Zɛnɛse 43:30 - Yálá laawoo hɛɓɛ (dc)

³⁰ Ɉosɛfə nəɠə kaai ə mo, gwəi ə nɛ̨ɛ̨ kpɔ ɉu pələ, ɲɛ̨iya ə tinɛ̨n a gɔ̨nwɔ̨n. Ə həɠə di kwɛlɛ kpɔlɔ ɉa, ə li pɛlɛ́ takpɛli mu, ɉeɛ laa yɛ wɔlɔ.

Yálá laawoo hɛɓɛ

³⁰ Ɉosɛfə nəɠə kaai ə mo, gwəi ə nɛ̨ɛ̨ kpɔ ɉu pələ, ɲɛ̨iya ə tinɛ̨n a gɔ̨nwɔ̨n. Ə həɠə di kwɛlɛ kpɔlɔ ɉa, ə li pɛlɛ́ takpɛli mu, ɉeɛ laa yɛ wɔlɔ.

Bible

³⁰ Nya ƃe Zosɛ è kùla a maa félaa. Kpɛ́ni fêi, malôŋ è tòo ma ǹêɣe mɛni ma. Ǹyaŋ è kwaa ma kɔ̀ri a gɛɛ é wɔ́lɔ naa. Nya ƃe è lì ŋɔlôŋpoi su é wɔ́lɔ.

Zɛnɛse 43:30 Referans Kwoze

Zɛnɛse 42:24

Ɉosɛfə ə li dɔ̨nɔ̨ kɛɛnąą, ə hee laa yɛ wɔlɔ. Ɓɛlɔwai Ɉosɛfə ə pənə ə pa la, ə mo diɛ, yɛ diɛ: «Simeɔn ɓə lɛɛi gaho ŋą.» Ɉosɛfə ə mo, di Simeɔn hon, di ɲili mɛlaa ɲɛ̨i ɓa.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Filipə 2:1

Akɛ kani, ká toliɛi Kristə hu, ká hvaŋąlɔɔ wɛlikɛmąą laa hu, ká yee lɔɔ gee hu Kili-Mąąhəɠɛɛ haalai, liinɛ̨ɛ̨ gwəi laa da ɲɛ̨imąąwɛli kaa hu,

Filipə 1:8

A tɛ̨ą, nwɛlikɛmąą laaii gaa ɲə́i Kristə laa hu ka mąą mɛ̨nį ɓa, Yálá ɓə a gɛla.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Tɔɔɓɛlaa dɔlɔɔ 3:26

Nɛ̨ɛ̨nui ŋɛ̨i non maa kɛ a nokolo hvulú, níi ə ɓɛla mą non mąą mɛ̨nį ɓa, yɛ tɔɔmun ma: «Nwɔ́ mɛ̨nį nąmu, nɛ̨ɛ̨mąą ɓə gáá vəi yɛ́; nokolo hvulú ŋɛ̨i tɛɛ mɛ́lan bɔ, hvó kɛ ə́ kaa nokolo paai.» Nɛ̨ɛ̨nu yii tii nwɔ wooi lɔ ɓaa: «Hvaa lɛɛ ə́ yəi, hva lɛɛ ɲə́i, ka ɉu tee.»

Zɛnɛse 45:2

Ɉosɛfə wɔlɔ pələi tii, Eziptə nuąi ŋɛ̨i kɛ bɛlɛ́ kwɛlɛ, di nwoo mɛ̨n, mɛ̨nįi tii bələ ə həli tɔɔmun ma.

Zɔ̂ŋ Maa-ŋuŋ 3:17

Akɛ yɛnɛ̨ɛ̨ hɛn gɔw a kɛ nu ta yəi, ɛlɛɛ, ə nąn non gaa kąnąn ɉu, ɛlɛɛ, hva ɲɛ̨imąąwɛli kaa; a kɛ tii, Yálá nwɔ wɛlikɛmąąlaa a pɛli kɛi ləi ɉu?

Timote veelɛ 1:4

Ŋą́ gíliɲąhiɛ ŋą́ vilɛn, mą́ą́ wɔlɔi ə́ kɛli mo, mą, ŋą́ kɛ lɔ bɔ ŋą́ ɲɛ̨́i tɔɔ yɛ́, ə gɛ, nwɔ́ɔ́ kwəinɛ̨ɛ̨i laa ə kulɔ.

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Gɛlaɠaa 20:37

Di kəlee di ɲɛ̨iyá ə too diɛ, di yili Polə ɓa, da diɛni di yələ wala gbəli-kpəli too di kee ɓa.

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Gɛlaɠaa 20:19

Ŋą́ kólo kɛ gu Ną́mu ɓa a kpɔɔmąąyɛɛlaa ɲɛ̨́iyá hu, bələi mąn Ɉuifəɠaa di kɛi lɔ la mą́ą́kili, ɲąąhɛŋi mɛ̨nįɠaa tamąą yɛ həli mą́ą́, gɛ́ mɔ̨nɔ̨ mįi.

Zɛnɛse 46:29

Ɉosɛfə ə nwɔ hooi kpulɔn nwotolo ɓa yɛ li nąn nąąkwiɛn ɉii. Yii kɛa ə nąn gaa, ə nɛ̨nɛ̨ɓo, di wolo di kee ɓa, di wɔlɔ kpɔ a ɉu kwɛa.