Zɛnɛse 47:29 - Yálá laawoo hɛɓɛ (dc)

²⁹ Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Yálá laawoo hɛɓɛ

²⁹ Israɛlə kɛɛ kɛa pai laai nąnni kwɛlɛ, ə non Ɉosɛfə təli, yɛ mą: «Akɛ nwɛ́li kaa yɛ́, ə́ wɔ wɛlikɛmąą da ə́ wɔ kulɔ nwoo ɓa laa lɛ mą́ą́; və́ bɔ gámą́ hvo kɛ ɓɛ Eziptə lɔi hu. Akɛ ə́ yee kaa nwóó tii mu, ə́ yee lɔ nwɛ́lɛ mu!

Bible

²⁹ Tãi Zeeka saa tãi è lɛ̀ɣɛ lai, è ǹóŋ Zosɛ tòli ǹyɛɛ mai, “A kɛ̀ ílii lâai ḿɛni ma, íyee lɔ́ ŋ́wɛrɛ mu í íkono tée a gɛɛ ƃa pâi tɔ̃yâ da wɛli-kɛ-maa kɛ̂i a ńyãa. Ífe ǹoo Ize lɔii su.

Zɛnɛse 47:29 Referans Kwoze

Dutɛrɔnome 31:14

Yai-Laa yɛ Moisə ɓa: «Moisə! Ə́ pɔlɔ hiɛ ka ɉu hvo kwɛa li, Ɉosue təli ka yaa ka pa gee kaa kələ laaləi, nąą ɓə gáá nwɔ́ tíɓoi tɛɛi laa bɔ.» Moisə da Ɉosue di nɛɛ mą də li gee kaa kələ laaləi.

Zɛnɛse 24:49

Yili ɓa, ə hɛli kaa. Gáá bɔ ka hvaa mą, ka ka wɔ mɛ̨inɛ̨ɛ̨ kulɔ pɔ̨nɔ̨ŋą nwɔ́ mɛ̨nį nąmu ɓa, akɛ yili hvəi, ŋį́ li pələ takpɛli.»

Zɛnɛse 24:2

Abrahamə nwɔ luwɔɠaai nu pɔlɔ laamun kɛ a nwɔ hɛn gɔw mɛ̨ikaamun, hvóló ta, Abrahamə ə dəli, yɛ mą: «Ə́ yee lɔ nwɛ́lɛ mu!

Tɔɔɓɛlaa dɔlɔɔ 2:1

Ɓɛlɔwai Davidə haai lɔwai ə kɛi kɛa lɛɠɛ la, ə vɛli non Salomɔn ɓa, yɛ mą:

Hebreu 11:22

Laa na laa háálai, Ɉosɛfə kɛɛ pai lii nąnni pɔ, ə Israɛlə lonni kulɔ mɛ̨nį Eziptə lɔi hu, mąą mɛ̨nį ɓo, ɛlɛɛ, a haa, bələi mąąnɛ̨ɛ̨ di gɔw mąą mɛ̨nį kɛ la, ə mo diɛ.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Mąątɛ̨nɛ̨ 89:48

Bələi nwɔ́ yɛnɛ̨ɛ̨ hu kpuaa la, gbaɠala kaa yɛ́, ɲɛnɛ̨ɛ̨ hviikpɛɛ tii mąą mɛ̨nį kpɔlɔ ɓə ə nu kan bɛli la.

Mąątɛ̨nɛ̨ 49:9

Ə mą kɛ, nu aa wali kɛnɛ̨ kwɛlɛ nu nįį mɛ̨nį ɓa, nwɔ yɛnɛ̨ɛ̨ kaa lɔ pai kpɛɛi a yələ ta.

Mąątɛ̨nɛ̨ 49:7

A nuąi di kilitɔɔ di wɔ hɛn gɔw ɓa? Diɛ di kpɔwɔ ɲąą kɛnɛ̨ di wɔ hɛn gɔw kpɛa kpɛaai mąą mɛ̨nį ɓa.

Mąątɛ̨nɛ̨ 6:5

Yai-Laa, 'pənə ə́ pa, ə́ nį́į́ kulɔ mɛ̨nįi, 'málo, mąąhɔlɔɓo, yá kulɔ ə́ woo ɓa.

Zôo 30:23

Gílí kaa ɉu, gɛ́, ə́ kaa lii a ɲą́ą́ haa pɔ pələ, yii nu huwu kəlee kaa mąąkpɔn ɉii.

Zôo 14:14

Kɛlaa, nu kan a haa, a pənə ə nwun? Nwɔ́ mɔ̨nɔ̨i hu, ŋą́ pɛli kɛ nąą mąąkpɔn ɉii, ə lɛɛ ɉu mą́ą́hvalin ɲələ ə həli.

