Zɛnɛse 7:4 - Yálá laawoo hɛɓɛ (dc)

⁴ Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Yálá laawoo hɛɓɛ

⁴ Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Bible

⁴ Kpɛ́ni fêi, fólo lɔ́ɔlu mɛi feerɛ à tɛ̀ɛ ŋa pâi tuna pûi ǹɔii mâ a fólo kûu buu náaŋ a da kpíni kûu buu náaŋ. Ŋa pâi fúlu sɛŋ kélee su karâi ǹɔii ma nyii-ŋai ŋá dí gbɛ̀tɛi.”

Zɛnɛse 7:4 Referans Kwoze

Zɛnɛse 7:17

Ɲánwąnąi tii ə hvóló pow nąąn gɛ lɔi mɛ̨i. Ɲá ə hvɛɛ, ə gələn muhəɠə.

Zɛnɛse 7:12

Tulɔ ə pu lɔi mɛ̨i, hvóló pow nąąn kpinį pow nąąn ɲee mu.

Zɛnɛse 6:17

Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.

Zɛnɛse 6:13

Nąąlɔwai, Yálá ə mo Noe ɓa, yɛ mą: «Noe! Ŋą́ą́ gaa gɛ́ diɛ: yɛnɛ̨ɛ̨ hɛnŋaa kəlee ŋąąkpɛɛi lɔwai aa ɉəli ɲɛ̨́i ɓa; di hɔn aa ɲɔ̨n, nwąnąlɔ aa lɔi mɛ̨i laa hvɛɛ. Gáá gəlee nwun na pilii.

Zɛnɛse 6:7

Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Mąątɛ̨nɛ̨ 69:28

Di kɛ mɛ̨nį ɲɔ̨nŋaa pu gee mɛ̨i, di wɔɔ nąą hvo kɛa kɛ ə́ wɔ tələnmolaai hu.

M̀ɛni-lɛɛi 3:5

«Bələ ɓə, nui ɲee a tɛɛ mɛ̨nįɠaa tii ɓa, gaa pai həɠə kwɛlɛɛɠaa tooi la gwąną, ɛlɛɛ, vá naa waa yɛnɛ̨ɛ̨ hva kpɛɛ hɛɓɛ́ hu, ɛlɛɛ, ŋą́ naa ɓo Ną́n ɲɛ̨i ɓa da nwɔ malakaɠaai ɲɛ̨i ɓa.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.

Zôo 28:25

Ɓɛlɔwai ə kɛi hvaŋą wiɛ yee kɔ́ɔn na, yɛ yaɠaa kpɛlai kɛ diɛ,

Zôo 22:16

Di gbɛa li a diɛ yələ yɛ tɛɠa ɓo, di wɔ pɛlɛ́ kɔ́wɔ hvilɛn ɉiiɠaa kəlee di lɛɛ yai.

Zɛnɛse 8:12

Ə pənə nwɔ̨nɔ̨ ə nąą mąąkpɔn, lɔwɔ tɔ̨nɔ̨ tɛɛ pulu, ə ɓo nwɔ̨nɔ̨ donwələn tii ɓa, ə li, hvo kɛa pənə hvo pa.

Zɛnɛse 7:10

Lɔwɔ tɔ̨nɔ̨ tɛɛ pulu, ɲánwąnąi tii ə laa lɔi mɛ̨i nąą kəlee.

Zɛnɛse 8:10

Lɔwɔ tɔ̨nɔ̨ tɛɛ pulu, ə pənə nwɔ̨nɔ̨ ə ɓo mą.

Zɛnɛse 6:3

Nąąlɔwai, Yai-Laa ə mo gbɔwɔ ɓa yɛ diɛ: «Ɲɛnɛ̨ɛ̨ kɛ hvaŋąi ŋɛ̨i ŋį́ bu nu lonnii hu, mąą hvo nɛ̨ɛ̨li kɛa və́ nɛɛ di yəi. Mąąhɔlɔɓo, di kɛɛ mɔ̨ɔ̨ tii, mąąnɛ̨ɛ̨ lɔ di haa. Ə həɠə kɛa yiihu ɓa, di kaa kwɛlan gaa pai kɛi lɔ kɛa a: kwɛlan nwun dɔ̨nɔ̨ kwɛlan bow hveelɛ, diɛ haa.»

Zɛnɛse 2:5

Wulu tɔ̨nɔ̨ kpɛli hvo kɛ lɔi mɛ̨i, ə mą kɛ kala ɓɔn dɔ̨nɔ̨ kpɛli, hvo ni kɛ ɓɔn ni lɔi mɛ̨i. Mąąhɔlɔɓo, Yai-Laa hvo ni kɛ tulɔ pu li lɔi mɛ̨i, ɛlɛɛ, nu hvo ni kɛ lɔi mɛ̨i, yii a kóló kɛ lɔi ɓa.

Zɛnɛse 7:3

Nwɛ̨niɠaa lɔwai, nwɛ̨ni hilɛ da ɉaa ɉuwu heei mɛ̨ihveelɛ həɠə, əgɛ, di huwu nwun mąą ə ɓo.

Zɛnɛse 8:2

Yələkɔlɔn naa ə kpulu, tulɔ hvo kɛa kɛi pu, ɲátonŋaa laa ə kpulu.

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»