Zɛnɛse 40:8 - Yálá laawoo hɛɓɛ (dc)

⁸ Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Yálá laawoo hɛɓɛ

⁸ Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Bible

⁸ Díyɛɛ mai, “Kú see ƃô, kɛ́lɛ núu da fé naa é zu kula kûɛ.” Nya ƃe Zosɛ è mò dîa ǹyɛɛi, “See-woo su-kulaa fé a Ɣâla pɔ́? Ka kpera kâa, ka zee-wooi ƃó ḿâ.”

Zɛnɛse 40:8 Referans Kwoze

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Danîa 4:8

Nwului tii kɛnɛ̨ɛ kɛ, nwalawalaa. Dón yɛ kɛ ə həli yələkɔlɔn ma. Lɔi mɛ̨i nuą kəlee diɛ pɛli gaai.

Danîa 2:11

Mɛ̨nįi ŋɛ̨i tɔɔmun gaa ɉu hvɛlii, nwalawalaai, nui lɔpee ta hva pɛli gɛi; nui lɔ a pɛli ə mɛ̨nįi tii kɛ, ya ɓaa: Yáláɠaai di hvo ɓɛ lɔi mɛ̨i nuą lɔwai.»

Azaya 8:19

Akɛtii da kɛ kaa: «'Ka ɲɔ̨muątaa tɔlukpɛnuą mąąni kɛ, 'ka tɔlukpɛnuą, ɲɛ̨ąkpɛnuą, da kpɛɛn bili nuą di mąąni kɛ, akɛ tii, mąą hvo nɛ̨ɛ̨li nuą diɛ di wɔ haliɠaa mąąni kɛ, ɛlɛɛ, diɛ ɲɔ̨muą hvɛli nu hulúɠaa mąą mɛ̨nį ɓa?»

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

Zɛnɛse 40:9

Nɔɔ pɛli nuą nwun nąmu ə nwɛi ɓo, yɛ mą: «Ŋį́ hįį kaa, ŋį́ viɲə ta kaa tɔɔni nííla,

Zôo 33:23

Kɛlaa, ya lɔ ɓaa malaka ta ə lɛɠɛ mą, yii a kɛ a Yálá, da nu kanŋąą di lɔwai pɔn naa kulɔmun, tanɔ̨n di ɉəɠə waa lɔwai, yili a pɛli ə nu hiɛ pələ lɛ mą.

Danîa 2:3

Tɔɔmun ə mo diɛ, yɛ diɛ: «Ŋą́ą́ hįi ta kaa, aa gwə́ipili mą́ą́ kpɔ kɛnɛ̨. Gwə́ipilii tii ə mo mą́ą́, naa kili hvo kpɛli kɛa lɛɛ ŋą́, gáá bɔ, ɉįi tii ŋą́ gaa, ka naa kili too ŋą́, ə lɛɛ, ka ɉukulɔ mą́ą́.»

Danîa 2:27

Daniɛlə ə mo tɔɔmun ma, yɛ mą: «Mɛ̨nį loɔ ŋɛ̨i tɔɔmun gaa bɔ ə ɉukulaa kɔ́lɔn, gaa a mɛ̨nį yii, kilimąą nuą ə mą kɛ, nuąi da kwɛli hvilɛn pɛmɛ̨nɛ̨n gɔwɠaa diɛ, da tɔlikpɛ nuą di hva pɛli mą ɉukulɔi tɔɔmun ma.

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Zɛnɛse 41:25

Ɉosɛfə yɛ tɔɔmun ma: «Ə́ wɔ hįi hveelɛi ŋɛ̨i, mukulaa kaa lɔ tɔ̨nɔ̨. Mɛ̨nįi pai kɛi, ya ka tii Yálá kaa ə́ kili pui ɉu Nąąlɔwai tɔwɔ.