Zɛnɛse 5:29 - Yálá laawoo hɛɓɛ (dc)

²⁹ ə naa hee a Noe. Ə giliŋąhiɛ, yɛ diɛ: «Nui ŋɛ̨i ɓə pai hvįįtɔɔ tɛɛi ku pɔ, ku kɛ kólóɠaa mąą mɛ̨nį ɓa, lɔi nɛ̨ŋɛ̨n naai ŋɛ̨i Yai-Laa ə mo, mąą mɛ̨ni ɓa.»

Yálá laawoo hɛɓɛ

²⁹ ə naa hee a Noe. Ə giliŋąhiɛ, yɛ diɛ: «Nui ŋɛ̨i ɓə pai hvįįtɔɔ tɛɛi ku pɔ, ku kɛ kólóɠaa mąą mɛ̨nį ɓa, lɔi nɛ̨ŋɛ̨n naai ŋɛ̨i Yai-Laa ə mo, mąą mɛ̨ni ɓa.»

Bible

²⁹ È ǹáa sèe a Nôa. È mò ǹyɛɛi, “Ǹɔii kpɔ́ ŋí Yâwɛɛ è ǹáɣaŋ làai, nôloŋ ŋí a pâi kúŋa nɛnɛ̂i ma kútii kpanaŋ-ŋai da kúmɛni-soli-ŋai su.”

Zɛnɛse 5:29 Referans Kwoze

Piɛrə veelɛ 2:5

Ɲɛnɛɛ tɔlɔɔ yii kɛ laa Noe nwɔ lɔwai hu, ɉu nuą ɲɛ̨i wala-walaa, Yálá hvo di ɲɛ̨i mąą wɛli kaa, ə di nwun napili a yanwana, hvo kɛli lɔ Noe ŋɛ̨i kɛi tələnmo woo laa həli, yaa da nu mɛ̨ihveelɛ lɔ ɓə di nwun mąą ə ɓo.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Maafîu 24:37

Pələi lɔ ə kɛ la a Noe nwɔ yələi, pələ lɔ ɓə gaa pai kɛi la a Nu Lon nwɔ yələi.

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Azaya 54:9

Gáá gɛi lɔ yɛ Noe nwɔ ya mɛ̨nįi, ŋį́ gwɛla mɛ̨nįi tii hu, gɛ́ diɛ ya hva kɛa pənə hvo lɔi mɛ̨i kpulu yɛ Noe nwɔ tulɔi, gáá lɔ nwɔ̨nɔ̨ gwɛ́lai tii, gɛ́ kɛ vá kɛa níí holi ə́ pɔ, vá kɛa ə́ mąąɲɔw.

Zɛnɛse 9:24

Ɓɛlɔwai nɔɔ ə tee la Noe ɲɛ̨i, mɛ̨nįi tii non ə gɛ la, di ɉukulɔ mą.

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.

Lukə 3:36

Sala nąn mąą Kainamə, Kainamə nąn mąą Arfasadə. Arfasadə nąn mąą Sɛmə. Sɛmə nąn mąą Noe. Noe nąn mąą Lamɛkə, Lamɛkə nąn mąą Matusala.

Zɛnɛse 7:23

Bələ ɓə lɔi mɛ̨i hɛnŋaa kəlee nwun na ə pili la, ə gɔwɔ tɔɔ nu ɓa, ə li la huwɔɠaa pɔ, nwɛ̨niɠaa da tala huwɔɠaa kəlee; gəlee di haa, ə lɛɛ lɔ a Noe da yiiɠaai kɛ bɔ gələn ɉu.

Lomaŋ 8:20

Pɛli hɛnŋaai daa too kpɛli-kpɛli mɛ̨nį yeekɔnma, di hvo naali di kwəi; kɛlaa, ɉɛn tii di ɲąąhɛn, gɛ tíi li. Kɛlaa ə mą kɛ tii, kilitɔɔmąąlaa kaa lɔ ni di yəi.

Zɛnɛse 5:28

Lamɛkə kaa kwɛlan ə kɛ a kwɛlan nwun dɔ̨nɔ̨ kwɛlan bow mɛ̨ihaaɓa kɔ́w hveelɛ, ə lon ɉulɔnu hɔlɔɓo,

Zɛnɛse 5:30

Noe hɔlɔɓoɔ pulu, Lamɛkə ə kwɛlan nwun nɔɔli kwɛlan bow mɛ̨inąąn kɔ́w lɔɔli kɛ. Ə lon ɉinąą takpɛliɠaa hɔlɔɓo da lon nɛ̨ąą.