Zɛnɛse 4:2 - Yálá laawoo hɛɓɛ (dc)

² Yili pulu, ə pənə ə lon ɉulɔnu takpɛli hɔlɔɓo a Kain nəɠə, ə naa hee a Abɛlə. Abɛlə ə kɛ a taatɛlɛɛ tɔɔmun, Kain yɛ ɓo a tíi kɛ mun.

Yálá laawoo hɛɓɛ

² Yili pulu, ə pənə ə lon ɉulɔnu takpɛli hɔlɔɓo a Kain nəɠə, ə naa hee a Abɛlə. Abɛlə ə kɛ a taatɛlɛɛ tɔɔmun, Kain yɛ ɓo a tíi kɛ mun.

Bible

² È ŋɔ́nɔ Kîŋ ǹêɣe Ebɛɛ maa sɔlɔ ƃó. Ebɛɛ è kɛ̀ a ƃála mɛi-kaa-nuu, Kîŋ kɛ́ ƃò a kpâlaŋ ŋá tii-kɛ-nuu.

Zɛnɛse 4:2 Referans Kwoze

Zɔ̂ŋ Maa-ŋuŋ 3:15

Nui nąn non nwɛli hvo mą, nu paamun ni. Ɛlɛɛ, káá kpinįi ká kili kaa ɉu, yíipoo hvo nu paamun ɉu.

Zɔ̂ŋ Maa-ŋuŋ 3:12

Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Zɛnɛse 47:3

Yili yɛ diɛ: «Kóló ləi ɓə ka gɛ?» Diɛ mą: «Ə́ wɔ tínuą kaa a taatɛlɛɛ tɔɔ nuą, yɛ bələi wɔlɔ ku kalaɓɔlɔni di kɛ la.

Lɛɛ gbɔwɔ ɓa 3:1

Moisə ə kɛ mɔlɔ́ Ɉetro nwɔ taatɛlɛɛɠaa pulu. Ɉetro ɓə kɛ a Madian haláá laa həli mun. Moisə ə lɛɛ daatɛlɛɛɠaa pulu ə li kpɔ a diɛ nɔi pun bulu pələ, Yálá nwɔ yeei ɓa Horɛbə.

Amɔsə 7:15

Kɛlaa, nwɔ́ taatɛlɛɛɠaa pulu ɓə ŋį́ lɛɛ laa, Yai-Laa yɛ də́li, də́lii tii ə mo, yɛ mą́ą́: ‹'Li! Ə́ mą́ą́ mɛ̨nį hu kulɔ nwɔ́ nuą ŋɛ̨i a Israɛlə nu huwu diɛ.›

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Zɛnɛse 37:13

Yələ ta, Ɉakɔbə yɛ Ɉosɛfə ɓa: «Ə́ liɛni kaa daatɛlɛɛɠaa pulu Sisɛmə, gɛ́ ə́ li ə́ kulɔ di mɛ̨i.» Ɉosɛfə yɛ mą: «Gáá li.»

Zɛnɛse 9:20

Noe ə kɛ a hihɛn ɉi mun. Ə viɲə yɛa laa.

Zɛnɛse 3:23

Yai-Laa ə nu kpɛ Edɛn ɲɛai tii hu, əgɛ, ə li, ə tíi kɛ lɔi ɓa, ɓɛi di kulɔ laa.

Lukə 11:50

Yili mąą mɛ̨nį ɓa, Yálá kwəi mɛ̨nį hukulɔ nuąi kpɔ wɔlɔ daa di paa, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Háákələi nuą ɓə di ɲąmą wulu kaa di nwuɔ̨.

Zɛnɛse 4:1

Adamə da nɛ̨ą Ɛvə di too di kee ɓa, Ɛvə ə koo həɠə. Ə naayɛɛ a lon ɉulɔnu, ə naa hee a: Kain; nąąlɔwai, Ɛvə yɛ diɛ: «Ŋą́ą́ nu pɛli Yai-Laa nwɔ lúwɔ́ haalai.»

Zɛnɛse 4:3

Kwɛlan damąą tɛɛ pulu, Kain ə pa a ɲəi ɲɛa hihɛn daɠaa ɓa, ə dɛɛ Yai-Laa pɔ a gɔ́ hɛn.