Zɛnɛse 43:9 - Yálá laawoo hɛɓɛ (dc)

⁹ Ɲą́ą́ ɓə nokoloi ŋɛ̨i wulu kaa nwúɔ̨, dɛɛ bɔ́. Ŋą́ li la, kwa yaa kwa wala pa, ɲą́ą́ ɓə nwulu a lɛɛ nwúɔ̨.

Yálá laawoo hɛɓɛ

⁹ Ɲą́ą́ ɓə nokoloi ŋɛ̨i wulu kaa nwúɔ̨, dɛɛ bɔ́. Ŋą́ li la, kwa yaa kwa wala pa, ɲą́ą́ ɓə nwulu a lɛɛ nwúɔ̨.

Bible

⁹ Ńyãa ƃé maa mɛni káa mâ. Ƃa pâi gâai ǹyêei ŋá pá la ípɔ. Ŋà wàla pá la pôlu ŋá dɔɔ íŋɛi-tuɛ, gɛ̀ ní ńyãa ƃé m̀aa mɛni káa ḿâ ŋáfulu-laai su.

Zɛnɛse 43:9 Referans Kwoze

Zɛnɛse 42:37

Rubɛn yɛ di nąn ma: «Bɛnɉamɛn tɛɛ bɔ́, kwə li, ŋą́ wala pənə və́ paa la, nón ɉinąą hveelɛi ŋɛ̨i, ə́ gəlee paa.»

Hebreu 7:22

Yili mąą mɛ̨nį ɓa, Jesus ɓə a mįnɛ̨i tii hukɔw.

Izikiɛ 33:8

Ŋą́ kɛ nu ɲɔ̨nwɔ̨ɔ̨ ɓa, ə́ kaa pai haai, ɛlɛɛ yɛ́n, yá wala gilaa pono, hvo həɠə nwɔ túwɔ́ pələ ɲɔ̨n pulu, a haa a nwɔ túwɔ́ pələ ɲɔ̨n naa pɔɔ. Kɛlaa, yɛ́ ɓə ɲąmą wulu a lɛɛ ə́ nwuɔ̨.

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Izikiɛ 3:20

Tələnmomun a bulu tinɛ̨n ŋą tələnmolaa ɓa, yɛ hvulu mɛ̨nį kɛ, gáá pai gɛi ə kalin; gaa pai haai; gili ɲą pɔ̨nɔ̨i hvó pai moi, yili ɓə pai gɛi yɛ haa la a nwɔ nɛ̨ŋɛ̨nŋąąi, dələnmo yíi ə mo, di hvo kɛa pai di kili lɛɛi ɉu; kɛlaa, yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 3:18

Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Mąątɛ̨nɛ̨ 119:122

Ə́ wɔ tímun gɔ́ a nwunnąnɛ̨ɛ̨, kpɔwɔɲąąkɛ̨nɛ̨ nuą di hvo hee mɛ̨́i.

Zôo 17:3

Yɛ́ kpinįi, mą́ą́kɔ̨nwɔ̨ di yəi, ə kulɔ ə́ pulu, gbɛɛ ɓə a pɛli tɔɔi búlu?

Tɔɔɓɛlaa dɔlɔɔ 1:21

Ɓɛlɔwai nwɔ́ mɛ̨nį nąmu tɔɔmun gaa pai laai la nąnni kwɛlɛ, ɲą́ą́ kwa nón Salomɔn ku kaa pai kɛi yɛ hɔn mąą nuą.»

Zɛnɛse 31:39

Lɔwɔ huwɔ a da hon, və́ ta pa li a bowa və́ nɛ yɛ́. Ɲą́ą́ lɔ ɓə ɲéé ə kɛi lɛɛ ɉu. Da ə́ wɔ taatɛlɛɛi ta nwuɔ̨ kɛ, ə kɛ a kpinį, ə kɛ a hvóló, ɲą́ą́ lɔ ɓə yá kɛ mą́ą́ bɔɔ kulɔ ɉu.

Zɛnɛse 9:5

Yii hvilɛn na ka ɲąmą mąą mɛ̨nį ɓa, ka tinąą yili gwɛlan mo kɛ mą́ą́. Huwɔi a nu paa, mąą huwɔi a tinąą nui tii ə ɓaa, ɲąmą gwɛlan mo kɛ. Pələ lɔ ɓə a tinąą kɛ la, nui a mɛlan baa, mąą mɛ̨nį hu. Kwɛlanmo kaa tinąą laa, nu nįį mąą mɛ̨nį ɓa.

Lukə 11:50

Yili mąą mɛ̨nį ɓa, Yálá kwəi mɛ̨nį hukulɔ nuąi kpɔ wɔlɔ daa di paa, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Háákələi nuą ɓə di ɲąmą wulu kaa di nwuɔ̨.

Zɛnɛse 43:10

Yii hui ŋɛ̨i, akɛ kɛ ku hvo ku kɔ́n mąą ɲii li, yɛ kwaa kɛ yalii hveelɛ kɛ, kuɔ pa a gu kɔ̨nɔ̨n.»

Samia Veerɛi 14:9

Tekoa nɛ̨ɛ̨nui tii, yɛ tɔɔmun ma: «Nąą wulu a lɛɛ kwa ną́n ɲəi bɛlɛ́n nuą ku nwuɔ̨, nwɔ́ mɛ̨nį nąmu tɔɔmun da nwɔ tɔɔ kpəlin di hɔn va lɛɛ ɉu.»