Zɛnɛse 37:25 - Yálá laawoo hɛɓɛ (dc)

²⁵ Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Yálá laawoo hɛɓɛ

²⁵ Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.

Bible

²⁵ Nya ƃe dí sèe díkɛ dílaa mìi. Dí díŋuŋ mu sìɣe dí Isima-ŋai káa kulâi Gilia díkɛ pà a díkpulu kɛ́tɛ soo-fáleŋ-ŋa mɛi. Dí kɛ̀ pâi a wúru-malaŋ, tuma-laa kúŋ nɛ̃ɛ da wúlɔ kúŋ nɛ̃ɛ. Dí kɛ̀ liî Ize.

Zɛnɛse 37:25 Referans Kwoze

Zɛnɛse 43:11

Israɛlə ə di woo ŋąąpənə, yɛ diɛ: «Akɛ yili kaa tii, yii ka káá gɛi, ya ka: Ka ɓɛ nɔi hɛn da həɠə, ka li la Eziptə mun tii pɔ a ɉąmą. Ka ɓálá ta həɠə ka kwɛ́in nwulɔ pu ɉu da wúlú mąląąn gun nɛ̨ɛ̨, mąląąn ɲa da wulu kun nɛ̨ɛ̨, nwului ŋɛ̨i da kɛ mą pistake, má ta, da nwului ŋɛ̨i da kɛ mą amandə, ma.

Zɛnɛse 37:28

Ismaɛlə nu huwui a Madian yɔw kɛ nuą, di kɛɛ tɛɛ nąą, di Ɉosɛfə kulɔ nɔwai, di nɔwɔtɔɔ diɛ a wali kwələ pow hveelɛ, yiliɠaai di ɉəɠə di li la Eziptə.

Ɉeremi 8:22

Akɛti wulu laa hvo mɔ̨ɔ̨ Galaadə? Akɛti hali kɛ mun və mɔ̨ɔ̨ laa? Lə ɓə kɛ yaai hvaŋą wolo hvo kpɛli pui nwɔ́ nuą diɛ?

Zɛnɛse 37:36

Madian nuąi tii Ɉosɛfə ya, di li la Eziptə, di nɔwɔtɔɔ Potifarə ɓa; yai kɛ a dɔɔ kwəli mąąkpɛ nuą di nwun nąmu.

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Ɉeremi 46:11

'Tɛ Galaadə lɔi hu, ə́ ə́ hali kwɛli laa, yɛ́i ɓaa Eziptə nɛ̨ɛ̨gbɛla. Nwululaa tamąąi ə́ kaa gulɔi, gaa a kpɛli-kpɛli, wululaa ta hva pɛli ə́ ɓaloi.

Hanwon 30:20

Wɛlikɛ nɛ̨ɛ̨nu túwɔ́ pələ ka: A kɔ̨nɔ̨n mįi, ə naa ɓa kələ, yɛ diɛ: «Və́ kɛ mɛ̨nį ɲɔ̨n gɛ li!»

Mąątɛ̨nɛ̨ 14:4

Mɛ̨nį ɲɔ̨n gɛ nuąi tii, di hvo mɔ̨ɔ̨ mɛ̨nį kɔ́lɔn? Diɛi nwɔ́ nu kanŋaai kɛi a di kɔ̨nɔ̨n, da kɛli kɔ̨nɔ̨n mįi! Ɛlɛɛ, di hva Yálá hvɛli!

Zɛnɛse 39:1

Ismaɛlə nuą ŋɛ̨i Ɉosɛfə həɠə diɛ li la Eziptə lɔi hu, di nɔwɔtɔɔ Potifarə ɓa. Potifarə ɓə kɛ a Eziptə tɔɔmun nwɔ tɔɔ kwəli mąąkpɛ nuą nwun nąmu.

Zɛnɛse 31:23

Laban ə ɲəi bɛlɛ́n ɉinąą həɠə, di hvilɛn Galaadə ɲeeɠaa ɓa.

Mąątɛ̨nɛ̨ 83:6

Di woo tɔɔi aa kɛ tanɔ̨n di wɔ nwun dɔɔi hu; diɛ di yee lɔ gee hu, diɛ pɛlɛ yɛ́.

Zɛnɛse 31:21

Ɉakɔbə ə ɲəi hɛnŋąą kəlee həɠə, ə pu la, ə Eufratə teen, yili pulu, ə ɲɛ̨i hee kɛa Galaadə ɲeeɠaa ɓa pələ, yɛ li.

Zɛnɛse 37:24

Di bili lɔwa ta hu, nɔwai tii hu kpalai kɛ, ya hvo kɛ ɉu.

Zasua 13:11

Galaadə nuą, Gesurə nuą da Maaka nuą di wɔ lɔi. Ɛlɛɛ, Hɛrmɔn yee kəlee, Basan kəlee, ə həli la Salka.

Ɉeremi 22:6

«Mɛ̨nįi Yai-Laa kaa moi yɛ hvilɛn na Ɉuda tɔɔmun nwɔ pɛlɛ́i ɓa, ya ka: «Ə́ kaa kɛi ɲə́i yɛ Galaadə lɔi, yɛ Liban yee ton na, gáá pai ə́ mąąpənəi a lɔi pun, və́ pai kpaɠai mą, gáá ə́ kