Zɛnɛse 49:22 - Yálá laawoo hɛɓɛ (dc)

²² Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Yálá laawoo hɛɓɛ

²² Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Bible

²² “Zosɛ káa yɛ̂ɛ ƃá-kpɔmɔ nyii gáa yá kɔlɛi. Ŋoŋo-ŋai naŋîŋɔɔi ziɣãŋ mɛi.

Zɛnɛse 49:22 Referans Kwoze

Zɛnɛse 41:52

Ə veelɛnąą laa hee a: «Ɛfraimə.» Ə mo nwɔ̨nɔ̨, yɛ diɛ: «Ŋį kɛ ɓɛ nɔi a mąąwɛliɛmun, Yálá aa nwɔ̨nɔ̨ gɔ́ a lon.»

Mąątɛ̨nɛ̨ 128:3

Ə́ nɛ̨ą kaa yɛ ɓawulu lɛlɛɛ, ə́ yəi nwɔ̨n dinįi; ə́ lonnii di ɓo yɛ olivə wuluɠaa, di tinɛ̨nŋąą ə́ wɔ kɔwɔi ɓa kɛ-kɛ.

Zɛnɛse 46:27

ə pɛlɛ Ɉosɛfə lon ɉinąą hveelɛi ə ɉɔlɔɓo Eziptə lɔi hu diɛ. Ɉakɔbə huwu kəlee pɛlɛɛ gee ɓa, di kɛ a: nu pow mɛ̨ihveelɛ. Diɛ ɓə kɛ Eziptə lɔi hu.

Izikiɛ 19:11

Nwonwoɠaa di tɔɔ mą a gbɛa kpɛa, di kɛ a tɔɔ tunwɔ̨nŋaa; ɲee mu ə həɠə nwonwoɠaa nwun mɛ̨i, ə kɛi nuą mąą ɲɔw gwɛa pələ ɓa, da nwonwo tamą pələ mą.

Mąątɛ̨nɛ̨ 128:1

Ɲee mąąhəɠɛɛ tɛ wələ. Nuąi kpɔ da ɲɔ̨w Yai-Laa ɓa, diɛ hiɛ nwɔ pələi mɛ̨i, di nwun na nɛ̨ɛ̨i!

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Zɛnɛse 48:1

Mɛ̨nįɠaai tii kəlee tɛɛ pulu, diɛ Ɉosɛfə ɓa: «Ə́ nąn gaa ɲɔ̨n gɛi.» Ɉosɛfə ə nɛɛ mą, ə nonnii hveelɛi həɠə, Manase da Ɛfraimə da diɛni di li.

Zɛnɛse 49:23

Nuą daa hvaa tee mą, daa gwɛli a hvaa, kilɛn bili nuą diɛ kɔ́ pɛlɛ mą.

Mąątɛ̨nɛ̨ 80:10

ə́ nɔi pɛli kpɔ a nɛlɛɛ di tɔwɔ, ə gɛ ɉamu ə lɔ a nɛlɛɛ, ə nɔi laahvɛɛ.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Zɛnɛse 48:15

Ə Lúwɔ́ too Ɉosɛfə ɓa, yɛ mą: «Yálái ŋɛ̨i ną́nni Abrahamə da Isaakə di di wɔ yɛnɛ̨ɛ̨ kɛ nííɓa hu, a Yálái kɛi mɛ̨́i kaa a yələ kəlee,