Zɛnɛse 41:34 - Yálá laawoo hɛɓɛ (dc)

³⁴ Yili pulu, ə́ nuą həɠə ɉu, ə gɛ, ɉihɛnŋąą lɛlɛ kwɛlan ɉu, nuą diɛ di wɔ hihɛnŋąąi ɓɛlaɓo ɉu, diɛ bələ tɔ̨nɔ̨ tɛɛ di pɔ, diɛ paa la, diɛ bui kɛ.

Yálá laawoo hɛɓɛ

³⁴ Yili pulu, ə́ nuą həɠə ɉu, ə gɛ, ɉihɛnŋąą lɛlɛ kwɛlan ɉu, nuą diɛ di wɔ hihɛnŋąąi ɓɛlaɓo ɉu, diɛ bələ tɔ̨nɔ̨ tɛɛ di pɔ, diɛ paa la, diɛ bui kɛ.

Bible

³⁴ Fɛ̂ɛ gâloŋ é núu túɛ-ƃela see ǹɔii su a gɛɛ mii-sɛŋ kpɛtɛ kóraŋ à pà, ǹúu túɛ-ƃelai dí mii-sãai kélee ŋá kɔ́lɛ gîei lɔ́ɔlu dí bûi tɔnɔ lâai kɛ́.

Zɛnɛse 41:34 Referans Kwoze

Lukə 16:5

Yili pulu, nuą kpɔ ɉɛn nąmui tii nwɔ kwələ ə kɛ diɛ, ɉɛn gɔw laaikɛ mun ə gəlee təli kpɔ tɛitɛi. Yɛ nu dɔlɔɔ ɓa: ‹Lə ɓə gwələ kaa yɛ́?›

Hanwon 27:12

Kilaa pɔ̨nɔ̨mun, a mɛ̨nį ɲɔ̨n gaa yɛ pa, a noo; Kɛlaa, nui ɲąą hvo mą, a li lɔ nwun ɉu kun ma, yili pulu, ə ɲee kpiɛ too na.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Mąątɛ̨nɛ̨ 33:19

A di kulɔ haa yəi, yɛ di laa hɔn mo yɛnɛ̨ɛ̨ a pulu yələɠaa.

Zôo 5:20

Pulu tooi lɔwai, a ə́ nwun mąąkɔ̨nwɔ̨ haa yəi, yɛ ə́ nwun mąąkɔ̨nwɔ̨ kɔ́ kɔ́ ɓɔwa yəi.

Nehemi 11:9

Ɉikri lon Yoɛlə ɓə kɛi di mɛ̨i kaa, ɛlɛɛ, Ha-Senua lon Yehuda ə kɛ daai pələ a yii lɛɛ bɔɔ ɲa.

Kɔlɔnikɔ Veerɛi 34:12

Nuą di goló kɛ a kwəi kwələ laa. Nuąi kɛ di ɲɛ̨itɔwɔ, diɛ ɓaa: lévi lonnii Yahatə, da Ovadiahu, Merari yəi bɛlɛ́n nuą; ɛlɛɛ, Ɉekaria da Mesulamə Kehatə yəi bɛlɛ́n nuą; diɛ ɓə kɛ goló nwun na. Lévi lonnii di wəlɛɛ hvɛli kɛ,

Lonon mo 31:14

Moisə ə níiholi gɔ́kulaa nwun nąmįnąąi kɛ a gɔ́laɠa ɲɛ̨itɔwɔ nuą di pɔ, diɛi tii kɛi həɠə gɔ́i tii ɓa.

Zɛnɛse 41:33

«Yii hu kɛa, tɔɔmun, 'hulɔnu ta kwɛli, yii kili kaa mą, nwun ə ɓo ɉu, ə́ ɉee Eziptə lɔi nwun na.

Zɛnɛse 41:35

Daa kpɛa kpɛaɠaa kəlee hu, di kə́lə́ɠaa tɔɔlaa di ə́ laa hee mą, diɛ ɉihɛnŋąą tii pu ɉu.

Zɛnɛse 47:24

Ka pa mɔ̨nun deei, ka ɉeei kɛ lɔɔli, dɔ̨nɔ̨ ɓə gaa a tɔɔmun nwɔɔ, nąąn ə ɓo a díi kɛmun nwɛi. Yili ɓə díi huwu a kulɔ ɉu, ka yəi bɛlɛ́n nuą kəlee kɔ̨nɔ̨n ə kulɔ ɉu.»

Zɛnɛse 47:26

Ɉosɛfə ə yili hee Eziptə lɔi hu a tɔ́n, haa ɓa haa, Dɔ́n tii kaa ni mą; nu a tíi kɛ Eziptə lɔi hu, a ŋąąkwɛlɛ ɉu lɔɔli, ɉeei dɔ̨nɔ̨ kaa a tɔɔmun nwɔɔ, nąąn ə lɛɛ a díi kɛmun nwɔɔ. Ɉaláá laa həli nuą lɔ ɓə di wɔ lɔi kaa a di wɔɔ, hvo ɓaa tɔɔmun nwɔɔ.