Zɛnɛse 46:3 - Yálá laawoo hɛɓɛ (dc)

³ Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Yálá laawoo hɛɓɛ

³ Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Bible

³ Ńyɛɛ Zeeka mai, “Ŋ́gaa a Ɣâla nyii gáa a ínâŋ Ŋɔɣâlai. Ífe yào íli mɛni ma Ize. Kpɛ́ni fêi, ŋa pâi ísuu su kɛ̂tɛi naa.

Zɛnɛse 46:3 Referans Kwoze

Dutɛrɔnome 26:5

Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Gɛlaɠaa 7:17

«Mɛ̨ni Yálá ə naakwɛlanmo Abrahamə ɓa yɛ gwɛla ɉu, kɛi lɔwai ə kɛɛ kɛa lɛɠɛi, di huwu hu ə kɛnɛ̨ Eziptə lɔi hu;

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Zɛnɛse 47:27

Israɛlə pai ə mo Eziptə da ɲəi bɛlɛ́n nuą, Gosɛn ɓə di hee laa. Di hɛn ɉɔlɔɓo, di lonŋąą kaa, di huwu hu ə kɛnɛ̨.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 18:18

Abrahamə kaa pai kɛi a nu kpulu huwalawalaa tamąą di nąn, Abrahamə pɔ pələ ɓə gáá pai lúwɔ́ tooi la lɔi mɛ̨i hį́iɠaa kəlee diɛ.

Zɛnɛse 15:13

Yai-Laa yɛ Abramə ɓa: «'Gɔlɔn yɛ kɛ: Ə́ huwu kaa pai kɛi nwɛ̨ą lɔi hu a luwɔ, diɛ di mɔ̨nɔ̨ɓo kwɛlan nwun-nąąn ɲee mu.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Ɉeremi 40:9

Ahikamə lon Gedaliasə yai kɛ a Safan lon, ə gwɛla diɛ, da di yee pɔ nuą, yɛ diɛ: 'Ka ká yee hee Kalde nuą mu, ka hvo ɲɔw, ka lɛɛ nɔi hu, ka lɛɛ Babilonə tɔɔmun woo mu, bulu a nɛ̨ɛ̨ káá.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Zɛnɛse 48:19

Kɛlaa, nąn ə lənə mą, yɛ mą: «Nón, gíli ka ɉu. Yaa kpɛli mąn gaa pai kɛi a huwu nwun gulɔi. Kɛlaa, ə mą kɛ tii, nəɠə kaa pai kɛnɛ̨i ə tɛɛ mą.»

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Lɛɛ gbɔwɔ ɓa 1:12

Kɛlaa, bələi lɔ di kɛi di laanɔ̨nwɔ̨ ɓo la, bələ lɔ ɓə di kpulu hu ə kɛi kɛnɛ̨ la, diɛ tamą, bələ lɔ ɓə di wɛli ə kɛi kpɛɛ la Eziptə nuą diɛ.