Zɛnɛse 42:5 - Yálá laawoo hɛɓɛ (dc)

⁵ Israɛlə lonnii da nu takpɛliɠaa di bələ kpɔn, diɛ li kɔ̨nɔ̨n ɲai Eziptə lɔi hu, mąąhɔlɔɓo, bului tii ə too Kanaan lɔi hu nąą kəlee.

Yálá laawoo hɛɓɛ

⁵ Israɛlə lonnii da nu takpɛliɠaa di bələ kpɔn, diɛ li kɔ̨nɔ̨n ɲai Eziptə lɔi hu, mąąhɔlɔɓo, bului tii ə too Kanaan lɔi hu nąą kəlee.

Bible

⁵ Nya ƃe Zeeka ǹônii da núu da kpɛ́ni-ŋa dí lì mii-sɛŋ yâi Ize. Kpɛ́ni fêi, burii è kɛ̀ Keena lɔii su gwaa kélee.

Zɛnɛse 42:5 Referans Kwoze

Gɛlaɠaa 7:11

Ya ɓə, pulu kɛnɛ̨ ə too Eziptə lɔi hu da Kanaan lɔi hu. Bulu kpɔlu pələ, gu kalaɓɔlɔni di hvo kɛi kɔ̨nɔ̨n ɉɔlɔɓo.

Zɛnɛse 41:57

Nuą di kɛi həɠə lɔi takpɛliɠaa hu, diɛ pa diɛ kɔ̨nɔ̨n ɲa Ɉosɛfə yəi Eziptə lɔi hu, mąąhɔlɔɓo, bului tii ə kpɔlu lɔi mɛ̨i kɔ́lɔ kəlee.

Zɛnɛse 12:10

Pulu kɛnɛ̨ ə too nɔi tii hu, bului tii kpɔlu pələ, Abramə ə həɠə yɛ li Eziptə lɔi hu, bulu mąą kilɛi.

Zɛnɛse 26:1

Pulu kɛnɛ̨ ta ə too laa nɔi, kɛlaa, yii ŋɛ̨i wɔlɔ kɛ a Abrahamə nwɔ lɔwai, yili hvəi. Isaakə ə həɠə yɛ li Gerarə daai Filisti nuą di wɔ tɔɔmun Abimelɛkə pɔ.

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Samia Veerɛi 21:1

Davidə nwɔ tɔɔlaa kwɛlan ɉu, pulu kɛnɛ̨ ta ə too, ə kwɛlan ɉaaɓa kɛ nɔi. Davidə ə Yai-Laa mąąnin gɛ, Yai-Laa yɛ mą: «Bului tii too mɛ̨nį ə kulɔ Saulə da ɲəi bɛlɛ́n nuą di hɔn ɉu. Mąąhɔlɔɓo, di Gabaɔn nuą paa a nwąnąlɔɔ pələ.»

Zɛnɛse 41:54

Gwɛlan mɛ̨ihveelɛ pului ə gɔwɔ tɔɔ, yɛ pələi ta Ɉosɛfə ə mo la. Bului tii ə too lɔi kɔ́lɔ kəlee. Kɛlaa, kɔ̨nɔ̨n ə kɛ lɔ Eziptə lɔi hu.