Zɛnɛse 47:22 - Yálá laawoo hɛɓɛ (dc)

²² Lɔi yiiɠaai lɔ Ɉosɛfə hvo ɲa diɛ ɓaa: Ɉaláá laa həli nuą di wɔ lɔi, mąąhɔlɔɓo, tɔɔmun ə tɔ́n dɔɔ yiliɠaai diɛ. Ɉaláá laa həli nuąi tii, di kɔ̨nɔ̨n ə kɛi həɠə tɔɔmun ɲəi, di hvo di wɔ lɔiɠaai lɔwɔ́tɔɔ.

Yálá laawoo hɛɓɛ

²² Lɔi yiiɠaai lɔ Ɉosɛfə hvo ɲa diɛ ɓaa: Ɉaláá laa həli nuą di wɔ lɔi, mąąhɔlɔɓo, tɔɔmun ə tɔ́n dɔɔ yiliɠaai diɛ. Ɉaláá laa həli nuąi tii, di kɔ̨nɔ̨n ə kɛi həɠə tɔɔmun ɲəi, di hvo di wɔ lɔiɠaai lɔwɔ́tɔɔ.

Bible

²² Zâla láa-soŋ-ƃelai dílɔii nɔ́ ƃé vé ǹyá ní. Dífe dílɔii kɔlɛ ní Zosɛ ma, kpɛ́ni fêi, dí kɛ̀ mii-sɛŋ sɔlɔ ƃôi gâloŋ yêei.

Zɛnɛse 47:22 Referans Kwoze

Ɛsdrasə 7:24

Yili pulu, gaa nwɔ̨nɔ̨ moi kaa, ka hvo nii hɔ̨nwɔ̨ mɛ̨nį ɓo, ɉaláá kulɔ nuą diɛ, ə mą kɛ Levi lonnii, da nwələ too nuą, da bɛlɛ́ laaləi mąąkpɛ nuą, da goló kɛ nuą, ɛlɛɛ da Yálá hee pɛlɛ́ mu koló kɛ nuą lɔpee ta.

Timote dɔlɔɔ 5:17

Nu pɔlɔɠaai da di wɔɔ mąą tíi kɛ a nɛlɛɛ, di mąąnɛ̨ɛ̨i, di di hvɛla kulɔ gee hu hveelɛ, gəlee ə mą kɛ, diɛi da tɔɔ a di nwąnąi Yálá laa woo laa həli mɛ̨nį ɓa, ɛlɛɛ, diɛ nuą mąąkwɛli mą.

Tɛsalonikə veelɛ 3:10

Yaan, ɓɛlɔwai ku kɛ la ká pɔɔli, ku díɓoi ŋɛ̨i tɛɛ ká pɔ, kuɔ káá: «Nui hvo bɔ hvo kóló kɛ, hvo kpɛli kɔ̨nɔ̨n mįi.»

Galatə 6:6

Nui di kaa mąąkwɛli Yálá laa woo ɓa, mąąnɛ̨ɛ̨i, ə kpɔnmąą tɛɛ mąąkwɛlimun bɔ a ɲəi hɛn nɛlɛɛmun.

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Maafîu 10:10

'Ka hvo hiɛ kulɔ ɓíi həɠə, ka hvo həɠə hveelɛ həɠə, ə mą kɛ, kɔ́lɔ, da hiɛ tunwɔ̨n. Mąąhɔlɔɓo, koló kɛmun mąąnɛ̨ɛ̨ ə gɔ̨nɔ̨n ɉɔlɔɓo.

Nehemi 13:10

Di mo nwɔ̨nɔ̨ mą́ą́, diɛ: hɛn kɛ a Levi huwuhu nuą di wɔɔ, di hvo kɛi dɛɛ di pɔ, ə lɛɛ, nwələ too nuą kɛi koló kɛ, daa kɛ pu, nu kəlee aa li bɔ taai.

Samia Veerɛi 8:18

Yehoyada lon Benayahu ɓə kɛ Kereti da Peleti nuą nwun na. Davidə lonnii di kɛ a haláá ɉaláá laa həli nuą.

Dutɛrɔnome 12:19

Ka gɛ a nɛlɛɛ ka hvo lɛ̨ą Levi lonnii diɛ, ka wɔ yɛnɛ̨ɛ̨ kəlee yee mu.

Zɛnɛse 41:50

Gɛɛ gwɛlan mɛ̨ihveelɛi tii hvo kɛ gɔwɔ tɔɔi, Ɉosɛfə nɛ̨ą Asenatə ə lon ɉinąą hveelɛ hɔlɔɓo.

Zɛnɛse 41:45

Tɔɔmun ə Eziptə laa ta hee Ɉosɛfə ɓa, diɛ kɛ mą: Safnatə-Panea. Yili pulu, ə On daai haláá laa həli mun Potifera lon nɛ̨ɛ̨nu Asenatə tɛɛ Ɉosɛfə pɔ a nɛ̨ą. Ə həɠə kɛa ɲələi tii ɓa, Ɉosɛfə ə kɛi kɛa tɛɛ Eziptə lɔi hu nąą kəlee.

Zɛnɛse 14:18

Mɛlkisedɛkə ŋɛ̨i kɛ a Salɛmə tɔɔmun, yaai kɛ a Huwalawala Kəlee Nąmu Yálá nwɔ haláá laa həli mun gɛnɛ̨, ə pa a lopɛ̨i da lɔɔ.

Zɛnɛse 47:21

Ɉosɛfə ə Eziptə nuą kəlee kɛ a luwɔɠaa.

Zɛnɛse 47:23

Ɉosɛfə yɛ nɔi nuą diɛ: «Háá kələi, ŋą́ą́ ka ya, kaa da ka wɔ lɔiɠaai, ŋą́ą́ ka tɛɛ tɔɔmun bɔ. Ka káá pai mɔ̨nun ɉuwu hɔlɔɓoi, kaa ɉin ɲɛaɠaa.

Zɛnɛse 47:26

Ɉosɛfə ə yili hee Eziptə lɔi hu a tɔ́n, haa ɓa haa, Dɔ́n tii kaa ni mą; nu a tíi kɛ Eziptə lɔi hu, a ŋąąkwɛlɛ ɉu lɔɔli, ɉeei dɔ̨nɔ̨ kaa a tɔɔmun nwɔɔ, nąąn ə lɛɛ a díi kɛmun nwɔɔ. Ɉaláá laa həli nuą lɔ ɓə di wɔ lɔi kaa a di wɔɔ, hvo ɓaa tɔɔmun nwɔɔ.