Zɛnɛse 45:18 - Yálá laawoo hɛɓɛ (dc)

¹⁸ di tɔɔ ka nąn dɔwɔ, da ɲəi bɛlɛ́n nuą kəlee, di pa. Eziptə lɔi ɓɛi hihɛn a lɛlɛ laa, nąą ɓə ŋą di hee laa.

Yálá laawoo hɛɓɛ

¹⁸ di tɔɔ ka nąn dɔwɔ, da ɲəi bɛlɛ́n nuą kəlee, di pa. Eziptə lɔi ɓɛi hihɛn a lɛlɛ laa, nąą ɓə ŋą di hee laa.

Bible

¹⁸ dí pá a dínâŋ da dínûai kélee ḿbɔ. Ŋa pâi Ize lɔii ǹɛ́lɛɛ tɛɛ̂i dípɔ. Da pâi ǹɔii ŋ̀úlɔ kpelêi dílii é láa.

Zɛnɛse 45:18 Referans Kwoze

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Zɛnɛse 27:28

«Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Lonon mo 18:29

Hɛn lɔpee di kaa pai kɛi dɛɛi ka pɔ, ka Yai-Laa nwɔ nįįhɔ̨nwɔ̨ kulɔ ɉu, da hva lɛɛ pulu. Ɉɛnŋąąi tii kəlee hu, nɛlɛɛɠaa ɓə ka ɉəɠə a haláá hɛn mąąhəɠɛɛ.

Lonon mo 18:12

Wulɔ nįnɛ̨, da lɔɔ nįnɛ̨, da mɔ̨nun ə mą kɛ hɛn dɔlɔɔɠaai da Yai-Laa kɔ́ la, gáá di tɛɛi ə́ pɔ.

Azaya 28:4

ɛlɛɛ nwulu powa tii a di mąąyili hɛn, yai gaa ɲa-ɓoloon nɛlɛɛɠaa hui, di kaa pai kɛi yɛ wulu mąąhulaai a ɓa tɔwɔ, gaa hiɛ nu ɓa, aa mą wɛan ɉu, aa bili na.

Azaya 28:1

Kpalo ɓɛlaai Ɛfraimə lɔɔ honŋąą di wɔ kpɔwɔ ŋąąkɛnɛ̨ ɓɔlɔi ɓa, nwulu powaɠaai daa yohva, diɛi kɛ a Ɛfraimə mąąyili hɛn ɲɛ̨i tɔɔɠaa, diɛi ɲa ɓoloon nɛlɛɛ hui, kaai lɔɔ yee aa tɛɛ kaai.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Zɛnɛse 45:17

Tɔɔmun ə mo Ɉosɛfə ɓa, yɛ mą: «Mo ə́ liɛni diɛ, di di wɔ hoohvaalənŋąąi hąą yili, di pənə di li Kanaan lɔi hu,

Zɛnɛse 46:34

'Ka kɛ mą: ‹Taatɛlɛɛ kóló ɓə ku yee kaa mą, ə həɠə ku lokolo yələ ɓa, ə həli la yiihu ɓa; yɛ pələi wɔlɔ ku kalaɓɔlɔni di kɛi gɛ la. Ka yili ɓo tii, gaa pai hvaai mą ka hee Gosɛn lɔi hu. Mąąhɔlɔɓo, taatɛlɛɛ tɔɔ nuą wɛli hvo Eziptə nuą diɛ.›»