Zɛnɛse 6:11 - Yálá laawoo hɛɓɛ (dc)

¹¹ Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔɔ mɛ̨nį lɔ ɓə kɛ lɔi mɛ̨i nąą kəlee.

Yálá laawoo hɛɓɛ

¹¹ Kɛlaa, Yálá ɲɛ̨i ɓa, yɛnɛ̨ɛ̨ nąą kəlee kalai kɛ a mɛ̨nį ɲɔ̨n, da nwąnąlɔ mɛ̨nį lɔ ɓə kɛ lɔi mɛ̨i nąą kəlee.

Bible

¹¹ Nya ƃe fúlu sãa kélee dí ǹɔii su kâra Ɣâla ŋɛ́i. Dí ǹɔii láa fɛ̂ɛ a ŋwana-lɔ̂ɔ.

Zɛnɛse 6:11 Referans Kwoze

Izikiɛ 8:17

Yɛ mą́ą́: «Hulɔnu lon, yáá nąą kaa? Mowo túwɔ́i Ɉuda nwɔ pɛlɛ́i mu nuą kaa moi ɓɛ, yili hva mɔ̨ɔ̨ di lii hon? Daa nɔi laahvɛɛ a wɛa mɛ̨nį; diɛ nwɔ̨nɔ̨ nwą́ną́lɔ; ə́ kaa di kaai diɛ nwulu ɓəɠən nɛɠɛ di hunwɔ̨ ɓa?

Habakukə 2:8

Kaa nuą tamąą mąą kpoloon, yaan nu huwu takpɛliɠaa kaa pai ka mąą kpoloon ɉi. Nu ɲąmąi tii ka bu, ɛlɛɛ, nwąnąlɔ túwɔ́ tii ka mo a lɔiɠaa laa, taaɠaa laa, da di hu nuą mąą mɛ̨nį ɓa.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 2:13

Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Izikiɛ 28:16

Ə́ wɔ yɔw hu kɛnɛ̨ pələ, ə́ laa ə hvɛɛ a hulu mɛ̨nį, ə́ nɛ̨ŋɛ̨n ɉəɠə. Yili mąą mɛ̨nį ɓa, gáá ka kpolowaɠaa ka tɔɔi, gɛ́ ə́ kpɛ Yálá nwɔ yeei nwuɔ̨, nuą mąąkpɛ malaka kaa ə́ kpɛi, ə́ kulɔ nwɔ̨n nənŋaa lɔwai.

Azaya 60:18

Di hvo kɛa pai wəa mɛ̨nį mɛ̨n ɉii ə́ wɔ lɔi hu, da kɛɛ kala mɛ̨nį, da lɔi hu wolo mɛ̨nį. Ə́ kaa pai ə́ mąą kpɛ hį́iɠaa laa heei a ɓalo mɛ̨nį, yɛ́ ə́ wɔ kponŋąąi laa hee a Mąą tɛ̨nɛ̨.

Lukə 1:6

Zakari da nɛ̨ą Elisabɛtə di kɛ a nu haŋąaɠaa Yálá ɲɛ̨i ɓa, diɛ Yálá nwɔ liɛwooɠaa hon gbɔ kpaan.

Habakukə 2:17

Mɛ̨nį ɲąą nwąnąąi tii laa Liban ɓa, ɲɔ̨nwɔ̨mąn gaa pai ka nwun mɛ̨i pui. Gɛɛ kala huwɔɠaa kəlee hu kala pələ kaa pai ka mąąkpɛlin ɉi. Ɲąmąi ka bu da nwąnąlɔ tuwɔi ka mo nɔi hu, daaɠaa hu da ɉu nukanŋąą diɛ, mąą mɛ̨nį ɓa.

Habakukə 1:2

Yái-Laa! Gáá pai lɛɛi ə́ təlii, ə lɛɛ ɉu, mįnɛ̨ lɔwai, Yɛ́ pa kpɔmąą tɛɛi ku pɔ, yáán, hvə ə́ wəli tɔɔi nwóó ɓa? Gáá tomąi nwąnąlɔ mɛ̨nįɠaa mɛ̨i a ə́ laa, hvo ku kulɔi ɉu?

