Zɛnɛse 9:6 - Yálá laawoo hɛɓɛ (dc)

⁶ «Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Yálá laawoo hɛɓɛ

⁶ «Nui a mɛlan ɲąmą pu, nu lɔ ɓə a mąą nu ɲąmą pu, mąąhɔlɔɓo, Yálá ə nu pɛli Yálá kpinį mąą nįnįn ɉu.

Bible

⁶ Ǹúui kélee a m̀arâŋ ŋãa pûi, da pâi ŋɔ̂i pûi. Kpɛ́ni fêi, ŋá núu-kpune kpɛ̀tɛ a ŋ́gbîŋ ƃóloŋ-maa.

Zɛnɛse 9:6 Referans Kwoze

Levetekɔ 24:17

«Nui a mɛlan gaalon gɛlɛ ə baa, mąąnɛ̨ɛ̨ di gɛlɛɓo kɛmun tii paa

Maafîu 26:52

Nąąlɔwai Jesus ə mo mą, yɛ mą: «Nwɔ́ kɔ́i kɔ́ pələ hvə li. Mąąhɔlɔɓo, nui a kɔ́ a ɓɔwa, ɓɔwa lɔ ɓə da baa la. 'Mowa lɔ daa hu.

M̀ɛni-lɛɛi 13:10

Nui mąąnɛ̨ɛ̨ ə li luwɔlaa hu, gaa pai lii luwɔlaa hu. Nui mąąnɛ̨ɛ̨ di pa baa a ɓɔwa kwɛaa, ɓɔwa kwɛa lɔ ɓə pai baai. Nu mąąhəɠɛɛɠaa kąnąn mɛ̨nį laa na laa ɓa, ɲələ ka.

Lonon mo 35:33

«Mąą hvo nɛ̨ɛ̨li nɔi ŋɛ̨i ka káá ɉu, ka hvo mąą liɓi, mąąhɔlɔɓo, ɲąmą kaa a hɛn a lɔi mąą liɓi, ɛlɛɛ ɲąmą a pu lɔi ɓa, hva pɛli waai a hɛn da kpɛli, hvo kɛli lɔ nui ɲąmąi tii pu nwɔ ɲąmą.

Zĩi 3:9

Gu nɛn danɔ̨n tii lɔ ɓə, gwa gu Ną́mu da gu Nąn mąąwiɛ la, yaa lɔ ɓə nwɔ̨nɔ̨ gwa nuą nɛ̨ŋɛ̨n naa la, a diɛi di kaa a Yálá mąąnįnįn.

Zɛnɛse 5:1

Adamə huwuhu nuą laa ka: Ɲələi Yálá ə nu kan bɛli la, ə nu pɛli Yálá mąą nįnįn ɉu.

Lomaŋ 13:4

Mąąhɔlɔɓo, gaa tíi Yálá ɓa, əgɛ, ə́ ə́ ɲąątɔɔ a mɛ̨nį lɛlɛɛ kɛɛ ɓa. Kɛlaa, akɛ yá mɛ̨nį ɲɔ̨n gɛi, 'ɲɔw kani kiti tee mun ma. Mąąhɔlɔɓo, hvaŋąi gaa ɲəi yɛ mɛ̨nį kɛ la, hvo ɲəi kpɛli, gaa Yálá ŋą kóló ɓa, yɛ Yálá nwąną kulɔ la, mɛ̨nį ɲɔn gɛmun ma.

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Mąątɛ̨nɛ̨ 51:4

'Nwɔ́ túwɔ́ pələ ɲɔ̨n nwaa kpɔ mą́ą́ tɛ̨ɛ̨tɛ̨ɛ̨, 'nwɔ́ nɛ̨ŋɛ̨n nwaa mą́ą́ ə́ mą́ą́həɠə.

Lonon mo 35:25

Mąąnɛ̨ɛ̨ galanɉonŋąą di nu paamun gulɔ nwąną kulɔ kɛ mun ɲəi, di pənə di li la mąąkilɛ taa hu, ɓɛi ə gbɛa mąąkilɛ laa. «A lɛɛ laa, ə lɛɛ ɉu, ɉaláá laa həli mun gɛnɛ̨ɛ di ɉee, a nwulɔ mąąhəɠɛɛ, ə haa.

Levetekɔ 17:4

a wala gɛ hvo paa la gee kaa kələ laaləi, hvo naa həli Yai-Laa ɓa ɲəi bɛlɛ́ laaləi; mąąnɛ̨ɛ̨ di mąąni kɛ ɲąmąi tii ə bu mąą mɛ̨nį ɓa. Mąąnɛ̨ɛ̨ di mąą nui tii kpɛ nɔi lonnii lɔwai.

