Zɛnɛse 47:11 - Yálá laawoo hɛɓɛ (dc)

¹¹ Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Yálá laawoo hɛɓɛ

¹¹ Ɉosɛfə ə li, ə nąn da niɛni hee Eziptə lɔi nɛlɛɛmun ɉu, Ramsɛsə pələ, yɛ bələi tɔɔmun ə mo la. Ɉosɛfə ə lɔi ta tee mą, ə dɛɛ di pɔ a di wɔɔ.

Bible

¹¹ Nya ƃe Zosɛ è ǹâŋ da ŋɔnûai tɛ̀ɛ Ize lɔii gwaa lɛ́lɛɛ ma. Nàa ƃé kɛ̀ a Laŋse taa-leei ŋɔlɔii-kpîniŋ su ƃɛ́i è lɔii tɛ̂ɛ naa dípɔ, yɛ̂ɛ berei gâloŋ è mò la mai.

Zɛnɛse 47:11 Referans Kwoze

Lɛɛ gbɔwɔ ɓa 12:37

Israɛlə lonnii di həɠə Ramsɛsə daai, di hvilɛn bələ ɓa, diɛ li Sukotə daai pələ. Di kɛ a nu waa nwun mɛ̨ida ɲɔ̨nwɔ̨mąn yiiɠaai kɛi hiɛ di kɔ́wɔ ŋą di hvo nɛ̨ąą da lɛapɛlɛɛɠaa di lonon.

Lɛɛ gbɔwɔ ɓa 1:11

Eziptə nuą di nɛɛmą di pɔlɔtɛ nwun nąmįnąą hee Israɛlə lonnii nwun na, əgɛ diɛ kóló walawalaɠaa laa diɛ. Bələ ɓə di tɛɛ la, Israɛlə nuą diɛ Pitomə taa da Ramsɛsə tɔɔ, ɓɛi tɔɔmun gɔ̨nɔ̨n a həɠə laa.

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 14:2

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Ɉaan 10:28

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»

Zɛnɛse 47:27

Israɛlə pai ə mo Eziptə da ɲəi bɛlɛ́n nuą, Gosɛn ɓə di hee laa. Di hɛn ɉɔlɔɓo, di lonŋąą kaa, di huwu hu ə kɛnɛ̨.

Lonon mo 33:3

Di həɠə Ramsɛsə ɲąnin dɔlɔɔ, nwɔ hvóló pow gɔw lɔɔli yələ, pakə puɔ mąą yələ laa ɓoɔ ɓə Israɛlə lonnii di kulɔ laa a di wəli pulu laɠiɛ, Eziptə nuą kəlee ɲɛ̨i ɓa.

Azaya 22:24

Nąn nwɔ pɛ́lɛ́i kəlee a kɛ a ɉɛlɛnŋąą mą, mu hɛnŋąą kəlee, gbɛa kpɛa da bɛlɛɛ pɛlɛɛ, ɉɛnɲąŋą pɛlɛɛ pɛlɛɛ kəlee, ə həɠə ɲá haɠa gbamąɠaa diɛ, ə həli la ɲa ləɠiɠaa diɛ.