Zɛnɛse 44:33 - Yálá laawoo hɛɓɛ (dc)

³³ Ną́n! Bɛlɛɛ ka ə́ kɔ́wɔ mu, hvaa mą, ŋį́ lɛɛ ɓɛ, ŋį́ nuwɔlaa kɛ ə́ yəi. Nokoloi ŋɛ̨i, da niɛni di pənə də li ku nąn bɔ.

Yálá laawoo hɛɓɛ

³³ Ną́n! Bɛlɛɛ ka ə́ kɔ́wɔ mu, hvaa mą, ŋį́ lɛɛ ɓɛ, ŋį́ nuwɔlaa kɛ ə́ yəi. Nokoloi ŋɛ̨i, da niɛni di pənə də li ku nąn bɔ.

Bible

³³ Mɛni ma ŋa íkperai fêi a gɛɛ ŋá lɛ́ɛ ƃɛ́ Bɛŋsima pɔ́ɔ ŋá a luɛ. Tɔɔ da ǹîa-ni dí lí.

Zɛnɛse 44:33 Referans Kwoze

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

Hebreu 7:22

Yili mąą mɛ̨nį ɓa, Jesus ɓə a mįnɛ̨i tii hukɔw.

Lomaŋ 9:3

A tɛ̨ą, yii gáá bɔ, a nɛ̨ɛ̨mąn, nɛ́ŋɛ̨n ə laa, ŋį́ gulɔ Kristə nwɔ wɛlikɛmąąlaa hu, nąn nonniii, a diɛi a ɉúwu hu nuą di mąą mɛ̨nį ɓa.

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Zɛnɛse 44:32

Ɛlɛɛ, ɲą́ą́ ɓə kɛ ku nąn ma: ‹Ə́ lon və, kwa yaa kwə li; gaa ɲéé kɔ́n ma.› Ŋą́ kɛ ku nąn ma: ‹Ŋą́ wala pənə və́ pa a ə́ lon ə́ pɔ, ɲą́ą́ ɓə ə háá wulu a lɛɛ nwúɔ̨.›

Zɛnɛse 44:34

Vá pɛli búlu pənəi, və́ li ku nąn bɔ, akɛ kwa nokoloi ŋɛ̨i ku hvo li li. Níí hva pɛli kpələi, ɲɛ̨́i heɛ ku nąn ma, mɛ̨nį nwąnąą yɛ laa mą.»

Zɛnɛse 44:10

Ɉulɔnui tii yɛ diɛ: «Bələi ŋɛ̨i, ka mo la, gáá nąą pulu kwɛlii, nui ŋą gbələkɔwɔ kaa ɲəi, mąą nu yaa tɔ̨nɔ̨ ɓə a lɛɛ a nwɔ́ luwɔ, mɛlaɠaa tii da lɛɛ di kpɔwɔ ɓa.»

Samia Veerɛi 24:17

Malakai ŋɛ̨i gɛɛ kala nɔi, gaai Davidə ə mo, ə mo Yai-Laa ɓa, yɛ mą: «Ɲą́ą́ ɓə nɛ̨ŋɛ̨n ɉəɠə, ɲą́ą́ ɓə túwɔ́ pələ ɲɔ̨n gulɔ; kɛlaa, mąąwɛli nuą ŋɛ̨i, di wɔ nąą ɓaa lə? Ɲą́ą́ kwa nwɔ́ pɛlɛ́i mu nuą ɓə mąąnɛ̨ɛ̨ ə́ ə́ ɲɛ̨i ɲɔ̨nwɔ̨ɔ̨ hee kuɔ.»