Zɛnɛse 49:26 - Yálá laawoo hɛɓɛ (dc)

²⁶ Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Yálá laawoo hɛɓɛ

²⁶ Núwɔ́i ə́ nąn ə doo yɛ́, nwun naŋįnŋąąi, tɔwɔ-tɔwɔ yeeɠaa di wɔ lúwɔ́ mɛ̨i, gɛnɛ̨i dɛɛ ɲeeɠaai wɔlɔ nwɛli kaa nuą diɛ mą. Ɉosɛfə, ə́ nąn nwɔ lúwɔ́ ə yɛɛ ə́ mɛ̨i, ə ə́ kɛ a laa mąą mun ə́ kaayɔwɔɠaa lɔwai.

Bible

²⁶ Ínâŋ ŋɔlûwai tɛɛ̂i ŋɔ́lɔ-wɔlɔ yee-ŋai dílûwai mâ, Tɔɔ ǹûa-ŋai ŋí dí kɛ́ Zosɛ mà, nyii dí gùla ǹîa-ni sámai.

Zɛnɛse 49:26 Referans Kwoze

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.

Zôna 2:6

Ɲá ə tɛ gwą́ną, gboloyá ə nwún mɛ̨i pu. Ɲái tumɔɠaa di kpįnįn nwún ma

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Mąątɛ̨nɛ̨ 132:18

Ŋą́ nwumɛ̨ həɠə too ɲowoɠaa kwąną, Kɛlaa nwɛi, nwɔ tɔɔɓɔlɔi ɲɛ̨i a tɔɔ.

Mąątɛ̨nɛ̨ 89:36

Ŋą́ą́ gwɛla mą a yələ kəlee mɛ̨nį, a nwɔ́ mąąhəɠəlaa; vá Davidə ɓowo kpɔ tanɔ̨n kpɛli.

Lonon mo 6:2

«'Mo Israɛlə lonnii diɛ, yɛ́ diɛ: «Hulɔnu ta, a wala kɛ tii, nɛ̨ɛ̨nu, a nwoo kwɛlɛ yɛ kɛ diɛ gaa gbɔwɔ tɛɛi Yai-Laa nwɔ kólói pɔ, a nwoo kwɛlɛ, yɛ gbɔwɔ tɛɛ Yai-Laa pɔ,

Zɛnɛse 37:28

Ismaɛlə nu huwui a Madian yɔw kɛ nuą, di kɛɛ tɛɛ nąą, di Ɉosɛfə kulɔ nɔwai, di nɔwɔtɔɔ diɛ a wali kwələ pow hveelɛ, yiliɠaai di ɉəɠə di li la Eziptə.

Ifisiɛŋ 1:3

Lúwɔ́ ə kɛ gu Ną́mu Jesus Kristə Nąn Yálá ɓa, yai aa yələkɔlɔn ɉu lúwɔ́ɠaa kəlee too guɔ Kristə hu.

Gɛlaɠaa 7:9

«Gu kalaɓɔlɔni ti gu di kɔ́lɔn a nɛlɛɛ, di tolo hee di ləɠə Ɉosɛfə ɓa, di nɔwɔtɔɔ, nui Ɉosɛfə ya, ə ɉəɠə ə li la Eziptə lɔi hu yɛ ɓo laa di yəi luwɔlaa laa hu. Kɛlaa, Yálá ə kɛ bɔ.

Zɛnɛse 37:8

Niɛni diɛ mą: «Gaa ə́ kwəi ə́ kaa pai heei ku mɛ̨i, ə́ ku ɲąąwooɓo?» Nwɔ wɛli kpɛɛ mąąlaa ta ə pɛlɛ nwɔ̨nɔ̨ mą niɛni yəi, ɉįi tii ə gaa ə ɉukulɔ diɛ, mąą mɛ̨nį ɓa.

Zɛnɛse 49:27

Bɛnɉamɛn kaa yɛ kwɛ́li, yələwala pɔ, a huwɔ hon ə mįi. Yələwulii pɔ, kɔ́ mɛ̨į hɛn a ɉəɠə, a ŋąąkwɛlɛ.