Zɛnɛse 41:42 - Yálá laawoo hɛɓɛ (dc)

⁴² Tɔɔmun ə nɛɛmą, ə nwɔ tɔɔ gbonoi kulɔ ɲee ɓa, ə doo Ɉosɛfə yee ɓa. Ə tɔɔ həɠə too Ɉosɛfə kwąną, ə hɛni kwɛɛn doo gwąną.

Yálá laawoo hɛɓɛ

⁴² Tɔɔmun ə nɛɛmą, ə nwɔ tɔɔ gbonoi kulɔ ɲee ɓa, ə doo Ɉosɛfə yee ɓa. Ə tɔɔ həɠə too Ɉosɛfə kwąną, ə hɛni kwɛɛn doo gwąną.

Bible

⁴² Nya ƃe gâloŋ è ŋɔgbònoi kûla ǹyée-gbua ma é ǹɔ́ Zosɛ yée-gbua ma é yokpo lɛ́lɛɛ tóo gɔŋ mâ, é gôo yɔlɛ too gɔŋ mâ.

Zɛnɛse 41:42 Referans Kwoze

Danîa 5:29

Ɲąąɓa, Bɛlsasarə ə mo, yɛ diɛ: «Di nini kɔ́lɔ həɠə too Daniɛlə kwąną, di hɛni kwɛan doo gwąną, ə lɛɛ, di noloɓo kɛɛnąą kəlee, diɛ mą: ‹Dɔɔlaa nwɔ ŋaawooɓo ɉaaɓa kɛɛnąą kaa ɲəi.›»

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Izikiɛ 27:7

Ə́ wɔ hvoló-kpanąn ə kɛ a Eziptə həɠə maakpuɔɠaa. Ə́ wɔ lɔɠɔ-tiɛ̨ mɛ̨i həɠə ə kɛ a gbɔliɔ-mutɛɠiɛ, ə kɛ a gbɔliɔ-gbeletete yɛ həɠə Elisa tinŋaa hu.

Wɛli 1:10

Ə́ kumɔ̨ lɛlɛɛi, nwəli kwɛliɠaa lɔwai, gbɛɛgɔw kwɛɛn ŋɛ̨i ə́ kɔ́nma aa ə́ kɔ́n mąą hon.

Hanwon 31:24

A həɠə pala, yɛ nɔwɔtɔɔ. Yɛ hąąyili kɔ́lɔ tɛɛ yɔwɠaa pɔ.

Hanwon 31:22

A yiihəɠəɠaa pala, mąą həɠəɠaa kaa a həɠə ɲɛ̨i tɔɔ, da nįnį kɔ́lɔ həɠə.

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Hanwon 1:9

Mąąhɔlɔɓo, da kɛ ə́ nwun ma a nwun nanɛ̨ɛ̨ ɓɔlɔ, diɛ ɓo ə́ kɔn ma a kwɛɛn.

Zɛnɛse 38:18

Ɉuda yɛ mą: «Lə ɓə ə́ kaa bɔ ŋą́ və a dɔlaa?» Nɛ̨ɛ̨nui yɛ mą: «Ə́ kpinį ɓa hɛn da hvə, da ə́ wɔ túnwɔ̨n.» Ɉuda ə ɉɛnŋąąi tii həɠə ə dɛɛ nɛ̨ɛ̨nui pɔ, da yaa də li di yii, ə lɛɛ mą a koo.

Zɛnɛse 41:43

Dɔɔ kwəlii wotoloi kɛ a dɔɔ kwɛlɛ mun nwɛi, di Ɉosɛfə hee ɉu, nuą hvilɛn ŋąą dɔwɔ diɛ kɛ mą: «Nu kəlee ə kwɛli hvilɛn! Ɉosɛfə ɓa.» Bələ ɓə di Ɉosɛfə hee la Eziptə lɔi nwun na.

Samuɛlə dɔlɔɔ 18:4

Ɉonatan ə nwɔ həɠəi tii kɛ gwąną, ə gulɔ gwąną ə dɛɛ Davidə pɔ, da nwɔ kuláá həɠəɠaa, da gɔ́ kɔ́ ɓɔwa, gilɛn, da ɉąą-yili-kɔ́lɔ.

Mąątɛ̨nɛ̨ 73:6

Yili mąą mɛ̨nį ɓa, kpɔwɔŋaa kɛnɛ̨ ɓə a di kwąną həɠə, nwąnąlɔ mɛ̨nį ə ɓo di yee pɔ.

Wɛli 4:9

Nwɛli! Ə́ ɲɛ̨i heei mą́ą́ tanɔ̨n a níi ɓɛla mą́ą́, ŋą́ ɲɛ̨i hee lɔ ə́ kɔ́n mįnįin ma, va gbɔ́wɔ́ hɔlɔɓo.

Ɉeremi 52:33

Ə Yoyakimə nwɔ luwɔ həɠəɠaa kəlee kulɔ gwąną. Yoyakimə da Babilonə tɔɔmun mə kɛi di yee lɔ kɔ́wɔ tɔ̨nɔ̨ hu, nwɔ yɛnɛ̨ɛ̨ kəlee yee mu.

Azaya 3:23

gaaɉu, həɠə mu həɠə kwɛlɛɛ pə-pə, nwuɔ̨ ɓɔlɔ, ə mą kɛ, həɠə ɓɛla hoolɛɛ.