Zɛnɛse 41:45 - Yálá laawoo hɛɓɛ (dc)

⁴⁵ Tɔɔmun ə Eziptə laa ta hee Ɉosɛfə ɓa, diɛ kɛ mą: Safnatə-Panea. Yili pulu, ə On daai haláá laa həli mun Potifera lon nɛ̨ɛ̨nu Asenatə tɛɛ Ɉosɛfə pɔ a nɛ̨ą. Ə həɠə kɛa ɲələi tii ɓa, Ɉosɛfə ə kɛi kɛa tɛɛ Eziptə lɔi hu nąą kəlee.

Yálá laawoo hɛɓɛ

⁴⁵ Tɔɔmun ə Eziptə laa ta hee Ɉosɛfə ɓa, diɛ kɛ mą: Safnatə-Panea. Yili pulu, ə On daai haláá laa həli mun Potifera lon nɛ̨ɛ̨nu Asenatə tɛɛ Ɉosɛfə pɔ a nɛ̨ą. Ə həɠə kɛa ɲələi tii ɓa, Ɉosɛfə ə kɛi kɛa tɛɛ Eziptə lɔi hu nąą kəlee.

Bible

⁴⁵ Gâloŋ è Zosɛ láa sèe a Zafena-Pania, é Asena tɛɛ bɔ́ a nɛnî. Asena è kɛ̀ a Oŋ taa-leei ŋɔsâla láa-soŋ-nuu kɛ́tɛi, Potifɛra ǹóŋ-nɛnî. Bere ƃé Zosɛ è kɛ̀ la Ize lɔii mɛi.

Zɛnɛse 41:45 Referans Kwoze

Zɛnɛse 46:20

Ɉosɛfə ə nɛ̨ą həɠə Eziptə. Nɛ̨ą ə kɛ a Ɔnə haláá laa həli mun Potifera lon Asenatə, da Ɉosɛfə di lonnii laa ka: Manase, da Ɛfraimə.

Izikiɛ 30:17

Ɔn da Pi-Bɛsɛtə hilɛlɛa daa laa a ɓɔwa kwɛaa laa pɔɔ; nɛ̨ą diɛ li luwɔlaa hu.

Lɛɛ gbɔwɔ ɓa 2:16

Ɉaláá laa həli mun ŋɛ̨i kɛ Madian, nonnii nɛ̨ąą di kɛ mɛ̨ihveelɛ, nɛ̨ąą tii di pa ya haɠai di bu daatɛlɛɛɠaa kpələi, di naahvɛɛ, di nąn nwɔ taatɛlɛɛɠaai kpələ mɛ̨nį ɓa.

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Lukə 2:1

Nąąlɔwai Sesarə Augustə ə mo yɛ: «Ɓɛi kpɔ ŋą heeɓo laa ə həli laa, di nąą nuą kəlee lono.»

Samia Veerɛi 20:26

Yairə mun Ira yaa kpɛli, ə kɛ laa, ə ɓo Davidə yəi a haláá la həli mun.

Samia Veerɛi 8:18

Yehoyada lon Benayahu ɓə kɛ Kereti da Peleti nuą nwun na. Davidə lonnii di kɛ a haláá ɉaláá laa həli nuą.

Zɛnɛse 14:18

Mɛlkisedɛkə ŋɛ̨i kɛ a Salɛmə tɔɔmun, yaai kɛ a Huwalawala Kəlee Nąmu Yálá nwɔ haláá laa həli mun gɛnɛ̨, ə pa a lopɛ̨i da lɔɔ.

Zɛnɛse 41:50

Gɛɛ gwɛlan mɛ̨ihveelɛi tii hvo kɛ gɔwɔ tɔɔi, Ɉosɛfə nɛ̨ą Asenatə ə lon ɉinąą hveelɛ hɔlɔɓo.

Ɉeremi 43:13

Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Danîa 1:7

Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.