Zɛnɛse 45:6 - Yálá laawoo hɛɓɛ (dc)

⁶ Bului ŋɛ̨i aa too, aa kɛ a kwɛlan veelɛ, aa lɛɛ nwɔ̨nɔ̨ pulu a kwɛlan nɔɔli, hihɛn da lɔpee hvo pai lɛlɛi, hɛn da hva ɓa a dənən.

Yálá laawoo hɛɓɛ

⁶ Bului ŋɛ̨i aa too, aa kɛ a kwɛlan veelɛ, aa lɛɛ nwɔ̨nɔ̨ pulu a kwɛlan nɔɔli, hihɛn da lɔpee hvo pai lɛlɛi, hɛn da hva ɓa a dənən.

Bible

⁶ Kpɛ́ni fêi, burii a gɛ́ ǹɔii su a kóraŋ feerɛ. A lɛɛ pôlu a puru kóraŋ lɔ́ɔlu nyii sí-sɛŋ sí-mɛni kpaa máŋ sí-sɛŋ ƃâ kula-mɛni fé pâi kɛ̂i naai.

Zɛnɛse 45:6 Referans Kwoze

Zɛnɛse 47:23

Ɉosɛfə yɛ nɔi nuą diɛ: «Háá kələi, ŋą́ą́ ka ya, kaa da ka wɔ lɔiɠaai, ŋą́ą́ ka tɛɛ tɔɔmun bɔ. Ka káá pai mɔ̨nun ɉuwu hɔlɔɓoi, kaa ɉin ɲɛaɠaa.

Zɛnɛse 41:56

Bului tii ə kpɔlu lɔi kəlee hu. Ɉosɛfə ə mo, di gɔ̨nɔ̨n gələɠaai tii kəlee laa ɓo, ə gɛ, diɛ nɔwɔtɔɔ Eziptə nuą diɛ. Bulu ta lɔ ɓə kɛi laa mɛ̨i Eziptə lɔi hu.

Zɛnɛse 41:54

Gwɛlan mɛ̨ihveelɛ pului ə gɔwɔ tɔɔ, yɛ pələi ta Ɉosɛfə ə mo la. Bului tii ə too lɔi kɔ́lɔ kəlee. Kɛlaa, kɔ̨nɔ̨n ə kɛ lɔ Eziptə lɔi hu.

Azaya 30:24

Nįŋɛ̨ɠaa da ɉoo hvaalənŋąąi pai kɛi kóló kɛi ka yəi ɲɛa ka káá pai kɛi kpolo kɛi di laa mįi kala ɓa, kaa ɉu hiɛ di lííla a wulukpiɛn.

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.

Dutɛrɔnome 21:4

daa kalanɉonŋąą da nįŋɛ̨ kpɛlai tii tənən dɔɔ tɛɛ yá ta pɔ pələ, ɓɛi di hvo ni tíi kɛ li laa; di hvo ni hɛn da hin ni laa. Da həli ɲá ɓa, di nįŋɛ̨ kpɛlai tii kpowo kalan nwolo ɲá kwɛlɛ.

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Zɛnɛse 47:18

Gwɛlan tii tɛɛ, bulú ɓa kwɛlan, di pənə nwɔ̨nɔ̨ di pa diɛ Ɉosɛfə ɓa: «Ku hva pɛli ku kwəi looi ku wɔ mɛ̨nį nąmu ɓa; wali aa kpɛɛ ku yəi, ku wɔ taatɛlɛɛɠaai kəlee kaa nwɔ̨nɔ̨ a ku wɔ mɛ̨nį nąmu nwɔɔ. Hɛn lɔ kɛa ku yəi, yaa lɔ ɓaa a ku kpinį da ku wɔ lɔiɠaai.

Zɛnɛse 37:2

Ɉakɔbə lonnii mąą mɛ̨nį hukulaa ka: Ɉosɛfə ə kɛ a hulɔnon, gaa kwɛlan yɛ ɓo pow kɔ́w mɛ̨ihveelɛ, da niɛni di ɓo mɛlaɠaa da moluɠaa pulu lɔi pun ɉu, niɛni tii, di kɛ a nąn nɛ̨ąni veelɛ Bilha da Zilpa di lonnii. Yii kpɔ kɛ niɛni da gɛ a ɲɔ̨nwɔ̨ɔ̨, a pa, ə ɉukulɔ di nąn ma.

Zɛnɛse 41:46

Ɉosɛfə kaa kwɛlan ə kɛ pow haaɓa, ɓɛlɔwai di gulɔ la gaho pɛlɛ́ mu, diɛ paa la tɔɔmun nííla. Ɉosɛfə həɠɛɛ laa, ə kɛi tɛɛ Eziptə lɔi hu.

Zɛnɛse 41:53

Ɉihɛn nɛlɛ kwɛlan mɛ̨ihveelɛi ə kpɛɛ.

Zɛnɛse 41:35

Daa kpɛa kpɛaɠaa kəlee hu, di kə́lə́ɠaa tɔɔlaa di ə́ laa hee mą, diɛ ɉihɛnŋąą tii pu ɉu.