Zɛnɛse 49:8 - Yálá laawoo hɛɓɛ (dc)

⁸ Ɉuda ə́ wɛi, ə́ kaayɔwɔɠaa da ə́ mąątɛ̨nɛ̨ a wələ woo, ə́ yee a wiɛ ə́ yowoɠaa mɛ̨i, ə́ nąn nonnii da kwɛli hvilɛn yɛ́.

Yálá laawoo hɛɓɛ

⁸ Ɉuda ə́ wɛi, ə́ kaayɔwɔɠaa da ə́ mąątɛ̨nɛ̨ a wələ woo, ə́ yee a wiɛ ə́ yowoɠaa mɛ̨i, ə́ nąn nonnii da kwɛli hvilɛn yɛ́.

Bible

⁸ “Zuda, ílêɣe da ílîa-ni da pâi ílaa ma tɛ̂i. Íyee a pâi kɛ̂i íkpɔara-ƃelai kɔŋ mâ. Ínâŋ ǹônii-sinaai da pâi pɛlɛ̂i íkɔɔ mu.

Zɛnɛse 49:8 Referans Kwoze

Hebreu 7:14

Gaa a mɛ̨nįi nu kəlee di gɔlɔn, diɛ, gu Ną́mu ə kulɔ Ɉuda huwu hu, a huwui Moisə hvo mɛ̨nį ta ɓo, naa mɛ̨i, ŋą hɛɓɛ́ɠaai hu yɛ hvilɛn na, ɉaláá laa həli nuą kpɛa-kpɛaa ɓa.

Zɛnɛse 27:29

Yɛnɛ̨ɛ̨ nąą kəlee ə kɛ ə́ yee mu, hį́i kəlee di kwɛli hvilɛn yɛ́, ə́ hee ə́ kaayɔwɔɠaa nwun na, ə́ lee lonnii di kwɛli hvilɛn yɛ́. Nui a ə́ nɛ̨ŋɛ̨n naa, Yálá ə nɛ̨ŋɛ̨n naa. Nui a lúwɔ́ too yɛ́, Yálá ə lúwɔ́ too mą.»

Kɔlɔnikɔ Maa-ŋuŋ 5:2

Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Zasua 10:24

Dɔɔɓɛlaa lɔɔlii tii kulɔi di mo di pa a diɛ Ɉosue pɔ, yili ə Israɛlə lonnii təli, yɛ gɔ́laɠa ɲɛ̨itɔwɔ nuą diɛ: «Ka lɛɠɛ ɓɛ, ka ka kɔ́wɔ hvilɛn dɔɔɓɛlaai ŋɛ̨i kɔ́n bulu.» Di lɛɠɛ laa, di di kɔ́wɔ hvilɛn dɔɔɓɛlaa kɔ́n bulu.

Dutɛrɔnome 33:7

Yii ɓa Ɉuda nwɛi, yii ə mo naa mɛ̨i ya ka: «Yai-Laa! Ə́ wəli tɔɔ Ɉuda woo ɓa! Pənə ə́ paa la nwɔ nuą pɔ. Ə gbɔwɔ mąąkɔ̨nwɔ̨ a gbɔwɔ yee. 'Kɛ a dɔɔ bulu, da gɔyɔwɔ di lɔwai.»

Zɛnɛse 29:35

Lea ə pənə nwɔ̨nɔ̨ ə koo həɠə, ə lon ɉulɔnu kaa, ə naa hee a Ɉuda. Yɛ nwɔ̨nɔ̨ mą: «Yii ŋɛ̨i nwɛi, gáá Yai-Laa hɛɠɛɛɓoi, ŋį́ mąmąɓo.» Ɉuda hɔlɔɓoɔ pulu, Lea ə kpɛla lon gaa ɓa.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

Hebreu 10:13

Gaa heeni laa, yɛ nąą mąąkpɔn, ə gɛ, di ɲɔwɔɔɠaa pɛlɛ gɔwɔ mu yɛ haɠa.

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Mąątɛ̨nɛ̨ 76:1

Nwələ ɲɛ̨itɔwɔmun. Gwɛnin nwələ. Asafə nwɔ hvɛ́li woo.

Kɔlɔnikɔ Veerɛi 30:11

Kɛlaa ə mą kɛ tii, Asɛrə nuą, Manase nuą da Zabulɔn nuą di mɛ̨nįi tii kaa a mɛ̨nį walawala, di pa Ɉerusalɛmə.

Kɔlɔnikɔ Veerɛi 17:2

Ə kɔ́ ɓuwuɠaa pɛlɛ Ɉuda kɔ́ taaɠaa hu. Ə lɔi ɲąąwooɓo nuą hee Ɉuda lɔi hu, da Ɛfraimə taaɠaa hu, diɛi kpɔ tii nąn Asa ə di hon a kɔ́.

