Zɛnɛse 46:1 - Yálá laawoo hɛɓɛ (dc)

¹ Hɛn kpɔ kɛ Israɛlə yəi, ə gəlee həɠə, ə hvilɛn na bələ ɓa. Həli ə mo Beɛrə-Seva ə haláá kulɔ laa nąn Isaakə nwɔ Yálái ɓa.

Yálá laawoo hɛɓɛ

¹ Hɛn kpɔ kɛ Israɛlə yəi, ə gəlee həɠə, ə hvilɛn na bələ ɓa. Həli ə mo Beɛrə-Seva ə haláá kulɔ laa nąn Isaakə nwɔ Yálái ɓa.

Bible

¹ Nya ƃe Zeeka è ǹyée ŋá-sãa kélee sìɣe é pîlaŋ perêi. È sèri Bɛɛsiba é sâla kula naa ǹâŋ Aise Ŋɔɣâlai mâ.

Zɛnɛse 46:1 Referans Kwoze

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:10

Ɉakɔbə ə həɠə Beɛrə-Seva, ə li Haran.

Zɛnɛse 21:33

Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.

Zɛnɛse 21:31

Yili ɓə gɛ, di gɛɛnąąi tii laa hee a: Beɛrə-Seva, mąąhɔlɔɓo, nąą ɓə nu hveelɛi tii di di woo kwɛlɛ laa di kee ɓa.

Zɛnɛse 21:14

Mąą yələ laa ɓoɔ, yələwala pɔ, Abrahamə ə kɔ̨nɔ̨nŋąą həɠə, da hvólówo tɔ̨nɔ̨ laahvɛɛ a ya, ə ɉəɠə ə dɛɛ Hagarə pɔ, ə bɛlɛ non ma, yɛ diɛ: «'Ka li!» Hagarə ə həɠə, yɛ li Beɛrə-Seva nɔi pun ɉu pələ.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.

Zɛnɛse 35:7

Ɉakɔbə ə haláá kulɔi pɛli laa, ə naa hee a: Ɛlə-Betɛlə, mąąhɔlɔɓo, nąą ɓə Yálá ə gbɔwɔ lɛ laa mą, ɓɛlɔwai ə kɛi pu la niɛ tɔwɔ.

Zɛnɛse 35:3

Ka ka muhəɠə ka gwə li Betɛlə, Yálái a gúlɔi gánąn mɛ̨nįɠaa hu, ŋį́ haláá kulɔi bɛli laa mą. Ya ɓə gaa bɔ́ nwɔ́ hiɛɠaa kəlee hu.»

Zɛnɛse 33:20

Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.

Zɛnɛse 31:53

Gɛ́ Abrahamə da Nahɔrə di wɔ Yálá ə kɛ a gu lɔwai mɛ̨nį hutɔɔ mun.» Nąąlɔwai, Ɉakɔbə ə gwɛla a Yálái ŋɛ̨i nąn Isaakə a ɲɔw mą, naa.

Zɛnɛse 22:13

Abrahamə yɛ gaa ɲɛ̨i laai gwɛlɛ, ə ɓɛlaa hilɛ ta kaa tɔɔni gwɛlɛ, kpɔlɔ aa kpəlaan mįnɛ̨ ɓa, ə li ə ɉon, ə gulɔ a haláá, a non mąąhvalin.

Zɛnɛse 12:8

Ə həɠə laa ə li Betɛlə taa voló həɠəi pələ, ɓɛ pələi tii yeeɠaa tamąą la, ə haláá kulɔi pɛli ə Yálá hvɛli, yɛ kɛ Yálá laa baa: Yai-Laa. Gɛɛnąąi tii ɓə ə nwɔ taai pu laa, Betɛlə taa da Ai taa di lɔwai.

Zɛnɛse 8:20

Noe ə haláá kulɔi ta pɛli Yai-Laa ɓa. Ə taatɛlɛɛ mąąhəɠɛɛɠaa da nwɛ̨ni mąąhəɠɛɛɠaa kəlee, da həɠə, ə gulɔ Yai-Laa ɓa a haláái da gəlee kələn.

Zɛnɛse 4:4

Abɛlə yaan, ə pa a nwɔ ɓɛlaaɠaai non dɔlɔɔɠaa kəlee ə gulɔ Yai-Laa ɓa a haláá. Yai-Laa ə ɲɛ̨i lɛlɛɛ hee Abɛlə nwɔ kɔ́ɓo hɛn ma,

Gɛlaɠaa 7:15

Yili ɓə gɛ, Ɉakɔbə yɛ li Eziptə lɔi hu, ə lɛɛ laa ə haa, da gu kalaɓɔlɔni.

Zɛnɛse 45:28

Israɛlə yɛ kɛa diɛ: «Ɉosɛfə kɛ mɛ̨nį a vulú, gaa a kwəi pili mąą; nón Ɉosɛfə kaa kpɔ ni yɛnɛ̨ɛ̨, akɛtii tɛ̨ą li! Gáá lii ŋį́ ɲɛ̨́i tɔɔ mą, gɛ́ tɛɠa haa.»

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Zasua 24:4

Ŋį́ Ɉakɔbə da Esau di tɛɛ Isaakə pɔ. Ŋį́ Seirə yee tɛɛ Esau pɔ a ɉee lɔi, Ɉakɔbə nwɛi, da nonnii də li Eziptə lɔi hu.

Samuɛlə dɔlɔɔ 8:2

Non ɉulɔnu dɔlɔɔ laa ɓaa kɛ Yoɛlə, veelɛnąą laa ɓa Aviya. Di kɛi nɔi ɲąąwooɓo, di heɛ ə ɓo Beɛrə-Seva.