Zɛnɛse 4:13 - Yálá laawoo hɛɓɛ (dc)

¹³ Kain yɛ Yai-Laa ɓa: «Gahoi ŋɛ̨i yaa naa mą́ą́, nwiai, vá pɛli mu.

Yálá laawoo hɛɓɛ

¹³ Kain yɛ Yai-Laa ɓa: «Gahoi ŋɛ̨i yaa naa mą́ą́, nwiai, vá pɛli mu.

Bible

¹³ Nya ƃe Kîŋ è mò Yâwɛɛ ma ǹyɛɛ, “Ŋátɔŋ kpɛ́-maai kɛ́tɛi é tɛ́ɛ nyii ma ŋa pɔ̂ri mui.

Zɛnɛse 4:13 Referans Kwoze

Zôo 15:22

Hva giliŋąhiɛ yɛ kɛ gaa pai kulɔi kpinį ɲɔ̨nwɔ̨ɔ̨ yəi. Yaai ɓɔwa kwɛa kaa lɔ gwɛlii.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

M̀ɛni-lɛɛi 16:11

Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.

M̀ɛni-lɛɛi 16:21

Hanwon gbuwulu kpɛa-kpɛaa nwiaa yɛ kilə pow-nąąn, yɛ kulɔ yələi yɛ too nu kanŋaa diɛ, ɛlɛɛ, nu kanŋaa di Yálá lalan mɔ̨nɔ̨i tii mąą mɛ̨nį ɓa, mąąhɔlɔɓo, mɔ̨nɔ̨ yili mąąmįnį-mįnŋąąi kɛ kɛnɛ̨.

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Zɛnɛse 4:14

Háákələi, ə́ kaa gbɛ́i, yɛ́ ɉə́ɠə tíi kɛ lɔi lɛlɛɛ ɓa, ɛlɛɛ, hvo kɛa pai mɛ̨́i kaai, gáá pai kɛi a nu kpoloon, gɛ́ gilɛ həɠə lɔi mɛ̨i. Gbəli hu, nu ta a kwiɛn a ɲą́ą́, gaa pai báái.»

Izikiɛ 16:58

Ə́ wɔ túwɔ pələ ɲɔŋŋaai da ə́ wɔ ɓowo mɛ̨nįɠaai kəlee di pulu mɔ̨nɔ̨ ka tii ə́ kaa ɉəɠəi, Yai-Laa woo li.