di ɲąąkwɛlɛ nɔiɠaa lɔwai.

Piɛrə dɔlɔɔ 1:1

Piɛrə, Jesus Kristə ŋą kɛla, gáá ɉɛɓɛ́i ŋɛ̨i tɛɛi nuąi daa di həɠə ɉu, diɛi di kaa nwɛ̨ą lɔiɠaa hu, diɛ ɓo: Pɔntə, Galatə, Kapadosə, Asi da Bitini,

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Gɛlaɠaa 26:7

a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Gɛlaɠaa 15:13

Yii kɛa di kpɛɛ a di woo hukulaa, nąąlɔwai Ɉakə yɛ diɛ: «Ną́n nonnii! 'Ka ká wəli tɔɔ mą́ą́!

Dutɛrɔnome 28:64

Yai-Laa kaa pai ka taɠa taɠai nu huwu kəlee lɔwai, yɛnɛ̨ɛ̨ nąą kəlee. Ka káá pai kɛi tíi kɛi haliɠaa diɛ, diɛi di kaa a: kwɛniɠaa da wuluɠaa, diɛi, kaa-o ka nąnni-o ka hvo ta di kɔ́lɔn ni.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Gɛlaɠaa 21:18

Mąą yələ laa ɓoɔ, kwa Polə ni kwəli Ɉakə yəi bɛlɛ́n, nąą ɓə gbɔn ɉu kalanɉonŋaa di di ɲąąkpɔn naa.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Filipə 1:1

Ɲą́ą́ Polə kwa Timote Jesus Kristə ŋą tínuą, kuɔ ɓə ɉɛɓɛ́i ŋɛ̨i tɛɛi Kristalɛa diɛ, diɛi di kaa Filipə daai, da di mɛ̨ikaa nuą, ə mą kɛ, di wɔɔ tínuą.

Galatə 2:12

Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Galatə 1:19

Və́ kpɛli gɛlaɠaa yiiɠaa ti tanɔ̨n gbɛli kaa, ə kulɔ lɔ, Ɉakə gu Nąmu kaayɔwɔ.

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Gɛlaɠaa 1:13

Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Maafîu 13:55

Kɛlɛi nwulu haɠa mun non məi? Nee hvaa a Mari? Kɛlɛi, nəɠəni ɓaa a Ɉakə, Ɉosɛfə, Simɔn, da Ɉudə?

Tɔɔɓɛlaa dɔlɔɔ 18:31

Ə kwɛni pow kɔ́w hveelɛ laa laa, yɛ bələi Israɛlə nu huwu hee kpəlin na kaa la a Ɉakɔbə lonnii, yai Yai-Laa ə kɛ mą: «Di kaa pai kɛi ə́ laa ɓaa Israɛlə.»

Dutɛrɔnome 30:3

Nąąlɔwai, Yai-Laa ka wɔ Yálá a ka wɔ yɛnɛ̨ɛ̨ ɲɛ̨ilaa mąąhvalin, ə nwɔ liinɛɛ gwəi laa lɛ kaa. Nɔiɠaa kpɔ tii ə ka taɠa taɠa ɉu, a pənə ə ka kulɔ laaɠaa, ə ka ɲąą kpɔn nwɔ̨nɔ̨.

Levetekɔ 26:33

Ka wɛi, gáá pai ka taɠa taɠai lɔiɠaa hu, gɛ́ kɔ́ kɔ́ ɓɔwa kulɔ daai gɛ́ ɉee kaa; ka wɔ lɔi a lɛɛ a lɔi pun, ka wɔ taaɠaai di lɛɛ a taa kpoloon.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Ɛsdrasə 6:17

Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Dutɛrɔnome 4:27

Yai-Laa a ka taɠa taɠa lɔi mɛ̨i nuą lɔwai; ka huwu ta wolo tiikpə lɔ ɓə a lɛɛ lɔiɠaa lɔwai, ɓɛɠaai Yai-Laa kaa pai lii laa a kaa.

Lɛɛ gbɔwɔ ɓa 39:14

Gwɛniɠaa tii di kɛ a Israɛlə lonnii laa, pow kɔ́w hveelɛi, yɛ bələi di laa ə kɛ la, ganąn ŋąą ma, yɛ nu a ɲee pɔɔ lɛɛ hɛn ma, gəlee tɛitɛi da naa, yɛ bələi di kɛ la a nu huwu pow gɔw hveelɛ.

Lɛɛ gbɔwɔ ɓa 24:4

Moisə ə Yai-Laa wooɠaa kəlee pɛ̨ɛ̨, ə muhəɠə yələwala pinɛ̨ɛ̨, ə haláá kulɔi pɛli Yai-Laa ɓa, a kwɛni pow kɔ́w hveelɛ, ə di tɔɔ a Israɛlə lonnii pow kɔ́w hveelɛi laa.

M̀ɛni-lɛɛi 7:4

Ɛlɛɛ, nuąi daa kɛ di kɔlɔn ɉii kɛ diɛ, ŋą́ mɛ̨n, di loonŋąą ə ɓo a: Nu nwun dɔ̨nɔ̨ ɲee nąąn kɔw nąąn (144.000), diɛ ɓə daa di kɔlɔn ɉii kɛ diɛ, a Israɛlə nu huwu kəlee.

Gɛlaɠaa 2:5

Yaan, Ɉuifəɠaai Yálá wɛli kaa diɛ, di həɠə yɛnɛ̨ɛ̨ nąą kəlee di pa Ɉerusalɛmə a volói ti.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Maafîu 10:3

Filipə da Bartelemi, Tomasə da nįįhɔ̨nwɔ̨ kulɔ mun Matie. Ɉakə Alfe lon da Tade.

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

Timote veelɛ 4:21

'Gɛ pələ kwɛli mą, gɛɛ hąmą hvo kɛ lɔi, ə́ pa. Eubulə, Pudensə, Linə, Klodia da gu nąn nonnii kəlee diɛ ə́ túwɔ́ ɓo.

Gɛlaɠaa 23:26

Ɲą́ą́ Klaudiusə Lisiasə, ɲą́ą́ ɓə ɉɛɓɛ́i ŋɛ̨i tɛɛi gbahalanąmą kɛnɛ̨ Felisə pɔ, gɛ́ túwɔ́ɓo!

Lukə 6:15

Matie da Tomasə; Alfe lon Ɉakə da Simɔn (yai nɔi nwun mąąɓo mɛ̨nį mąą liihɛlɛn ə kɛ mą),

Markə 3:18

Andre, Filipə, Bartelemi, Matie, Tomasə, Ɉakə Alfe lon ɉulɔnu, Tade, Simɔn yii nɔi nwun mąąɓo liihɛlɛn ə kɛ mą,

Dutɛrɔnome 32:26

Ɲą́ą́ ɓə mo; gáá di hu teeteei a gbuwɔ kpuwɔ, gáá di laa kpɛɛi nuą lɔwai.