Zɛnɛse 44:17 - Yálá laawoo hɛɓɛ (dc)

¹⁷ Ɉosɛfə yɛ diɛ: «Kpaa-oo! Mąą hvo nɛ̨ɛ̨li və́ gɛ tii a kaa. Nui ŋɛ̨i di nwɔ́ kpələkɔwɔi kaa ɲəi míi hu, yaa lɔ ɓə lɛɛi ɓɛ a nwɔ́ luwɔ, kaa yiiɠaa tii, ka pənə ka li ka nąn bɔ.»

Yálá laawoo hɛɓɛ

¹⁷ Ɉosɛfə yɛ diɛ: «Kpaa-oo! Mąą hvo nɛ̨ɛ̨li və́ gɛ tii a kaa. Nui ŋɛ̨i di nwɔ́ kpələkɔwɔi kaa ɲəi míi hu, yaa lɔ ɓə lɛɛi ɓɛ a nwɔ́ luwɔ, kaa yiiɠaa tii, ka pənə ka li ka nąn bɔ.»

Bible

¹⁷ Zosɛ ǹyɛɛi, “É folôŋ ḿâ a gɛɛ ŋá gɛ́ tí. Ǹúui nɔ́ kɔ̂pui è kɛ̀ ŋɔƃɔrɔi sui, ǹyaa ƃé pâi kɛ̂i a ŋáluɛ. Kɛ́lɛ à kɛ̀ a káa, ka pâi liî pôlu lii-see su kánâŋ pɔ́.”

Zɛnɛse 44:17 Referans Kwoze

Hanwon 17:15

Nui a tɔɔ hɔn mąąmun bulu, da nui a tələnmomun gɛ a hɔn mąąmun, nu hveelɛi tii, di wɛli kpɛɛi kpɔ Yai-Laa ɓa tɛ-tɛ.

Mąątɛ̨nɛ̨ 75:2

Yálá, ku kaa ə́ laa tɛi, ku kaa ə́ laa tɛi, mąąhɔlɔɓo, Ə́ mąą lɛɠɛɛi kuɔ, kuɔ Ə́ kɛ mɛ̨nį kpɛa-kpɛaɠaa hu kulɔ

Samia Veerɛi 23:3

Israɛlə nwɔ Yálá ɓə mo, Israɛlə nwɔ kwɛnii ɓə mo mą́ą́, yɛ mą́ą́: «Nui a tɔɔlaa kɛ nuą nwun mɛ̨i a tələnmolaa, yɛ ŋaawooɓo kɛ a Yálá nwɔ ɲɛ̨i ɲɔw maa laa, gɛ pələ kaa yɛ yələwala pɔ kɛɛ pɔ̨nɔ̨, ɓɛlɔwai hvóló a muhəɠə la,

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Zɛnɛse 26:29

Ə́ kwɛla, yɛ́ hvó pai mɛ̨nį ɲɔ̨n gɛi a kuɔ. Kuɔ kpɛli ku hvo pai mɔ̨nɔ̨ laai yɛ́. Mąąhɔlɔɓo, ku hvo kɛ mɔ̨nɔ̨ lɔ li ə́ pɔ; ku ə́ hon nɔ a ɓɛlɛlaa ə́ həɠə ku pɔɔli liilaa hu. Ə́ kaa a Yai-Laa nwɔ lúwɔ́ lon.»

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Zɛnɛse 44:16

Ɉuda ə mo Ɉosɛfə ɓa, yɛ mą: «Ną́n! Yɛ́i ŋɛ̨i ə́ kaa a nɔi nwun nąmu, lə mɛ̨nį kpɔ ɓə kwa pɛli ku mo yɛ́, ə gɛ, ə́ laa na, yɛ́ diɛ, ku hvo a hɔn mąą nuą mɛ̨nįi ŋɛ̨i hu? Yálá aa ku mąą kpoloon, aa ku hɔn gulɔ pɔ̨nɔ̨ŋą, kwaa kɛ a hɔn mąą nuą. Nui ŋɛ̨i di ə́ wɔ kpələ kɔ́wɔi kaa ɲəi míi hu, kwa diɛni kəlee kwaa kɛ a ə́ wɔ luwɔ.»

Zɛnɛse 44:18

Ɉuda ə lɛɠɛ Ɉosɛfə ɓa, yɛ mą: «Nwɔ́ mɛ̨nį nąmu, ka nɔi ŋɛ̨i hutɔɔmun ka pɛliɛi, gɛ́ ə́ hvaa mą, ŋį́ hvaa ə́ pɔ, ə́ lii hvo holi bɔ́.

Zɛnɛse 44:10

Ɉulɔnui tii yɛ diɛ: «Bələi ŋɛ̨i, ka mo la, gáá nąą pulu kwɛlii, nui ŋą gbələkɔwɔ kaa ɲəi, mąą nu yaa tɔ̨nɔ̨ ɓə a lɛɛ a nwɔ́ luwɔ, mɛlaɠaa tii da lɛɛ di kpɔwɔ ɓa.»