Zɛnɛse 50:18 - Yálá laawoo hɛɓɛ (dc)

¹⁸ Yili pulu, niɛni kpinįi, di pa, di pɛlɛ gɔwɔ mu, diɛ mą: «Kwaa lɛɛ a ə́ wɔ luwɔɠaa.»

Yálá laawoo hɛɓɛ

¹⁸ Yili pulu, niɛni kpinįi, di pa, di pɛlɛ gɔwɔ mu, diɛ mą: «Kwaa lɛɛ a ə́ wɔ luwɔɠaa.»

Bible

¹⁸ Ǹêɣe da ǹîa-ni dí pà dîa kpîŋ dí pɛ́lɛ gɔ́ mu díyɛɛ mai, “Gáa, kúkaa a íyee mu-ƃela.”

Zɛnɛse 50:18 Referans Kwoze

Zɛnɛse 45:3

Ɉosɛfə yɛ niɛni diɛ: «Ɉosɛfə ɓaa a ɲą́ą́! Ną́n gaa nii a vulú?» Niɛni kwəi pili pələi tii diɛ, di hvo kpɛli pɛli nwoo ŋąąpənəi.

Zɛnɛse 44:14

Ɉuda da mɛlaani di pənə di pa Ɉosɛfə pɔ, yili heɛnii ɲəi bɛlɛ́n, di kəlee di pɛlɛ nɔi ɓa gɔwɔ mu.

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Zɛnɛse 41:43

Dɔɔ kwəlii wotoloi kɛ a dɔɔ kwɛlɛ mun nwɛi, di Ɉosɛfə hee ɉu, nuą hvilɛn ŋąą dɔwɔ diɛ kɛ mą: «Nu kəlee ə kwɛli hvilɛn! Ɉosɛfə ɓa.» Bələ ɓə di Ɉosɛfə hee la Eziptə lɔi nwun na.

Zɛnɛse 50:17

‹Ka nwóó ŋɛ̨i laa həli Ɉosɛfə ɓa, kaa mą, Ɉakɔbə yɛ: Mɛ̨ni nwąnąąi ə́ liɛni di naa yɛ́, yii kpɔ di gɛ a yɛ́ a ɲɔ̨nwɔ̨ɔ̨, di mąąhvaalɛɛ gəlee hu.› Yili ɓa, Ɉosɛfə, kuɔ: Ə́ ku mąąhvaalɛɛ, gu kəlee ɓə gwa kwɛli hvilɛn gu nąn nwɔ Yálái ɓa.» Nwɛlɛɛ tii ɓoi di mo Ɉosɛfə ɓa, ə hee yɛ wɔlɔ.

Zɛnɛse 50:19

Ɉosɛfə yɛ diɛ: «Ka hvə ɲɔw, vá pɛli tɔɔi Yálá tɔɔi.