Ɉeremi 6:7

Bələi lɔ yálɔwa a ya laa hɔnmo la, bələ lɔ ɓə daa tii yee kanąn ŋaai la nwɔ lii ɲɔ̨n kwəi ɓa. Too mɛ̨i da hulu mɛ̨nį lɔ ɓə laa, yələ kəlee ɲɛ̨́i a tɔɔ mɔ̨nɔ̨ hu, da kɛlɛ ɓo.

Mąątɛ̨nɛ̨ 140:11

Nwɔ̨n deŋą ə yɛɛ di mɛ̨i, yɛ tulɔ, di di pili ɓoloon gɛnɛ̨ hu, di hvo kulɔ laa.

Mąątɛ̨nɛ̨ 55:9

Ŋą́ li kɛ li a mąąhulaa, gɛ́ pu laakala hvaŋą tɔwɔ.»

Mąątɛ̨nɛ̨ 11:5

Yai-Laa a tələnmomun ɉu kɔ́ɔn, yɛ wɛli kpɛɛmąąlaa kulɔ a nu ɲɔ̨nwɔ̨ɔ̨, da wɛamun.

Zɛnɛse 13:13

Sodomə taai tii hu nuą di kɛi túwɔ́ pələ ɲɔ̨n gɛ, diɛ Yai-Laa lii kələn gwəi.

Zɛnɛse 10:9

Nɛmrodə ə kɛ a huwɔ kpɛmun gɛnɛ̨ Yai-Laa ɲɛ̨i ɓa. Yili ɓə gɛ, nuą da kɛ kɛi mą: «Ə kɛ a huwɔ kpɛmun gɛnɛ̨ Yai-Laa ɲɛ̨i ɓa yɛ Nemrɔdə.»

Kɔlɔnikɔ Veerɛi 34:27

Yii kpɔ mɛ̨nįi ŋɛ̨i ə lɔ ə́ lii mu, ə́ ə́ kpɔɔ mąąyɛɛ Yálá lííla, ɛlɛɛ, nwooɠaai ɉɛɓɛ́i ŋɛ̨i ɉu, yɛ hvilɛn na gɛɛnąą ŋɛ̨i nuą diɛ, mąn ə́ mo, ə́ ə́ kpɔɔ mąąyɛɛ ɲą́ą́ nííla, ə́ ə́ mąąhəɠə huɓɛla, ə́ wɔlɔ nííla; yili ɓa, ɲą́ą́ gbɛli ŋą́ą́ ə́ woo mąn! Ɲą́ą́ Yai-Laa nwóó li.

Zɛnɛse 7:1

Yai-Laa ə mo Noe ɓa yɛ mą: «'Lɔ gələn ɉu, yɛ́ ka ə́ yəi bɛlɛ́n nuą kəlee. Hvo gaai, ŋą́ą́ ə́ kaa ə́ ɓɛlaa lɔwai, ə́ tələnmoɔi ɲɛ̨́i ɓa.

Zɛnɛse 6:10

Noe tii ə lon ɉinąą haaɓa hɔlɔɓo, dɔ̨nɔ̨ ɓaa: Sɛmə, veelɛnąą Kamə, ɉaaɓanąą Ɉafɛtə.

Lɛɛ gbɔwɔ ɓa 32:7

Nąąlɔwai Yai-Laa yɛ Moisə ɓa: «Pənə ə́ yɛɛ, mąąhɔlɔɓo, ə wɔ́ nuąi ŋɛ̨i ə́ di kulɔ Eziptə lɔi hu, daa di kɔ́hɔɓo.

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Nwun mąąɓo 2:19

Kɛlaa, ɓɛlɔwai guláái yili a haa la, da lan gbɔ, di tɛɛ di nąnni diɛ, diɛ haliɠaa həɠə, diɛ kwɛli hvilɛn diɛ, di hvo kɛi kpɛla túwɔ́ pələ ɲɔ̨n ma, di wɔ kili walawala laa ta hvo kɛi kulɔ mą.