Zɛnɛse 6:6 - Yálá laawoo hɛɓɛ (dc)

⁶ Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Yálá laawoo hɛɓɛ

⁶ Yili ə Yai-Laa lii too pulu kpɔ kɛnɛ̨, nu pɛlii ŋɛ̨i ə mo lɔi mɛ̨i mąą mɛ̨nį ɓa, ə viikpɛɛ.

Bible

⁶ Nya ƃe malôŋ è tòo Yâwɛɛ ma a gɛɛ è núu-kpune kpɛ̀tɛ ǹɔii ma nyii ǹíi sòli a ŋánaai.

Zɛnɛse 6:6 Referans Kwoze

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Hebreu 3:10

kwɛlan bɔw nąąn ɲee mu. Yili ɓə gɛ, gɛ́ nííɲąnwąną diɛ, gɛ́ kɛ diɛ: Yələ kəlee ká káá lɔ lan bələ mɛ̨i, nuą ŋɛ̨i, di hvo kpɛli nwɔ́ pələɠaai kaa li,

Samuɛlə dɔlɔɔ 15:29

Ə lɛɛ nwɔ̨nɔ̨, Israɛlə nwɔ mąąwiɛ hva hea too gbɔwɔ la, yii a mo, hva ɉəɠə mą, mąąhɔlɔɓo, hvo yɛ nu, yii a yali gələn ma.»

Samia Veerɛi 24:16

Malaka ə ɲee haŋą Ɉerusalɛmə taa mɛ̨i pələ, yɛ kɛ ə ɉu nuą nwun na pili. Kɛlaa, Yai-Laa hvo kɛa hvaa mą yili hvo kɛ. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́.» Yai-Laa nwɔ malaka ə kɛ tɔɔni Ɉebusə mun Arauna nwɔ mɔ̨nun dan ɉii kwɛlɛ.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.

Zooɛ 2:13

Ka lii ɓə mąąnɛ̨ɛ̨ ka ɉu ɓɛla ka mąą həɠə hvəi. 'Ka pənə ka pa Yai-Laa ka wɔ Yálái pɔ. Gbalai tɔɔ, nwɔ mɛ̨nį lɛlɛɛi, yɛ nu mąąwɛli kaa; Nii holi laa walaa, ɛlɛɛ, nwɔ ɲɛ̨imąąwɛli kaa hu kɛnɛ̨i, a mɛ̨nį nwąnąą laa nuą diɛ, yili hva gwəinɛ̨ɛ̨. Nwɔ lii nɛ̨ɛ̨ gwəi kɛnɛ̨. Niiɓa hvaa ə mɛ̨nį nwąnąą laa nu ɓa.

Lɛɛ gbɔwɔ ɓa 32:14

Mɛ̨nį nwąnąąi Yai-Laa ə kɛi pa naai nwɔ nu huwui ɓa, ə yili həɠə mą.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Ɉeremi 26:19

«Ɉuda tɔɔmun Ezekiasə da nɔi lonnii di mɔ̨ɔ̨ haa? Kɛlɛi yaamun, di Yai-Laa ɓɛlɛ kɛ mą, di tɔɔ a di nwąnąąi, diɛ níilaa. Ɛlɛɛ, mɛ̨nį ɲąąnwąnąąi Yai-Laa aa kɛ naa gwəi yɛ kɛ ə naa diɛ, ə nɛɛ laa. Ya ka tii gu wɛi gu kaa pai gu tɔɔ pələ ɲɔ̨nwɔi kpɔ tɛ̨ɛ̨tɛ̨ɛ̨.»

Kɔlɔnikɔ Maa-ŋuŋ 21:15

Yai-Laa ə malaka ta tɔɔ Ɉerusalɛmə daai, əgɛ, ə nąą kala. Gɛɛ kala pələi tii, Yai-Laa ə nąą kaa, hvo gwəinɛ̨ɛ̨. Ə mo gɛɛ kala malakai tii ɓa, yɛ mą: «Aa pɛli ɉu! Ə́ yee lɛɠɛ yɛ́!» Yai-Laa nwɔ malaka ə kɛ tɔɔni Ɉebusə mun Ornan nwɔ mɔ̨nun dan ɉii kwɛlɛ.

