Zɛnɛse 39:14 - Yálá laawoo hɛɓɛ (dc)

¹⁴ ə tómą yɛ kɛa bɛlɛ́n nuą təli, yɛ kɛ mą: «'Ka pa-oo! Ka pa-oo! 'Ka pa ka ɓɛ kaa! Hebreu hulɔnon ŋɛ̨i ɉílɛ ə paa la ɓɛ, aa kpɔlu ná, yɛ kwa yaa ku láá, kɛlaa, yii kɛa ŋį́ kɛi tomą,

Yálá laawoo hɛɓɛ

¹⁴ ə tómą yɛ kɛa bɛlɛ́n nuą təli, yɛ kɛ mą: «'Ka pa-oo! Ka pa-oo! 'Ka pa ka ɓɛ kaa! Hebreu hulɔnon ŋɛ̨i ɉílɛ ə paa la ɓɛ, aa kpɔlu ná, yɛ kwa yaa ku láá, kɛlaa, yii kɛa ŋį́ kɛi tomą,

Bible

¹⁴ è bɛ́rɛi mu-ƃelai tòli ǹyɛɛ diai, “Ka gáa, ŋásurɔ̂ŋ a pá a Ibulu-nuu kúsama a gɛɛ é kúŋumɛ. È pà bɛ́rɛi mu a gɛɛ kwa ǹyaa kú lɔ-pɔ̂rɔŋ kɛ̀, kɛ́lɛ ŋá làɣi a zu kɛ́tɛ.

Zɛnɛse 39:14 Referans Kwoze

Piɛrə dɔlɔɔ 2:20

Mąąwiɛ laa ləi kpɔ ɓə nu ya ɉɔlɔɓo, akɛ daa kɛli gɛlɛ ɉɔn ɉu? Kɛlaa nu a mɛ̨nį lɛlɛɛ kɛ, diɛ mɔ̨nɔ̨ɓo yɛ niikpələ yili mąą mɛ̨nį ɓa, mɛ̨nį lɛlɛɛ li Yálá ɲɛ̨i ɓa.

Lukə 23:2

Di həliɛ, diɛ kɛa lɛɛ tamąą kɛ a nąą, diɛ kɛ mą: «Nui ŋɛ̨i, ku gaa yɛ nɔi nuą kwɛitee, yɛ kɛ diɛ: ‹Ka hvo nįįhɔ̨nwɔ̨ kulɔ Sesarə ɓa.› Ə lɛɛ, yɛ kɛ diɛ: ‹Yaa ɓə gaa a Nwun mąąɓomun Yálá ə naakwɛlanmo, yɛ ɓo nwɔ̨nɔ̨ a tɔɔmun.›»

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Azaya 54:17

Kɔ kɔ́ hɛn lɔpee di bɛli ə́ mąą mɛ̨nį ɓa, hvo pai pɛlii mɛ̨nį ta kɛi yɛ́, nɛn lɔpee yɛ ə tɔɔ ə́ la kiti hu, yá pənə ə́ bulu kulɔ a ɉɔn. Bələ ɓə Yai-Laa nwɔ tínuą kɛ pələ kaa pai kɛi la. Di wɔ tələnmolaai tii a gɛ́ mɛ̨nįi, gɛ pələ kaa pai kɛi tii. Yai-Laa woo li.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Hanwon 10:18

Nui a wɛlikpɛɛmąą mɛ̨i kpulu, nɛn gaa na hveelɛ. Nui a laamąąhiɛ kɛ, ɓowomun ni.

Mąątɛ̨nɛ̨ 120:3

Lə kpɔ ɓə da pɛli dɛɛi ə́ pɔ? Lə ɓə nwɔ̨nɔ̨ da pɛli gɛi yɛ́? A nu pu laaləiɠaa tii?

Mąątɛ̨nɛ̨ 55:3

'Ə́ ɲɛ̨i hee bɔ́ pələ, nwóó pulu pənə; ɉú aa pu mą́ą́, gɛ́ nwóó laa.

Mąątɛ̨nɛ̨ 35:11

Lɛɛ kɛla hvaa ɓo nuą daa di muhəɠə, mɛ̨nįi və́ ɉu kɔ́lɔn, diɛ mą́ą́nikɛ mą.

Zɛnɛse 40:15

Di gúlɔ ku pɔ lɔi Hebreu lɔi hu a huwalawala, diɛ pa ɓɛ a ɲą́ą́. Pai nwɔ̨nɔ̨ ŋį́ mo, və́ mɛ̨nį ɲɔ̨n gɛ li, di ɉón diɛ dóó gaho ŋą.»

Zɛnɛse 39:17

Ɉilɛ paa kɛa, ə tɔɔ nwoo ɓa ə ɉukulɔ mą, yɛ mą: «Hebreu luwɔ hilɛi ŋɛ̨i ə́ paa la ɓɛ, ya ka pa woloi mą́ą́, yɛ kwa yaa ku láá.

Zɛnɛse 39:7

Yələ ta, Ɉosɛfə nwɔ mɛ̨nį nąmu nɛ̨ą ɲɛ̨i ə kulɔ bɔ, yɛ mą: «'Pa gu láá.»

Zɛnɛse 14:13

Nu ta ə kɛi pu gɔi tii ɓa, ə pa ə nwoo hukulɔ Abramə ɓa, Abramə ŋɛ̨i a Hebreu, yai kɛ heeni Mamre nwɛla koo ɓa Amɔrə lɔi hu. Mamre ə kɛ a Ɛskɔlə da Anɛrə di kaayɔwɔ, nu haaɓai tii da Abramə ni di tɔɔi kɛ.

Zɛnɛse 10:21

Sɛmə, Ɉafɛtə niɛ yaa kpɛli ə lon ɉinąą hɔlɔɓo. Yaa kpɛli, gaa a nu huwuɠaa ŋɛ̨i di kalaɓɔlɔ, diɛ ɓaa: Ebɛrə da ɉuwuhu nuą kəlee,

Korɛntə veelɛ 6:8

mąąwiɛlaa hu da ɓɛlɛkpɛɛ gwəi laa hu, laa kala hu da nu laa lɛlɛɛ ɓoɔ hu, diɛ ku kaa a lɛɛ nuą, yá pa kuɔ tɛ̨ą ɓo,

Izikiɛ 22:5

Kwɛala nuą da kpuɔla nuą, gəlee kaa pai kɛi yɛ́lɛ́i yɛ́. Mąąhɔlɔɓo, yáá ə́ laa pu; ɛlɛɛ, ə́ wɔ túwɔ pələ ɲɔ̨nŋaai daa tamą.

Zɛnɛse 39:13

Yii kɛa nɛ̨ɛ̨nui ə gaa yɛ, yili aa mąą həɠə lɛɛ ɲəi aa pu,

Zɛnɛse 39:15

aa mąn mąą həɠə lɛɛ puu ni gwɛ́lɛ, aa pu aa kulɔ bɛlɛ́n.»