Zɛnɛse 48:22 - Yálá laawoo hɛɓɛ (dc)

²² Ɉosɛfə! Gáá ə kɔ́i kɛnɛ̨ ŋį́ dɛɛ ə́ liɛni diɛ. Gáá Sisɛmə lɔi tɛɛi ə́ pɔ, ɓɛi ŋį́ nąą hɔlɔɓo a nwɔ́ ɓɔwai da nwɔ́ kilɛn Amɔrə nuą yəi.»

Yálá laawoo hɛɓɛ

²² Ɉosɛfə! Gáá ə kɔ́i kɛnɛ̨ ŋį́ dɛɛ ə́ liɛni diɛ. Gáá Sisɛmə lɔi tɛɛi ə́ pɔ, ɓɛi ŋį́ nąą hɔlɔɓo a nwɔ́ ɓɔwai da nwɔ́ kilɛn Amɔrə nuą yəi.»

Bible

²² Ŋá Sɛkɛŋ lɔii kpuai tɛɛ ípɔ, nyii ŋá gûla Amɔra-ŋai yêei a ŋáƃoa-sɔkpɔi da ŋákerâŋ. Fé dɛɛ ní ílêɣe da ílîa-ni pɔ́.”

Zɛnɛse 48:22 Referans Kwoze

Ɉaan 4:5

Ɉəliɛ Samari lɔi hu, ə li taa ta hu diɛ kɛ nąą laa ɓa: Sikarə, daai tii ə kɛ Ɉosɛfə yəi ɲɛa kwɛlɛ, ɓɛi nąn Ɉakɔbə ə nąą tɛɛ bɔ.

Zasua 24:32

Ɉosɛfə kɔ́wɠaa tii Israɛlə lonnii di həɠə la Eziptə lɔi hu, di gɔwɠaa tii loo, díi tii wɔlɔ Ɉakɔbə ə ɲa Hamɔrə lonnii yəi a wali kwələ nwundɔ̨nɔ̨, nąą ɓə di noo laa. Hamɔrə ə kɛ a Sisɛmə nąn. Ɉosɛfə lonnii di gɛɛnąą tii hɔlɔɓo, a di kwɛlin da.

Kɔlɔnikɔ Maa-ŋuŋ 5:2

Kɛlaa yaan, Ɉuda ɓə kɛa kɛ nąn nonnii lɔwai a nu kɛnɛ̨, ɉuwu hu ɓə Heeɓomun gɛnɛ̨ ə kulɔ laa. Kɛlaa, nu pɔlɔ laa nwɛi, ə kɛ Ɉosɛfə ɓa.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Nwun mąąɓo 11:23

Yiihu, yɛ bələi ŋɛ̨i Yai-Laa ku wɔ Yálái ə nɔi tii tɛɛ la nwɔ nuą pɔ, yai a Amɔrə lɔi, yaa ɓə yɛ́ ə́ ɉəɠə?

Dutɛrɔnome 21:17

Nɛ̨ɛ̨nui tii nwɛli hvo mą non mə mąąnɛ̨ɛ̨ ə gɛ a nu pɔlɔ laamun. Ɲəi hɛnŋąą ɲąąkwɛlɛi lɔwai a yili kwɛlin gɛ a gɛnɛ̨mun. Mąąhɔlɔɓo, non tii ɓə a nąn nwɔ hulɔnu laa ɉu lon dɔlɔɔ-tɔlɔɔ, yili ɓa, mąąnɛ̨ɛ̨ di ɉon yɛ nu pɔlɔ.

Zɛnɛse 34:28

Di mɛlaaɠaa, moluɠaa, nįŋɛ̨ɠaa da ɉoohvaalənŋąą kəlee həɠə, da hɛn kpɔ kɛ laa daai, da ɲɛɛ kɔ́wɔ hu.

Zɛnɛse 33:19

Ɉakɔbə ə gɛɛnąą tii ya Sisɛmə nąn Hamɔrə lonnii yəi a walikwələ nwun dɔ̨nɔ̨; nąą ɓə ə taa pu laa.

Zɛnɛse 15:16

Ə́ huwuhu nuą ɉəɠə gee pɔ nąąn gɛɛnąą ɓə pai kɛi ɓɛ nɔi ŋɛ̨i hu, mąąhɔlɔɓo, Amɔrə nuą di hvo ni di wɔ nwąnąlɔ laahvɛɛ li, ə gɛ, ŋį́ di kpɛ.»

Izikiɛ 47:13

Yai-Laa woo ka; yɛ diɛ: «Nɔi ka káá pai ɲąąkwɛlɛi Israɛlə nu huwu pow kɔ́w hveelɛi lɔwai, ɲɛn ga; Ɉosɛfə nwɔ lɔi a kɛ hveelɛ.

Kɔlɔnikɔ Maa-ŋuŋ 1:14

yili pulu Ɉebusə nuą, Amɔrə nuą, Girgasə nuą,