Azaya 48:18

Ee kə! Akɛ kɛ ə́ ə́ wəli tɔɔ nwɔ́ tɔ́n nwooɠaai diɛ, ə́ wɔ liilaai ə li kɛ yɛ ya lee kɛnɛ̨, ə́ wɔ tələnmolaa ə ɓo yɛ gboloyá;

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Samuɛlə dɔlɔɔ 15:35

Samuɛlə hvə kɛa ɲɛ̨i tɔɔ Saulə ɓa, ə lɛɛ la ɉu ə haa. Samuɛlə ə kɛi Saulə mąą wɔlɔ ɓo, mąąhɔlɔɓo, Saulə kɛ mɛ̨nį a Israɛlə tɔɔmun, Yai-Laa aa kɛ nwoo yali bulu.

Dutɛrɔnome 32:36

Yai-Laa kaa pai nwɔ nu huwui kiti teei, gaa pai gwəi kili mąąhvalin ɉii di pɔ di hon bələ hu. Yɛ nwɔ tínuą ɲɛ̨imąąwɛli kaa; ɓɛlɔwai di yee kɔ́nwɔ̨n ɉu a haa la, di ta hvo a luwɔ da hvo gbɔwɔ ɓa.

Dutɛrɔnome 32:29

Ə li kɛ kili kaa diɛ, də li gbaɠala kaa, də li kili hɔlɔɓo di tinąą mɛ̨nį hu.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Hebreu 3:17

Gbɛɛ nuą ɓə Yálá ə niiɲąąnwąną diɛ kwɛlan bow nąąn ɲee mu? Kɛlɛi nuąi nɛ̨ŋɛ̨n ɉəɠə, diɛ ɓə-é! Diɛ ɓə di powa ə pu nɔi pun ɉu.

Malasi 3:6

Ɲą́ą́ Yai-Laa, mą́ą́ hva hvalin. Káái a Ɉakɔbə nu huwu, ka káá kpɔ a nonnii leelee ka túwɔ́ pələ hu.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Mąątɛ̨nɛ̨ 119:158

Ŋą́ hvulunuą kaa, da ɓaɠi lii tɛ a ɲą́ą́, mąąhɔlɔɓo, mɛ̨nįɠaai ə́ mo di hvo bɔ mɛ̨nį kɛi.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 95:10

Kwɛlan bow nąąn ɲeemu, nu huwui tii kun ə hee ɉú, ya ɓə ŋį́ kɛ diɛ: «Nu huwui ɲɛ̨i kiliŋąhiɛ pələ aa bələ lɛɛ, di hvo nwɔ́ pələɠaai kɔ́lɔn ni.»

Mąątɛ̨nɛ̨ 81:13

Yili ɓə gɛ ŋį́ di lɛɛ laa, di too di wɔ kili wala wala laa hu, di hvilɛn di kwəi kiliɠaa pulu.

Mąątɛ̨nɛ̨ 78:40

Di kɛi di kwɛli tee mą nɔi pun ɉu! Kpɔ gee mɛ̨i tamąą, Diɛ níikələn gwəi nɔi pun gələn ŋąą ti hu, kpɔ kɛlɛ-kɛlɛ.

Lomaŋ 11:29

Mąąhɔlɔɓo, Yálá nwɔ mɛ̨inɛ̨ɛ̨, nwɔ təliɓo hva ɉəɠə mą.

Zɛnɛse 6:7

Ə mo gbɔwɔ ɓa, yɛ diɛ: «Hvo kɛ li ŋį́ nu lonnii kəlee nwun napili, ŋį́ di həɠə lɔi mɛ̨i, da huwɔɠaa, ə mą kɛ nwɛ̨niɠaa. Di pɛlii ŋɛ̨i ŋį́ mo, a tɛ̨ą, yili aa níí too pulu.»

Ɉeremi 18:7

Akɛ ŋą́ naa gwə́i a yələ ta, gɛ́ kɛ gáá tɔɔmun da nwɔ lɔi hu kalai, ŋą́ pɛli mą, ŋą́ bu, ŋą́ ɉu kala.