Zɛnɛse 50:21 - Yálá laawoo hɛɓɛ (dc)

²¹ Ka hvə ɲɔw tɔ̨nɔ̨ kpɛli. Gáá gíli lɛɛi ka hu, ŋį́ ka mąąkpaan gbɛɛ ka ka yəi bɛlɛ́n nuą kəlee.» Bələ ɓə Ɉosɛfə ə niɛni liilaa la a wɛlikɛmąą woo.

Yálá laawoo hɛɓɛ

²¹ Ka hvə ɲɔw tɔ̨nɔ̨ kpɛli. Gáá gíli lɛɛi ka hu, ŋį́ ka mąąkpaan gbɛɛ ka ka yəi bɛlɛ́n nuą kəlee.» Bələ ɓə Ɉosɛfə ə niɛni liilaa la a wɛlikɛmąą woo.

Bible

²¹ Mɛni ma káfe yào. Ŋa pâi káŋaa kɔnîi ka kánîa-pɛlɛɛi.” È dílii làa a ŋ̀óo-ŋai ŋí.

Zɛnɛse 50:21 Referans Kwoze

Zɛnɛse 47:12

Ɉosɛfə ə kɔ̨nɔ̨n dɛɛ nąn da niɛni di pɔ, yɛ bələi di kɛ la bɔ.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Maafîu 6:14

«Yili ɓa, akɛ nuąi da kɛ mɛ̨nį ɲɔ̨n gɛi a kaa, ka kɛ di mąąhvaalɛɛi, bələ lɔ ɓə, ka Nąn yaa kpɛli a ka mąąhvaalɛɛ la.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Zɛnɛse 34:3

Kɛlaa, Ɉakɔbə lon Dina wɛli ə too kpɔ mą kɛnɛ̨, ə kɛ bɔ ə ɉəɠə kɛa a nɛ̨ą.

Zɛnɛse 50:22

Ɉosɛfə da nąn ɲəi bɛlɛ́n nuą di kɛ heeni Eziptə lɔi hu. Ɉosɛfə kaa kwɛlan ə kɛ a: kwɛlan nwun dɔ̨nɔ̨ kwɛlan bow.

Nwun mąąɓo 19:3

Ɉilɛ ə həɠə, yɛ li tɔɔi dɔwɔ, ə gɛ da yaa di di lɔwai woo ɓo, ə pənə ə pa bɛlɛ́n. Ɉulɔnui tii kɛɛ lii, da ɲee pɔmun dɔ̨nɔ̨ ɓə li, ɛlɛɛ da hoohvaalən veelɛ. Nɛ̨ɛ̨nui tii ə ɉilɛ lɔ nąn ɲəi bɛlɛ́n. Nɛ̨ɛ̨nu nąn gwəi ə nɛ̨ɛ̨ mɔlɔ kaa mɛ̨nį ɓa, ə kulɔ yɛ li nɛ̨nɛ̨ɓoi.

Zɛnɛse 45:5

Ka kwəi hvo pili kaa, ɛlɛɛ, ka líí hvo holi ka kpɔwɔ pɔ́, nɔ́wɔ tɔɔ mɛ̨nį ɓa. Yálá ka tii hvaa mą, ŋį́ pa ɓɛ nɔi, ə gɛ,, ka nwun mąą ə ɓo.

Kɔlɔnikɔ Veerɛi 30:22

Ezekiasə wooɠaa ə lévi lonnii lii hon, ə kiliŋąhiɛ lɛlɛɛ too diɛ yɛ hvilɛn na Yai-Laa ɓa. Ɛlɛɛ ɉɛli guu ta pɛlɛ mą a hvóló mɛ̨ihveelɛ, diɛ liilaa haláá kulɔ, diɛ di nąnni di wɔɔ Yálái Yai-Laa hɛɠɛɛɓo.