Zɛnɛse 47:12 - Yálá laawoo hɛɓɛ (dc)

¹² Ɉosɛfə ə kɔ̨nɔ̨n dɛɛ nąn da niɛni di pɔ, yɛ bələi di kɛ la bɔ.

Yálá laawoo hɛɓɛ

¹² Ɉosɛfə ə kɔ̨nɔ̨n dɛɛ nąn da niɛni di pɔ, yɛ bələi di kɛ la bɔ.

Bible

¹² Zosɛ è mii-sɛŋ tɛ̀ɛ ǹâŋ pɔ́, ǹêɣe da ǹîa-ni é pɛ́lɛ ǹâŋ ŋɔpɛ́rɛi mu-ƃelai kélee dîa tɛi-tɛi, yɛ̂ɛ berei dínîa-pɛlɛɛi dí kɛ̀ lai.

Zɛnɛse 47:12 Referans Kwoze

Zɛnɛse 45:11

Ya, pa ŋą kɔ̨nɔ̨n dɛɛ ə́ pɔ, ka ə́ yəi bɛlɛ́n nuą, ə mą kɛ ə́ wɔ taatɛlɛɛɠaai kəlee. Mąąhɔlɔɓo, bulu kwɛlan ŋɛ̨i aa lɛɛ pulu a kwɛlan nɔɔli.›»

Timote dɔlɔɔ 5:8

Akɛ nu a wala ŋą nuą mąąkpɔnmąą ɓo, gəlee ə mą gɛ, ɲəi bɛlɛ́n nuą, a kɛ ti, aa lənə laa na laa ɓa, mąą nui nwɛi ɲɔ̨nwɔ̨ɔ̨i dɛɛ háli pulumun ma.

Timote dɔlɔɔ 5:4

Akɛ lonŋaa da kɛ galanin da yəi, a wala kɛ ti mąnįnni, diɛi ti ɓə tɔlɔɔ mąąnɛ̨ɛ̨ di Yálá mɛ̨nį lɛ di yəi bɛlɛ́n nuą diɛ, gwələi di kaa-nuą di bili diɛ, di da kulɔ. Yili kpɔ ɓə nɛlɛɛ Yálá ɲɛ̨i ɓa.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Tɛsalonikə dɔlɔɔ 2:7

Ya pa, kwa pɛli kɛ ku laa ká nwuɔ̨ a tįɛ̨, yɛ bələi Kristə ŋą kɛlaɠaa da gɛ la. Kɛlaa yaamun, ku ká hon a liinɛ̨ɛ̨ gwəi laa, yɛ bələi nɛ̨ɛ̨nu a nonnii pɛlɛ la gəŋəla, yɛ di kɔ̨nɔ̨n gɛ.

Rutə 4:15

Gaa pai ə́ ɲɛ̨i pɔ̨nɔ̨i, ə ə́ pɔlɔɔ ɲąąkɔn. Ə́ lon nɛ̨ą tanɔ̨n ŋɛ̨i, viɛlaɓoɔi ə tɛɛ lon ɉinąą mɛ̨ihveelɛ ɓa. Mąąhɔlɔɓo, ə́ wɛli kaa mą, aa mąnįn dɛɛ ə́ pɔ.»

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Zɛnɛse 47:24

Ka pa mɔ̨nun deei, ka ɉeei kɛ lɔɔli, dɔ̨nɔ̨ ɓə gaa a tɔɔmun nwɔɔ, nąąn ə ɓo a díi kɛmun nwɛi. Yili ɓə díi huwu a kulɔ ɉu, ka yəi bɛlɛ́n nuą kəlee kɔ̨nɔ̨n ə kulɔ ɉu.»

Zɛnɛse 47:21

Ɉosɛfə ə Eziptə nuą kəlee kɛ a luwɔɠaa.

Zɛnɛse 47:1

Ɉosɛfə ə li, ə nwoo hukulɔ tɔɔmun ma, yɛ mą: «Ną́n da níɛni kəlee daa həɠə Kanaan lɔi hu daa pa, a di yəi hɛnŋąą kəlee; di wɔ ɓɛlaaɠaai, di wɔ ɓoluɠaai da di wɔ nįŋɛ̨ɠaai; di kaa Gosɛn.»

Zɛnɛse 50:21

Ka hvə ɲɔw tɔ̨nɔ̨ kpɛli. Gáá gíli lɛɛi ka hu, ŋį́ ka mąąkpaan gbɛɛ ka ka yəi bɛlɛ́n nuą kəlee.» Bələ ɓə Ɉosɛfə ə niɛni liilaa la a wɛlikɛmąą woo.

Zɛnɛse 45:7

Yálá ə dɛ́ɛ́ ɓɛ nɔi, ə gɛ, ka hvúlú mąą ə lɛɛ yɛnɛ̨ɛ̨, ka nwun mąą ə ɓo.

Zɛnɛse 45:10

Ya pa, ə́ kaa pai heei Gosɛn ka ə́ lonnii kəlee, ka ə́ mąnįn, ə mą kɛ, ə́ wɔ ɓɛlaaɠaa, moluɠaa da niɲɛ̨ɠaa, bɛlɛɛ ə́ yəi hɛn gəlee ɓa. Pa ə́ hee gwɛ́lɛ.

Azaya 22:24

Nąn nwɔ pɛ́lɛ́i kəlee a kɛ a ɉɛlɛnŋąą mą, mu hɛnŋąą kəlee, gbɛa kpɛa da bɛlɛɛ pɛlɛɛ, ɉɛnɲąŋą pɛlɛɛ pɛlɛɛ kəlee, ə həɠə ɲá haɠa gbamąɠaa diɛ, ə həli la ɲa ləɠiɠaa diɛ.