Zɛnɛse 49:11 - Yálá laawoo hɛɓɛ (dc)

¹¹ Gaa pai nwɔ hoohvaalən gbulɔn ɉii viɲə ɓá; yɛ nwɔ hoohvaalən non kpulɔn viɲə kpɔmɔ̨ ɓá. A mąą həɠə waa a lɔɔ, yɛ nwɔ gbaawi mąąhəɠəən viɲə ɲąmą hu.

Yálá laawoo hɛɓɛ

¹¹ Gaa pai nwɔ hoohvaalən gbulɔn ɉii viɲə ɓá; yɛ nwɔ hoohvaalən non kpulɔn viɲə kpɔmɔ̨ ɓá. A mąą həɠə waa a lɔɔ, yɛ nwɔ gbaawi mąąhəɠəən viɲə ɲąmą hu.

Bible

¹¹ A ŋɔwɛlɛ-sôoi ɣîri gbɔmɔi-ƃa kpɔmɔ ma. Gbɔmɔi nyii ǹɛ́lɛɛi mâ. É ŋɔseɣei wáa ŋwãai kpɔlu su.

Zɛnɛse 49:11 Referans Kwoze

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

M̀ɛni-lɛɛi 19:18

əgɛ, ká tɔɔɓɛlaa huwɔ, kɔlaɠa nwun nąmįną huwɔ, ɲąąwooɓo kɛ nuą huwɔ, hooɠaa huwɔ, ɉoo mɛ̨i nuą huwɔ, nu kanŋaa huwɔ, nuąi di kpɔwɔ yee kɔnma da luwɔɠaa, lɛapɛlɛɛ, ɛlɛɛ, da nu kpɛa-kpɛa, di huwɔ mįi.»

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Tɔɔɓɛlaa dɔlɔɔ 4:20

Ɉuda nuą Israɛlə nuą, di kpulu hu kɛnɛ̨ɛ̨ kɛ yɛ gboloyá kwɛlɛ ɲɛ̨ą kɔ́w. Di kɔ̨nɔ̨n ə kɛ di yəi, da di kpələ lɔɔ, ɛlɛɛ, di ɓo di nɛ̨ɛ̨ hu.

Tɔɔɓɛlaa veelɛ 18:32

Ə lɛɛ la ɉu, ŋą́ búlu pənə, gɛ́ pa ka həɠəi, gɛ́ li a kaa lɔi takpɛli hu, yii gaa yɛ ka wɔ lɔi, ɓɛi mɔ̨nun da lɔɔ nįnɛ̨ di kaa laa. Nɔi kɔ̨nɔ̨n da lɔɔ di kaa laa, nɔi olivə wulɔ nįnɛ̨ a hɔlɔɓo ɉu, da kwɛin nwulɔ; ka pa kɛ laa, ka ka wɔ yɛnɛ̨ɛ̨ kɛ, ka hva haa. Ka hvo ka wəli tɔɔ Ezekiasə woo ɓa. Gaa ka ɓowoi, yɛ kɛ kaa: Yai-Laa kaa pai gu kulɔi mɛ̨nįi ŋɛ̨i hu.

M̀ɛni-lɛɛi 14:20

Di viɲəɠaa tii yá kulɔ gɔwɔ́-la daa pulu pələ, ɛlɛɛ, ɲąmą ə kulɔ, ə tɛ kpɔ hoo-laa-kwɛli ɓa, ə laa nɔi mɛ̨i a kilə waa tɔ̨nɔ̨ pulu nwun mɛ̨ida.

Zɛnɛse 49:12

Lɔɔ aa ɲɛ̨i kɔ́w kpɔlu. Ɲin yɛ kwələ yɛ nįŋɛ̨ ɠiniya.

Dutɛrɔnome 8:7

Yai-Laa ka wɔ Yálá kaa ka lɔi, lɔi lɛlɛɛ hu ɓɛi gaa a tɛɛyáɠaa, da yátonŋąą kulɔ lɔi. Ɲáɠaa tii di nwun a kulɔ yeeɠaa ɓa da nɛ̨ŋɛ̨ɠaa hu.

Dutɛrɔnome 8:8

Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Amɔsə 9:13

Yai-Laa yɛ nwɔ̨nɔ̨ diɛ: Hvoló ta kaa pai həlii, mɔ̨nunŋaa da lɛlɛ, di lɛɛ deei, ɛlɛɛ la ɉu, kɛɛhii lɔwai ə ɉəli, Nuąi da kɛ viɲə ya kulɔi, diɛ gɛ a lɔɔ, da lɛɛ gulɔi, ɛlɛɛ la ɉu, viɲə hii lɔwai yɛ ɉəli. Nąąlɔwai, lɔɔ nįnɛ̨ a kɛ yɛɛi a yee kpukpuɠaa yɛ ya lon. Lɔɔ ya a hvɛɛ ə tɛ ɲeeɠaa kəlee diɛ.

M̀ɛni-lɛɛi 7:7

Simeɔn nu huwu, nu waa-pow-kɔw-hveelɛ (12.000), Levi nu huwu, nu waa-pow-kɔw-hveelɛ (12.000), Isakarə nu huwu, nu waa-pow-kɔw-hveelɛ (12000),