Zôo 7:1

A kɛ ti, koló gbɛli lɔ hvəi nu kan a gɛ yɛnɛ̨ɛ̨ ɓɛ, kɛlɛi a nwɔ yɛnɛ̨ɛ̨ kɛ lɔ yɛ pɔlɔ tɛ?

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.

Samia Veerɛi 7:12

Ə́ wɔ yɛnɛ̨ɛ̨ laa a pa kulɔi, yá pa kɛa laai ə́ nąnni kwɛlɛ, gáá pai ə́ huwu mąąwiɛi ə́ pulu, ə́ kwəi lon da ɓə gáá pai heeɓolaa tɛɛi bɔ, ŋą́ nwɔ tɔɔlaai kɔ́wɔ hvilɛn kpɔ gbilin.

Zɛnɛse 47:9

Ɉakɔbə yɛ mą: «Gwɛlan ŋą́ą́ gɛ too nwuma laa hu, gaa a kwɛlan nwundɔ̨nɔ̨ ɲee haaɓa. Da tɛɛ lɔ a ɉu kpua, ɛlɛɛ, gwɛlan ŋą́ą́ gɛ yɛnɛ̨ɛ̨, ŋą́ą́ mɔlɔmún gɛ mɔ̨nɔ̨ hu. Ŋį́ kwɛlan damą pələ hvo kpɛli pai həlii nąnni di wɛi pɔ, bələi mąn ɲɛnɛ̨ɛ̨ kɛ pələ kaa la tanɔ̨n kwa diɛni ku yəi.»

Zɛnɛse 3:19

Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»

Zɛnɛse 27:2

Isaakə yɛ mą: «Ə́ kaa gáái! Ŋą́ą́ pɔlɔ kɛa, və ɉáá yələ kɔ́lɔn.

Zɛnɛse 50:5

‹Ną́n gɛɛ ni heeni, ə vɛli mą́ą́, yɛ, a kulɔ taai, ŋį́ naai pɛli Kanaan lɔi hu, gámąi tii yaa kpinį ə dee ɉu.› Ɲą́ą́n ŋį́ hvaa mą, gɛ́ mą: gáá pai gɛi tii. Yili ɓa, gɛ́ ka hvaa mą ŋą́ li, ŋą́ nąn naai pɛli Kanaan, ŋį́ pənə ŋį́ pa.»

Samuɛlə dɔlɔɔ 26:10

Davidə yɛ diɛ: «Yai-Laa kaa a vulú, yaa lɔ ɓə mąąnɛ̨ɛ̨ ə gɛlɛ, ə mą kɛ ɉaa yələ aa ɉəli, a wala kɛ tii, ə li kɔ́ mɛ̨i ə lɛɛ ɉu.

Samia Veerɛi 2:32

Də li a Asahɛlə di noo nąn gámą hu Bɛtleɛmə daai. Ɉoabə da nwɔ nuąi di yii kpɔ hiɛi pili-pili, yələ ɓɔi lɔwai di lɔ Hebrɔn daai.

Zɛnɛse 48:21

Israɛlə yɛ Ɉosɛfə ɓa: «Náá hiɛ ka ną́nni kwɛlɛ, kɛlaa, Yálá kaa ka pɔ. Gaa pai pənəi ə li a kaa ka nąnni pɔ lɔi.

Zɛnɛse 50:12

Ɉakɔbə lonnii di gɛ yɛ bələi ə di tí la.

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Zasua 2:14

Ɉinąąi tii di mo mą, diɛ mą: «Akɛ ya wala ku pulu kulɔ, kwa lɛɛ a ku húlu, yɛ́, ka ə́ yəi bɛlɛ́n nuą ka lɛɛ a ka húlu, ɓɛlɔwai Yai-Laa kaa pai nɔi ŋɛ̨i tɛɛ la ku pɔ; kwa ə́ wɔ túwɔ́ pələ lɛlɛi ŋɛ̨i gwələ kulɔ yɛ́.»

Zasua 23:14

Ya ka ŋɛ̨i, gáá pai lii háákələi, yɛ bələi yɛnɛ̨ɛ̨ hɛnŋąą kəlee da li la. Kɛlaa, ka gɔlɔn gbɔ a ka lii kəlee, da ka wɔ yɛnɛ̨ɛ̨ kɛ pələ kəlee, kaa kpinįi, kaa diɛ, mɛ̨nįi kpɔ Yai-Laa ka wɔ Yálái ə mo, yɛ hvilɛn na kaa, dɔ̨nɔ̨ kpɛli hvo lɛɛ li pulu, yii naa hvo hvɛɛ li.