Zɛnɛse 6:9 - Yálá laawoo hɛɓɛ (dc)

⁹ Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Yálá laawoo hɛɓɛ

⁹ Pələi Noe mąą mɛ̨nį hukulaa ə kɛ la, bələ ka: Noe ə kɛ a nu haŋąą,

Bible

⁹ Nôa ŋɔsuui pîlaŋ-pere ká ŋí. Nôa è kɛ̀ a núu sãa. Zɔŋ fé kɛ́ ní ma ŋɔtãi ma. Nôa è Ɣâla nîa-mɛni kɛ̀.

Zɛnɛse 6:9 Referans Kwoze

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Zɛnɛse 5:24

Henɔkə da Yálá di nɛ̨ɛ̨yɔwɔ laa kɛ, yili pulu, nu ta hvo kɛa gaa. Mąąhɔlɔɓo, Yálá ə ɉəɠə ə nɛɠɛ mą.

Galatə 3:11

Yaan gaa a tɛ̨ą, nu hva pɛli kɛi a tələnmomun Yálá ɲɛ̨i ɓa, dɔ́n tii ɉáálai. Mąąhɔlɔɓo, tələnmomun a yɛnɛ̨ɛ̨ kɛ laa na laa háálai.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 5:22

Metusəla hɔlɔɓoɔ pulu, Henɔkə ə kwɛlan nwun ɉaaɓa kɛ, da Yálá diɛ nɛ̨ɛ̨yɔwɔ laa kɛ a nɛlɛɛ. Ə lon ɉinąą takpɛliɠaa hɔlɔɓo da lon nɛ̨ąą.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zɛnɛse 2:4

Pələ ɓə Yálá ə yələkɔlɔn da lɔi di pɛli la. Ɲələi Yai-Laa ə yələkɔlɔn da lɔi di pɛli la tɔlɔɔ,

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Ikilisiati 7:20

Yaan, nui lɔpee ta hvo ɓɛ lɔi mɛ̨i ɉaŋąą, yɛ mɛ̨nį lɛlɛɛ kɛ, yii hva pɛli lan ɉi.

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Zôo 1:8

Yai-Laa ə mo mą, yɛ mą: «Ə́ nwɔ́ tímun Ɉobə kaa? Ɲɔ̨nwɔ̨mąn və lɔi mɛ̨i. Gaa a nui dúwɔ́ pələ lɛlɛɛ, ə lɛɛ, nwɔ mɛ̨nį haŋąą, yɛ ɲɔw Yálá ɓa, yɛ mąąkwɛa mɛ̨nį ɲɔ̨n ma.»

Lomaŋ 1:17

Yaan, bələi Yálá a nu kɛ la a tələnmomun yaa kpinįi ɲɛ̨i ɓa, nwɛlɛɛ lɛlɛɛ ɓə a yili lɛ. Ə həɠə gɔwɔ tɔɔi lɔwai ɓa, ə lɛɛ ɉu ɲąąkpɛɛi lɔwai, laa na laa lɔ ɓə. Yɛ bələi bɛ̨ɛ̨i la, diɛ kɛ mą: Nui tələnmoɔ a yɛnɛ̨ɛ̨ kɛ, nwɔ laa na laa háálai.

Lukə 23:50

Hulɔnu ta ə kɛ laa diɛ kɛ nąą ɓaa: Ɉosɛfə, Ɉuifə taa ŋɛ̨i da kɛ mą: Arimate, nąą mun ni kɛ. Ɉulɔnui tii nii laaikɛ Yálá-taa tɔɔlaai pa mɛ̨nį mɛ̨i. Ə kɛ a tɔ́n vili nąmu ta, kɛlaa, nwun dɔɔ ŋɛ̨i di gɛ yɛ hvilɛn na Jesus paa mɛ̨nį ɓa, nwɛi hvo hvaa mą.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Kɔlɔnikɔ Veerɛi 15:17

Ə mą kɛ tii, ɉali kɔ́iɠaa di hvo kpɛɛ Israɛlə lɔi hu. Kɛlaa, Asa ə lɛɛ a gwəi kwəlɛɛ Yálá ɓa nwɔ yɛnɛ̨ɛ̨ kəlee yee mu.

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,

Zôo 12:4

Ŋą́ą́ kɛ a mɛlaa di wɔ yɛlɛ mąą hɛn. Ɲą́ą́i kɛi Yálá təli ə gɛ ə nwóó pulu pənə. Tələnmomun yii hɔn və mą, aa kɛ a yɛnɛ̨ɛ̨ nuą di wɔ yɛlɛ kulɔ ɉu hɛn.

Tɔɔɓɛlaa dɔlɔɔ 3:6

Salomɔn yɛ mą: «Yɛ́ ɓə ə́ ɲɛ̨i lɛlɛɛ hee ną́n Davidə ə́ wɔ luwɔi ɓa, mąąhɔlɔɓo, ə hiɛ a ɉaŋąą ə́ ɲɛ̨i ɓa; tələnmolaa hu, a gwəi kwəlɛɛ yɛ́. Yili ɓə gɛ, yɛ́ kulɔ ə́ woo ɓa, ə́ non ɉee háákəlee dɔɔkpəlin ɉu.

Kɔlɔnikɔ Veerɛi 25:2

Ə túwɔ́ a nɛlɛɛ Yai-Laa ɲɛ̨i ɓa, kɛlaa, gili kəlee hvo kɛ lɔ li dúwɔ́ pələ hu.

Zɛnɛse 10:1

Noe lon ɉinąą haaɓai, Sɛmə, Kamə da Ɉafɛtə di huwuhu nuą ka, ɲánwąną tɛɛ pulu.

Zɛnɛse 5:1

Adamə huwuhu nuą laa ka: Ɲələi Yálá ə nu kan bɛli la, ə nu pɛli Yálá mąą nįnįn ɉu.

Zɛnɛse 6:10

Noe tii ə lon ɉinąą haaɓa hɔlɔɓo, dɔ̨nɔ̨ ɓaa: Sɛmə, veelɛnąą Kamə, ɉaaɓanąą Ɉafɛtə.

Dutɛrɔnome 18:13

Mąąnɛ̨ɛ̨ ka pa kanąn Yai-Laa ka wɔ Yálái ɓa kpɔ a ka nwąnąi.

Samia Veerɛi 22:24

Ŋą́ gwə́i kwələ Yai-Laa ɓa. Ŋą́ gbɔ́ɔ́ laa hɔn mo mɛ̨nį ɲɔ̨n gəlee tɔwɔ.

Mąątɛ̨nɛ̨ 37:39

Tələnmo nuą ɓalo mɛ̨nį a həɠə Yai-Laa pɔ, ya ɓə gaa a di mąąkpɛ pɛlɛ́ wala wala, ɓɛlɔwai mɛ̨nį wala wala ta a di kaa la.