Bib sou entènèt

Zɛnɛse 48:16 - Yálá laawoo hɛɓɛ (dc)

¹⁶ a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Gade chapit la Kopi

Yálá laawoo hɛɓɛ

¹⁶ a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Gade chapit la Kopi

Bible

¹⁶ Ŋ̀âla-taa-kelai nyii a ŋ́gula sɔnyɔ̂ŋ kélee sui, é lûwa láa ǹîa-pɛlɛɛi dîa! Tɔɔ kwa ńâŋ-ni Eberaɣɛ̃ɛ da Aise kúlaa é lɛ́ɛ ɣele ma dísârai. Tɔɔ dí ƃûu ƃó dí táma ǹɔii mâ!”

Gade chapit la Kopi

tounen moute ⬆

Zɛnɛse 48:16
46 Referans Kwoze

Mąątɛ̨nɛ̨ 34:22

Mɛ̨nį ɲɔ̨n mə pai líiɲɔ̨n gwəimun baai, nuąi da yowolaa kulɔ a Tələnmolon, di kaa pai gulɔi di hu.

Zɛnɛse 49:22

Ɉosɛfə kaa yɛ hihɛn nɛlɛɛ mąąpoo; yai tɔɔni ya ton ma. Gbaɠaɠaa diɛ lan ɉįi kpoloon mɛ̨i.

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Zasua 17:17

Ɉosue yɛ Ɉosɛfə nwɔ pɛ́lɛ́i mu nuą diɛ, diɛ ɓaa: Ɛfraimə da Manase lonnii, yɛ diɛ: «Ka káá a nu kpulu kɛnɛ̨ɛ̨, yii hvaŋą kaa ɲəi kɛnɛ̨, ka wɔ lɔi hvo pai lɛɛi lɔ tanɔ̨n.

Hebreu 11:21

Laa na laa háálai, Ɉakɔbə kɛɛ pai laai nąnni kwɛlɛ, ə lúwɔ́ too Ɉosɛfə nonnii tɛitɛi ɓa, ə nwɔ túnwɔ̨n hvilɛn, ə gwɛli hvilɛn Yálá ɓa.

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Ɉaan 17:15

Və́ Ə́ hvɛli ə gɛ ə́ di həɠə yɛnɛ̨ɛ̨ ɓɛ, kɛlaa, gɛ́ ə́ di kihiɓo Mɛ̨nį Ɲɔn ma.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Mąątɛ̨nɛ̨ 121:7

Yai-Laa a ɲɛ̨i kɛ yɛ́, mɛ̨nį ɲɔ̨n ɉuwu-huwu kəlee tɔwɔ, yɛ ə́ wɔ yɛnɛ̨ɛ̨ laa hɔnmo.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Korɛntə dɔlɔɔ 10:9

'Ka gu hvo gu Ną́mu ɲąąhɛn, yɛ pələi daɠaa di gɛ la, diɛn, kaalə ə gəlee nwun na pili.

Amɔsə 9:12

Ə gɛ, gɛɛnąąɠaai wɔlɔ kɛ a Israɛlə nu huwu di wɔɔ, Edɔmə lɔi hu, da lɔi takpɛliɠaa hu, ɓɛi náá heɛ mą, di pənə di nąąɠaa hɔlɔɓo. Gɛɛnąąɠaa tii ɓaa.

Korɛntə dɔlɔɔ 10:4

ɛlɛɛ, di kəlee di di kpələ a Yálá-taa yá, Yálá-taa kwɛnii kɛ di pulu, Kristə li kɛ, yai di kpələyá ə kɛi kulɔ ɉu.

Lomaŋ 8:23

Yɛnɛ̨ɛ̨ yaa tɔ̨nɔ̨ lɔ hvəə, guɔi ŋɛ̨i gwaa Kili-Mąąhəɠɛɛ hɔlɔɓo tɔlɔɔ, guɔ kpɛli gu kaa lɔ mɔ̨nɔ̨ mįi gu hu pələ, guɔ kɛ diɛ: Yálá ə pa kɛa ə gu kɛ a nonnii, ɛlɛɛ, ə gu kɔlɔ nwun mąąɓo.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Azaya 47:4

Nui a ku nwun mąąɓo, naa ɓaa a Yai-Laa Mɛ̨nį Kəlee ŋą Hééɓomun, Israɛlə nwɔ Mąąhəɠəmun.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Mąątɛ̨nɛ̨ 34:2

Gáá Yai-Laa laa mąąwiɛi a yələ kəlee, mąątɛ̨nɛ̨ woo hva kpɛɛ ná.

Kɔlɔnikɔ Veerɛi 7:14

ɛlɛɛ akɛ, ŋį́ nu huwui diɛi da náá hvɛli di mɛ̨i, da di kpɔɔ mąąyɛɛ, da vɛ́li, diɛ ɲɛ̨́ilaa gwɛli, da həɠə di túwɔ́ pələ ɲɔ̨nŋąą pulu, ŋį́ lɛɛ yələ kɔ́lɔn ɉu, ŋį́ wə́li tɔɔ di woo ɓa, ŋį́ di kɛ nɛ̨ŋɛ̨n mąąhvaalɛɛ, ŋį́ nɔi kɔ́lɔi pɔ̨nɔ̨.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Dutɛrɔnome 28:10

Yɛnɛ̨ɛ̨ nąą kəlee nuą, di kaa pai kɛi diɛ: ka káá a Yálá nwɔ nu huwu.

Lonon mo 1:46

di lonoɔ ə kɛ a nu waa nwun mɛ̨ida kɔ́w haaɓa pulu nwun nɔɔli ɲee lɔɔli (603550)

Lɛɛ gbɔwɔ ɓa 1:7

Israɛlə lonnii di ɓuɠuɓo, di yee ə walawala, di nɔi kəlee yee kulɔ.

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Zɛnɛse 22:11

Kɛlaa, Yai-Laa nwɔ malaka ə lɛɛ yələ, ə Abrahamə təli, yɛ mą: «Abrahamə! Abrahamə!» Abrahamə yɛ mą: «Ną́mu, ɲą́ą́ ka, nwə́li tɔɔi.»

Zɛnɛse 22:15

Yai-Laa nwɔ malaka ə lɛɛ ɲələi, ə Abrahamə təli gee mɛ̨i veelɛnąą, yɛ mą:

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Samia Veerɛi 4:9

Davidə ə Rekavə da nąn non Baana, diɛi kɛ a Beerotə mun Rimɔn lonnii, ə di woo pulu pənə, yɛ diɛ: «Yii kpɔ Yai-Laa kaa a vulú, yaai gúlɔ ɉáá mɛ̨nį kəlee hu,

Ɉeremi 15:21

Gáá ə́ kulɔi nwąnąlɔɔ nuą yəi, gɛ́ ə́ kulɔ wəya nuą yee kɔ́n ma.

Tɔɔɓɛlaa dɔlɔɔ 1:29

tɔɔmun ə gwɛla yɛ mą: «Yai-Laa ŋɛ̨i kɛi kpɔmąą tɛɛ bɔ́ mɛ̨nį nwąnąąɠaa kəlee hu,

Mąątɛ̨nɛ̨ 34:8

Yai-Laa nwɔ malaka kaa tɔɔni, nuąi da ɲɔw mą di kwɛlɛ, ɛlɛɛ, yɛ di kulɔ mɛ̨nįi.

Swiv nou:

Lyen patwone

Piblisite

Piblisite