Zɛnɛse 49:33 - Yálá laawoo hɛɓɛ (dc)

³³ Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Yálá laawoo hɛɓɛ

³³ Ɉakɔbə ə kpɛɛ lɔ a niɛwooɠaai tii kɛɛ nonnii diɛ, ə tinɛ̨n, ə laa ə kɛ lɔ kɛa a niɛ nąnni pɔ.

Bible

³³ Tãi Zeeka è kpɛ̀ɛ la a mɛni-ŋai ŋí ƃóɔɔ ǹônii diai, è gɔ́ɔ tɛ̀ pôlu ŋɔgbìŋ ŋá é sáa é lí ŋɔnûa pɔlɔ-ŋai pɔ́.

Zɛnɛse 49:33 Referans Kwoze

Zɛnɛse 49:29

Ɉakɔbə ə niɛwooi ŋɛ̨i kɛ nonnii diɛ, yɛ diɛ: «Ŋą́ pa pɔlɔi, ka náá ną́nni kwɛlɛ, Hɛtə mun Ɛfrɔn yəi ɲɛa, kwɛni wolo ta kaa laa ɉu, ɓɛi wɔlɔ di ną́nni loo laa.

Zɛnɛse 25:8

Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Hebreu 12:23

ɛlɛɛ, káá lɔ, Yálá lonnii dɔlɔɔɠaa di wɔɔ kpɔn hu, a diɛi di laa pɛ̨ɛ̨i yələkɔlɔn ɉu; ɛlɛɛ, káá ká mąąlɛɠɛ Yálá ɓa, yai a nu kəlee kiti teemun, da tələnmo nuą nįį, diɛi daa həli mɛ̨nį kəlee laa kulɔi.

Hebreu 11:22

Laa na laa háálai, Ɉosɛfə kɛɛ pai lii nąnni pɔ, ə Israɛlə lonni kulɔ mɛ̨nį Eziptə lɔi hu, mąą mɛ̨nį ɓo, ɛlɛɛ, a haa, bələi mąąnɛ̨ɛ̨ di gɔw mąą mɛ̨nį kɛ la, ə mo diɛ.

Gɛlaɠaa 7:15

Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Lukə 2:29

«Yiihu kɛa, Ną́mu Yálá, mɛ̨nįi ə́ mo naa aa hvon; ə́ wɔɔ tímun nɛɛ laa ə li nąnni pɔ liilaa hu.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Zôo 14:10

Kɛlaa, nu kan nwɛi a haa, a lɛɛ lɔ ti, nu a haa, di hva gɛi kaa.

Zôo 5:26

Ə kaa pai lii ə́ kámą hu, ə́ huwalawalaa ni, yɛ bələi da mɔ̨nun boloon dɔɔ la a di wɔ lɔwai.

Zɛnɛse 49:1

Ɉakɔbə ə nonnii kəlee təli, yɛ dɛ: 'Ka kəlee ka lɛɠɛ mą́ą́, mɛ̨nįi tinąą pai kɛi ŋą́ ɉu kulɔ kaa.

Zɛnɛse 35:29

Isaakə ə pɔlɔ, yɛ tɛɠa lɛɛ laai nąnni kwɛlɛ. Esau da Ɉakɔbə di di nąn now.

Zɛnɛse 25:17

Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Zɛnɛse 49:32

Nɔi tii, da gwɛni woloi gaa ɉu, di wɔlɔ ɲa Hɛtə nuą yəi.»

Zɛnɛse 50:1

Ə kɛ lɔ tii, Ɉosɛfə ə wolo nąn ma, ə wɔlɔ kpɔ kɛnɛ̨, ɲɛ̨iya yɛ pu nąn ɲɛ̨ilaa, ə yələwala too nąn ma.

Tɔɔɓɛlaa veelɛ 13:14

Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Tɔɔɓɛlaa veelɛ 13:20

Elise ə laa ɲee tɔ̨nɔ̨ mɛ̨i, di gɔ́ a nɔi. Gwɛlan ə tínɛ̨n ə həli, toomɛ̨i kɛ nuą di kɛi həɠə Moabə lɔi hu, diɛ lɔ Israɛlə.