Zɛnɛse 42:38 - Yálá laawoo hɛɓɛ (dc)

³⁸ Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Yálá laawoo hɛɓɛ

³⁸ Ɉakɔbə yɛ mą: «Kpaa-o! Rubɛn, və́ nón ŋɛ̨i tɛɛi ə́ pɔ hvəli la. Niɛ aa haa, yaa tɔ̨nɔ̨ lɔ ɓə aa lɛɛ ɲə́i. Ka diɛni ka lɛɛ nwɔ̨nɔ̨ ɉiɛ pələi, mɛ̨nį ta a kɛ lai, gáá pai haai a liiholi, ka túwɔ́ hɔn mąą mɛ̨nį ɓa.»

Bible

³⁸ Kɛ́lɛ è mò ma ǹyɛɛi, “Ńoŋ fé lɛ̀ɛi kápôlu. Kpɛ́ni fêi, ǹîa a saa. Ǹyaa tɔnɔ nɔ́ ƃa lɛ̀ɛ. Tãi da mɛni da a pâi gɛ̂i ziai su. Ǹyaŋ ŋ́gaa a núu pɔlɔ. Gɛ̀ ní maa lii-soli a pâi ḿbaâi.”

Zɛnɛse 42:38 Referans Kwoze

Zɛnɛse 37:35

Ɉakɔbə lonnii kəlee di pa, di nąn ɲɛ̨i kpalai, kɛlaa, nii hvo pɛli laai. Mąąhɔlɔɓo, ə kɛi kɛ mą: «Gáá lɛɛi nón ɉaa wɔlɔ ɓoi, ə lɛɛ ɉu, ŋį́ həli mą ɲąmuątaa.» Ə kɛ lɔ wɔlɔ ɓa, yɛ mo.

Zɛnɛse 42:4

Ɉakɔbə hvo hvaa mą, Ɉosɛfə nəɠə Bɛnɉamɛn hvo lɛɛ niɛ ni pulu di hvo li. Ɉakɔbə ə kɛi giliŋąhiɛ, yɛ kɛ mą: «Gáá Ɲɔwi, gɛ́, mɛ̨nį ta hvo pa laa nwɔ̨nɔ̨ Bɛnɉamɛn ɓa.»

Zɛnɛse 37:33

Ɉakɔbə ə gaa, ə gɔlɔn, ə tómą kpɔ kɛnɛ̨, yɛ mą: «Eekə! Nón nwɔ həɠəi ka! Lɔwɔ huwɔ ta ka ŋɛ̨i aa Ɉosɛfə hon, aa ɉu ɓɛla-ɓɛla aa mį́i.»

Zɛnɛse 42:13

Di pənə diɛ Ɉosɛfə ɓa: «Kpaa kpɔ tɔ̨nɔ̨ kpɛli! Ku nąn gaa tanɔ̨n, ku həɠə Kanaan lɔi hu. Ku kɛ a nu pow kɔ́w hveelɛ, kɛlaa, ku kpɛlamąą ə lɛɛ laa ku nąn gwɛlɛ. Ə lɛɛ, ku tɔ̨nɔ̨ hvo kɛa laa.»

Azaya 46:4

ə lɛɛ la ɉu ka pɔlɔ, gɛ́ pələ laa lɔ ɓaa a gɛ́ pələ, ə lɛɛ ɉu ka nwun ə pɔwa, ɲą́ą́ ɓə pai ɲɛ̨́i kɛi kaa, ŋą́ą́ ɓə ta gɛ tii, gáá lɔ nwɔ̨nɔ̨ pai gɛi, gáá pai ɲéé pui ka mu, ŋį́ ka ɓalo.

Azaya 38:10

Ŋą́ kɛi kɛ diɛ: «Ŋą́ą́ lɛɛ kpɔlɔ həlii nwɔ́ yɛnɛ̨ɛ̨ ɲąą nɛ̨ɛ̨ ɓa, gɛ́ li! Gɛ́ lii haa nuą pɔtaai, gɛ́ kɛa pa lɛɛi laa, gɛ́ nwɔ́ kwɛlan gbəli kɛ laa!

Ikilisiati 2:26

Yaan, nui nwɛli kaa Yálá ɓa, a gɔ́ a kili, mɛ̨nį kɔ́lɔn ŋąą, nwun gɛ ɉu laa da yíi la nɛ̨ɛ̨. Kɛlaa, a kóló laa nɛ̨ŋɛ̨n ɉəɠəmun nwuɔ̨, yili yɛ hɛn gwɛli a nui nwɛli kaa Yálá ɓa, nwɔɔ. Yili yaa kpɛli gaa lɔ a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Ikilisiati 1:14

Mɛ̨nįɠaai kpɔ da tɛɛ ɓɛ lɔi mɛ̨i, ŋą́ gəlee kaa. Kɛlaa, gəlee kaa a kpɛli-kpɛli mɛ̨nį, yɛ nu a kɛi hvaŋą tənən dɔɔ.

Mąątɛ̨nɛ̨ 90:10

Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Tɔɔɓɛlaa dɔlɔɔ 2:6

Yili ɓa, kili kaa yɛ́, túwɔ́ la yɛ bələi kili kaa la yɛ́. Hvó nɛɛ laa hvo pɔlɔ liilaa hu, nwun və powa.

Zɛnɛse 44:20

Ku kɛ yɛ́: ‹Ku nąn ɉulɔgolo kaa laa, da ku ləɠə logolo ta, yii ku nąn ə ɉɔlɔɓo bɔlɔɔ kɔ́lɔ hu; nokoloi tii nwɛli kaa ku nąn ma kpɔ kɛnɛ̨, mąąhɔlɔɓo, nee lon gbəlii lɔ lɛɛ ya li. Yili nwɔɔ liɛ ə wɔlɔ háá.›

Zɛnɛse 37:34

Nąąlɔwai, Ɉakɔbə ə nwɔ həɠəi hu ɓɛla, ə mąąwɛli hee ɓo, ə non nwɔlɔ ɓo kpɔ a ɉu kwɛa.

Zɛnɛse 42:37

Rubɛn yɛ di nąn ma: «Bɛnɉamɛn tɛɛ bɔ́, kwə li, ŋą́ wala pənə və́ paa la, nón ɉinąą hveelɛi ŋɛ̨i, ə́ gəlee paa.»

Zɛnɛse 43:13

Yii hu, ka ka ləɠə həɠə, ka diɛni ka li ɉulɔnui tii pɔ.

Zɛnɛse 44:22

Ku mo yɛ́, kuɔ yɛ: ‹Nokoloi tii, hva pɛli həɠə nąn gwɛlɛ, akɛ a həɠə gwɛlɛ, nąn a háá.›