Korɛntə dɔlɔɔ 11:7

Hulɔnu nwɛi, mąą hvo nɛ̨ɛ̨li hvo ɓɔlɔ pɛlɛ nwuɔ̨, mąąhɔlɔɓo, gaa a Yálá mąąnįnįn da nwɔ mąąwiɛlaa, kɛlaa nɛ̨ɛ̨nu nwɛi gaa a hulɔnu nwɔ mąąwiɛlaa.

Zɛnɛse 42:22

Rubɛn yɛ nəɠəni diɛ: «Kɛlɛi ŋį́ ta kɛi kɛ kpɔ kaa: ‹Gu hvo mɛ̨nį ɲɔ̨n gɛ a Ɉosɛfə ŋɛ̨i›, kɛlaa, ka hvo ka wəli tɔɔ nwóó ɓa nąąlɔwai, ɉaai tii aa həli mą, mąąnɛ̨ɛ̨ gu bulu mɔ̨nɔ̨ mį́i.»

Lɛɛ gbɔwɔ ɓa 20:13

«'Hvó nu paa.

Dutɛrɔnome 5:17

«'Hvó nu paa.

Nwun mąąɓo 9:56

Bələ ɓə Yálá ə mɛ̨nį nwąnąąi Abimelɛkə ə naa nąn ma, yɛ gaayɔwɔɠaa pow mɛ̨ihveelɛi paa, gwələ kulɔ la yaa kpɛli mą.

Samuɛlə dɔlɔɔ 15:33

Samuɛlə yɛ mą: «Bələi ə́ wɔ ɓɔwa kwɛai ə kɛi nɛ̨ąą hvɛɠɛ la a di lonnii, ə́ lee yaa kpɛli, gaa hvɛɠɛi a non.» Samuɛlə ə Agagə nwu dee Yai-Laa lííla Gilgalə daa.

Tɔɔɓɛlaa veelɛ 11:16

Di ɉon di ɉaŋą la a gilɛ ɉoo kwɛnąn naaləi pələ, di həli la tɔɔmun ɲəi bɛlɛ́ laaləi, nąą ɓə di baa laa.

Hanwon 28:17

Nui nu ɲąmą wulu a lɛɛ nwuɔ̨, a lɛɛ gilɛ həɠəi, haa ə həli mą nu ta hva ɉu hon.

Ikilisiati 3:3

Paa ɓo kɛ yələ kaa mą, pala hali kɛ yələ yɛ ɓo mą. Pɛlɛ́ woloi yələ kaa mą, pɛlɛ tɔɔi yələ yɛ ɓo mą.

Lonon mo 35:16

«Akɛ kwɛli hɛn mə ə ɉee mɛlan ma, yɛ haa, nu paamun ni, mąąnɛ̨ɛ̨ di nu paamun tii paa.

Dutɛrɔnome 19:11

Kɛlaa, nu a kɛi wɛli kpɛɛ mąą laa kulɔ a mɛlan gaalon, ə hee dɔwɔ, ə wolo mą, yɛ gɛlɛ a baa pələ, ə lɛɛ ɉu, yili ə haa, mąą nui tii a pu, a li daaɠaa tii ta hu,

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Tɔɔɓɛlaa dɔlɔɔ 2:9

Yiihui ŋɛ̨i kɛa, hvó gaa yɛ nui hɔn və mą. Mąąhɔlɔɓo, ə́ wɛi, ə́ kaa a kilimąą mun; mɛ̨nįi mąąnɛ̨ɛ̨ ə́ gɛ la, yɛ́ kpinįi ɓə gɔlɔn. Bələi mąn nwun bowaa la, hvó nɛɛ laa, hvo gbɔwɔ ɓa haa ɓo.»

Tɔɔɓɛlaa veelɛ 11:1

Yii kɛa Akaziasə nee Atali ə gɔlɔn yɛ non aa haa, ə gɔwɔ tɔɔ yɛ dɔɔ kwəlii lɛapɛlɛɛ kəlee paa.

Tɔɔɓɛlaa veelɛ 11:20

Nɔi lonnii kəlee di kɛi kwəinɛ̨ɛ̨ kulɔ. Ɛlɛɛ, nɔi ə kɛ liilaa hu. Yii ɓaa Atali, di baa a ɓɔwa kwɛa tɔɔmun ɲəi bɛlɛ́ laaləi.

Kɔlɔnikɔ Veerɛi 33:24

Ɲee pɔ nuą di lɔgilii kɛ mą, di baa ɲəi bɛlɛ́n.