Zɛnɛse 9:2 - Yálá laawoo hɛɓɛ (dc)

² Lɔi mɛ̨i huwɔɠaa da yələi nwɛ̨niɠaa kəlee, di kaa pai kɛi ɲɔwi kaa, ə mą kɛ tala huwɔɠaa kəlee da hɔwɔleeɠaa kəlee.

Yálá laawoo hɛɓɛ

² Lɔi mɛ̨i huwɔɠaa da yələi nwɛ̨niɠaa kəlee, di kaa pai kɛi ɲɔwi kaa, ə mą kɛ tala huwɔɠaa kəlee da hɔwɔleeɠaa kəlee.

Bible

² Fɛnɛ-sãa kélee da pâi yaôi kâa da ŋɔni-ŋai, da dɔara-sãai é pɛ́lɛ ǹyɛ̃ɛ-ŋai dîa. Ŋa díkelee tɛ́ɛ kápɔ.

Zɛnɛse 9:2 Referans Kwoze

Zĩi 3:7

Nu kan ɲee a pɛli huwɔ lɔpee gəlee ɓa, ə golohoɓo, ə kɛ a nwɛ̨nį, ə mą kɛ, a tala huwɔ, ə kɛ, a yái-huwɔ lɔpee.

Zɛnɛse 1:28

Yálá ə lúwɔ́ too diɛ, yɛ diɛ: «'Ka li, ka lon gaa, ka lɔi laahvɛɛ a ka lonnii, ka hee lɔi mɛ̨i, gboloyá hu huwɔɠaa mɛ̨i, ə mą kɛ, yələ kwəi nwɛ̨niɠaa mɛ̨i, da huwɔɠaa di kaa lɔi mɛ̨i.»

Osia 2:18

Yai-Laa woo ka: Mąą yələ, yá kɛ mą́ą́ «ɉílɛ»; hvá kɛa kɛ mą́ą́: «nwɔ́ baalə.»

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Zɛnɛse 35:5

Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Zɛnɛse 2:19

Ɉuwɔɠaa da nwɛ̨niɠaai Yai-Laa ə di kulɔ, ə pa a gəlee nu lííla, əgɛ ə gaa, bələi nu kaa pai di laa heei la, əgɛ, naai tii ə lɛɛ diɛ.

Levetekɔ 26:22

Ŋą́ lɔwɔ huwɔɠaa ŋąątɔɔ kaa, diɛ ka lonnii kulɔ ka yəi, diɛ ka wɔ taatɛlɛɛɠaai hu kala, diɛ ka paa, ka wɔ pələɠaai di kpɔlɔɔn.

Zɛnɛse 1:21

Yálá ə yái hɛnŋaa kpɛa kpɛa pɛli, da yai huwɔɠaa, yiiɠaai da di ɓuwuɓo yai. Da nwɛ̨ni huwu tamąą, yiiɠaai da di ɓuwuɓo yələ kwəi. Yálá ə gaa, yɛ yili lɛlɛɛi.

Zɛnɛse 9:1

Yálá ə lúwɔ́ too Noe da non ɉinąą diɛ, yɛ diɛ: «Ka ka káá, ka lɔi mɛ̨i laa hvɛɛ.

Zɛnɛse 9:3

«Nɔ̨ɔ̨-nɔ̨ɔ̨ hɛnŋąąi kpɔ di kaa lɔi mɛ̨i, gəlee kaa a ka kɔ̨nɔ̨n, ŋą́ą́ yiliɠaai kəlee tɛɛ ka pɔ, yɛ pələi ŋį́ kala nwunŋąą kəlee tɛɛ la, gəlee kaa nwɔ̨nɔ̨ a ka wɔɔ.

Zɛnɛse 1:26

Yálá yɛ nwɔ̨nɔ̨ diɛ: «Ka gu nu pɛli, ka gu mąą nįnįn ɉu, ə kɛ a gu kulɔmąą, ə tɔɔlaa kɛ gboloyá hu hɔwɔleeɠaa mɛ̨i, yələi nwɛ̨niɠaa da taatɛlɛɛɠaa, ə mą kɛ, lɔwɔ huwɔɠaa da tala huwɔɠaa; ə tɔɔlaa kɛ gəlee mɛ̨i.»

Zôo 39:11

Ə́ kaa mɔ̨ɔ̨ pai ə́ kilitɔɔi nwɔ huwalawala ɓa, yɛ́ ə́ kɛ koló kəlee lɛɛ ma?