Biblia Todo Logo
Bib sou entènèt

- Piblisite -




Zɛnɛse 8:20 - Yálá laawoo hɛɓɛ (dc)

20 Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Gade chapit la Kopi

Yálá laawoo hɛɓɛ

20 Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Gade chapit la Kopi

Bible

20 Nôa è Ɣâla-teƃele kpɛ̀tɛ Yâwɛɛ mɛni ma, é vɛnɛ-sãa maa waa-ŋai da ŋɔni maa waa-ŋai dɔnɔ-tɔnɔ síɣe é kéreŋ sala kula a dîa ŋ̀âla-teƃelei ma.

Gade chapit la Kopi




Zɛnɛse 8:20
27 Referans Kwoze  

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.


Ɓɛlɔwai kɛa di həli la ɓɛi ŋɛ̨i Yálá ə nąą lɛ Abrahamə ɓa, Abrahamə ə haláá kulɔi ta pɛli laa, ə gwɛi pu mɛ̨i, ə Isaakə hon, ə ɲee laa bulu, ə ɲili, ə dɛ ə naa gwɛi mɛ̨i.


Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,


Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.


Guɔ gu wɛi, yiihu, haláá kulɔi ta kaa gu yəi, ɓɛi, ɉaláá laa həli nuąi ɓɛ lɔi mɛ̨i, di hva kɔ̨nɔ̨n ɉəɠə laa hvo mįi.


Moisə yɛ mą: «Yɛ́ ɓə pai ɉaláá hɛnŋąą kɛi, yii kwa gulɔ da yii mąn kwa gəlee kələn, a Yai-Laa ku wɔ Yálái mąąwiɛ hɛn?


Ɉakɔbə ə haláá kulɔi pɛli laa, ə naa hee a: Ɛlə-Betɛlə, mąąhɔlɔɓo, nąą ɓə Yálá ə gbɔwɔ lɛ laa mą, ɓɛlɔwai ə kɛi pu la niɛ tɔwɔ.


Yələ ta Yálá yɛ Ɉakɔbə ɓa: «Ə́ muhəɠə, ə́ li Betɛlə ə́ hee laa, ə́ haláá kulɔi pɛli laa Yálá ɓa, yai gbɔwɔ lɛ yɛ́, ɓɛlɔwai ə́ kɛi pu la ə́ liɛ Esau ɓa.»


Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.


Isaakə ə haláá kulɔi pɛli laa, ə Yai-Laa hvɛli a naa. Ə taa pu laa. Nwɔ luwɔɠaai di yálɔwa tee laa.


Abramə ə́ nwɔ taai həɠə, ə li ə bu Mamre taa nwɛla kwɛlɛ, yai kɛ a Hebrɔn daa lee nwɔɔ. Ə nɛɛ mą ə haláá kulɔi pɛli laa Yai-Laa ɓa.


Gɛɛnąąi tii ɓə ta ə haláá kulɔi pɛli laa, yɛ kɛ Yálá laa ɓaa: Yai-Laa.


Huwɔ mąąhəɠɛɛ ɉilɛ da ɉaa mɛ̨ihveelɛ həɠə, kɛlaa, huwɔ kɔ́hɔɓoɔ nwɛi, ɉilɛ tɔ̨nɔ̨ da ɉaa tɔ̨nɔ̨ həɠə lɔ.


Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,


Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»


Yili pulu, huwɔ kəlee ɉilɛ da ɉaa di kulɔ, da yiiɠaai kpɔ di kaa lɔi mɛ̨i.


Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.


Nwɛ̨niɠaa lɔwai, nwɛ̨ni hilɛ da ɉaa ɉuwu heei mɛ̨ihveelɛ həɠə, əgɛ, di huwu nwun mąą ə ɓo.


Ə́ mɛlaa huwɔi tii kəlee kələn ɉaláá kulɔ kəhi mɛ̨i, yili a kɛ a haláá yii da gəlee kələn, gun nɛ̨ɛ̨ a Yai-Laa nwɔɔ.


Ə́ pənə ə́ ɉəɠə di yəi, ə́ gələn ɉaláá kulɔi, yili a Yai-Laa líílaa. Yili kaa a haláá yii gələn gun nɛ̨ɛ̨. Haláá kɔ̨nɔ̨n ni, yɛ́ gələn a Yai-Laa nwɔɔ.


nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.


Swiv nou:

Piblisite


Piblisite