Zɛnɛse 47:7 - Yálá laawoo hɛɓɛ (dc)

⁷ Ɉosɛfə ə nąn di li tɔɔmun bɔ ə nąn nɛ mą. Ɉakɔbə ə lúwɔ́ too tɔɔmun ma.

Yálá laawoo hɛɓɛ

⁷ Ɉosɛfə da nąn di li tɔɔmun bɔ ə nąn nɛ mą. Ɉakɔbə ə lúwɔ́ too tɔɔmun ma.

Bible

⁷ Nya ƃe Zosɛ è pà a ǹâŋ Zeeka gâloŋ ŋɛ́i-tuɛ. Zeeka è lûwa tòo gâloŋ ma.

Zɛnɛse 47:7 Referans Kwoze

Zɛnɛse 47:10

Ɉakɔbə ə pənə nwɔ̨nɔ̨ ə lúwɔ́ too tɔɔmun ma, ə yələwala kɛ mą.

Piɛrə dɔlɔɔ 2:17

'Ká nu kəlee ɓɛlɛ kɛ mą, 'ká ká nąn nonnii wɛlilakɛ. 'Ká ɲɔw Yálá ɓa, 'ká tɔɔmun mɛlɛ kɛ mą.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Maafîu 26:26

Ɓɛlɔwai di kɛi di kɔ̨nɔ̨n mį́į́ la, Jesus ə nɛɠɛ həɠə gbɛɛ kɛa a Yála hɛɠɛɛɓoɔ, ə ɉu tee-tee, ə ɲą́ą́ kwɛlɛ nwɔ kalan nɛai diɛ, yɛ diɛ: «Ka nɛɠɛi ŋɛ̨i hon kaa mįi. Ɲą́ą́ gɔ́lɔ li.»

Tɔɔɓɛlaa veelɛ 4:29

Elise yɛ Gehazi ɓa: «Ə́ hąą yili, ə́ nwɔ́ tunwɔ̨n həɠə, ə́ li la, ka nu ta kwiɛn bələ pɔ, hvó ə́ woo pili mą, nu ta a nwoo pili yɛ́, hvó hvaa nwoo mu. Ya li, nwɔ́ tunwɔ̨n ŋɛ̨i laa nokolo ɲɛ̨ilai.»

Tɔɔɓɛlaa dɔlɔɔ 1:47

Ə laa yili mɛ̨i, tɔɔmun ɲee pɔ nuą kəlee daa pa, diɛ gu wɔ mɛ̨nį nąmu tɔɔmun Davidə nwɔ luwu ɲɛ̨n; diɛ kɛ mą: ‹Kuɔ, ə́ wɔ Yálá ə Salomɔn nwɔ tɔɔlaai hu nɛ̨ɛ̨ kpɔ kɛnɛ̨, naa ə tɛ, ə dɛɛ ə́ wɛi ɓa.› Di mo lɔ tii-oo, tɔɔmun Davidə ə lɛɛ ɲəi gbin ŋą, ə gwɛli hvilɛn Yálá ɓa.

Samia Veerɛi 19:39

Tɔɔmun yɛ mą: «Ee! Ŋą́ą́ hvaa mą, kwa Kimhamə ni ku kaa lii, yii lɔpee ə́ kaa bɔ, ya ɓə gáá lii gɛi ma. Yii lɔpee a laa a ə́ lii, ya ɉuhvɛli mą́ą́, ya ɓə gáá lii gɛi ma, ə́ laa hu.»

Samia Veerɛi 14:22

Ɉoabə ə pɛlɛ niiɓa, nɔi ɓa, ə tɔɔmun mama ɓo, yɛ mą: «Háákələi kpɔ kpɔ, ɲą́ą́ ə́ wɔ tímun, gílí aa pu ɉu, gɛ́ nwɛ́li kaa yɛ́, yɛi a nwɔ́ mɛ̨nį Nąmu, nwɔ́ tɔɔmun. Hvo gaai mɛ̨nį ə́ wɔ tímun ə mo yɛ́, yáá gɛ.»

Samia Veerɛi 8:10

Toi ə non Yoramə tɔɔ yɛ li Davidə nwɔ lúwuɲɛ̨n ɉi, gɛ mɛ̨nį ɲee aa tɛɛ Hadadɛzɛrə ɓa a kɔ́. Toi ə gɛ tii, mąąhɔlɔɓo, ɲowo ɓa kɛ a Hadadɛzɛrə. Toi ə Davidə nwɔ lúwuɲɛ̨n ɉɛnŋąą kɛ a hɛnŋaa huwu ɲɛ̨i tamąą, di ɓo a: Hɛni, wali kwɛli, da ɓala kwɛli.

Samuɛlə dɔlɔɔ 2:20

Eli ə kɛi lúwɔ́ too Ɛlkana da nɛ̨ą diɛ, yɛ kɛ diɛ: «Yai-Laa ə ə́ kɔ́ a nɛ̨ɛ̨nui ŋɛ̨i kwəi lon, ə kɛ a yii ka dɛɛ Yai-Laa pɔ a mąąhvalin.» Di pənə də li di pɔ taai.

Zasua 14:13

Ɉosue ə lúwɔ́ too Yefunɛ lon Kalɛbə ɓa, ə Hebrɔn tɛɛ bɔ a ɉee lɔi.

Lɛɛ gbɔwɔ ɓa 12:32

Ka ka wɔ taatɛlɛɛɠaai kəlee həɠə, yɛ bələi ka mo la, ka li. Yili pulu, ka Yálá hvɛli ə lúwɔ́ too mą́ą́.»

Zɛnɛse 35:27

Ɉakɔbə ə li nąn Isaakə pɔ Mamre yai kɛ Kiryat-Arba. Kiriatə-Arba laa ɓaa a Hebrɔn; nąą ɓə wɔlɔ Abrahamə da Isaakə di kɛ laa heeni.

Zɛnɛse 47:8

Tɔɔmun yɛ Ɉakɔbə ɓa: «Ə́ kaa kwɛlan gaa yɛli?»

Zasua 22:6

Yili pulu, Ɉosue ə lúwɔ́ too diɛ, ə di lɛɛ laa də li. Nu kəlee ə li ɲəi bɛlɛ́ laaləi.

Tɔɔɓɛlaa dɔlɔɔ 8:66

Voló mɛ̨ihaaɓa yələ, Salomɔn ə ɓo nuą diɛ, di di hvɛli da tɔɔmun ni, nu kəlee ə li bɔ taai a gwəinɛ̨ɛ̨. Di kwəinɛ̨ɛ̨i kɛ, mɛ̨nįi kpɔ Yai-Laa ə gɛ nwɔ tímun Davidə da nwɔ nu huwui Israɛlə ɓa, mąą mɛ̨nį ɓa.

Zɛnɛse 14:19

Ə lúwɔ́ too Abramə ɓa, yɛ mą: «Huwalawala Kəlee Nąmu Yálá, yai yələkɔlɔn da lɔi di pɛli, ə lúwɔ́ too yɛ́.