Kɔlɔnikɔ Veerɛi 15:9

Asa ə Ɉuda nuą da Bɛnɉamɛn nuą kəlee ɲąąkpɔn, da nuą tii pu Ɛfraimə lɔi hu, Manase lɔi da Simeɔn lɔi hu, diɛ di mąąkilɛ. Gbala ə tɔɔ, gaai nuą di mo, diɛ kɛ Yai-Laa nwɔ Yálái tɔɔi bulu, Israɛlə nuą di pa bɔ a di kpulu kɛnɛ̨.

Kɔlɔnikɔ Veerɛi 14:8

Nubi mun Zera ə pa kɔ́ pɛlɛi diɛ. Ə pa a nu waa kpulu tamąą, bɛlɛɛ kɔ-kɔ wotolo nwun ɉaaɓa; ə pa ə həli kpɔ Maresa.

Samia Veerɛi 24:9

Ɉoabə ə nu kwɛni hvaa ɓo tɔɔmun ma. Israɛlə nuą di kɛ a nu waa nwun mɛ̨ihaaɓa, diɛ pɛli ɓɔ́wa yalai daai. Ɉuda nuą di kɛ a nu waa nwun nɔɔli.

Samia Veerɛi 22:41

Yá ɲówoɠaa kpowola lɛ mą́ą́, Nuąi da tɔɔ ná, gɛ́ pɛli di hukalai.

Samia Veerɛi 5:3

Israɛlə kalanɉonŋaa kəlee di pa di həli tɔɔmun ma Hebrɔn, ɛlɛɛ, da tɔɔmun Davidə ni di mįnɛ̨ həɠə Hebrɔn Yai-Laa lííla. Di dɔɔ wulɔ lɔ Davidə ɓa, di gɛ a Israɛlə tɔɔmun.

Nwun mąąɓo 20:18

Israɛlə nuą kəlee də li Betɛlə, di Yálá mąąni kɛ, diɛ mą: «Ku lɔwai, ɉuwu nɛlɛ ɓə pai tɛɛi tɔwɔ, yɛ li pɛlɛi Bɛnɉamɛn nu huwu ɓa?» Yai-Laa yɛ diɛ: «Ɉuda nu huwu ɓə tɛɛi tɔwɔ.»

Lonon mo 26:22

Ɉuda huwu nwɔ pɛlɛ́ɠaai ka tii. Di kɛ a: Nu waa pow mɛ̨ihveelɛ kɔ́w mɛ̨ida pulu nwun nɔɔli (76.500).

Lonon mo 10:14

Nuąi tɛɛ tɔwɔ, diɛ ɓaa Ɉuda lonnii di wɔ kɔlaɠai. Ɉuda lonnii di wɔ kɔlaɠai, nui kɛ ɲɛ̨itɔwɔ, ya ɓaa kɛ Aminadavə lon Nasɔn

Lonon mo 1:27

diɛi kɛ a Ɉuda lonnii di kɛ a nu waa pow mɛ̨ihveelɛ kɔ́w nąąn, pulu nwun mɛ̨ida (74600).

Zɛnɛse 46:12

Ɉuda nwɔ lonnii laa ka: Ɛrə, Onan, Seva, Pɛrɛsə, da Zera. Ɛrə da Onan di haa Kanaan. Pɛrɛsə lonnii laa ka: Hɛsrɔn da Hamulə.

Zɛnɛse 42:6

Ɉosɛfə ɓə kɛi Eziptə lɔi ɲąą woo ɓo, ya ɓə kɛi mɔ̨nun nɔwɔtɔɔ nwɛ̨ąą diɛ. Niɛni di pa, di pɛlɛ nɔi ɓa gɔwɔ mu.

Lonon mo 26:20

Ɉuda lonnii laa ka da di wɔ pɛlɛ́ɠaai: Sela lonnii di wɔ pɛ́lɛ́i; Pɛrɛsə lonnii di wɔ pɛ́lɛ́i; Zera lonnii di wɔ pɛ́lɛ́i.

Kɔlɔnikɔ Maa-ŋuŋ 28:4

Yai-Laa Israɛlə nwɔ Yálá ə ɉə́ɠə ɉu, ɲə́i bɛlɛ́n nuą kəlee lɔwai, ə gɛ́ a Israɛlə tɔɔmun, a yələ kəlee mɛ̨nį. Hvó gaai, ə ɉə́ɠə Ɉuda yəi bɛlɛ́n, ɓɛi ną́n ə kulɔ laa, ŋą́ kɛ a Ɉuda tənən dɔɔ mun. Ną́n nonnii lɔwai, ɲą́ą́ ɓə laa a Yálá lii, yɛ gɛ́ a heeɓomun Israɛlə kəlee nwun na.

Zasua 15:20

Bələ ɓə Ɉuda nu huwu ə kɛ la, a gwəliɠaa laa.