Zɛnɛse 43:5 - Yálá laawoo hɛɓɛ (dc)

⁵ Kɛlaa, ya wala gɛ, ku hva li. Mąąhɔlɔɓo, ɉulɔnui tii ə kɛ kpɔ kuɔ: «Ka ləɠə a wala kɛ ka pɔ, ka hva hɛn da hɔlɔɓo.»

Yálá laawoo hɛɓɛ

⁵ Kɛlaa, ya wala gɛ, ku hva li. Mąąhɔlɔɓo, ɉulɔnui tii ə kɛ kpɔ kuɔ: «Ka ləɠə a wala kɛ ka pɔ, ka hva hɛn da hɔlɔɓo.»

Bible

⁵ Kɛ́lɛ ƃà wàla fáa a gɛɛ kwa dîa-ni kú lí, gɛ̀ ní kúfe pâi liî. Kpɛ́ni fêi, nalôŋ è mò kûa a gɛɛ kwà kúlêɣe-ni kwà wàla lí, gɛ̀ ní kúfe pâi ŋ̀ɛ́i kâai.”

Zɛnɛse 43:5 Referans Kwoze

Lɛɛ gbɔwɔ ɓa 20:12

«'Ə́ lee da ə́ nąn di mąąwiɛ; ya ɓə a gɛ, nɔi ŋɛ̨i Yai-Laa ə́ wɔ Yálá ə dɛɛ ə́ pɔ, ə́ yíi ə kwɛa ɉu.

Zɛnɛse 44:26

ku mo mą, kuɔ mą: ‹Ku hva pɛli lii, akɛ ku ləɠə hvo lɛɛ li ku pɔ, akɛ yili hvo mą, nɔi nąmui tii laa, hva ɲee hee ku mu.›

Zɛnɛse 42:38

Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Zɛnɛse 42:20

Yili pulu, ka li, ka pa a ka ləɠə. Ka yili kɛ tii, ŋą gɔlɔn gɛ́ diɛ, ka tɛ̨ą ɓo, ɛlɛɛ, haa hva həli kaa.» Ɉosɛfə niɛni di hvaa yili ɓa.

Zɛnɛse 43:3

Ɉuda yɛ di nąn ma: «Eziptə lɔi nąmui tii, ə mo kpɔ, a nwąnąi yɛ kuɔ: ‹Hva kɛa kɔ̨nɔ̨n dɛɛ ku pɔ, akɛ ku ləɠə hvo ku pɔ.›»

Zɛnɛse 43:4

Akɛ, ya Bɛnɉamɛn lɛɛ laa kwa diɛni kwəli, kwa pɛli kwəli, ku ə́ kɔ̨nɔ̨n ɲa.

Zɛnɛse 43:6

Israɛlə yɛ nonnii diɛ: «Lə mɛ̨nį ɓa ka li kɛi ɉulɔnui tii ɓa ku kpəlaa mąą kaa laa? Mɛ̨nį ɲɔ̨nwɔ̨ɔ̨ ka tii kaa gɛ a ɲą́ą́.»

Zɛnɛse 44:23

Kɛlaa, ə́ mo kuɔ, yɛ́ kuɔ nwɔ̨nɔ̨: ‹Akɛ ka ləɠə a wala lɛɛ ka pɔ, ka diɛni ka hvo pa, ka hvo kɛa pa ɓɛ nɔi.›

Zɛnɛse 42:15

Mɛ̨nįi ŋɛ̨i ka mo, gaa bulu kwɛlii, a kɛ tɛ̨ą li. Gáá gwɛlai a tɔɔmun nąą, gɛ́ diɛ: Ka hvo pai kulɔi ɓɛ nɔi, akɛ ka kpɛlamąą tii hvo pa li.

Zɛnɛse 44:25

Ɓɛlɔwai ku nąn ə kɛ la kuɔ: ‹Ka pənə ka li, ka kɔ̨nɔ̨n ɲa›,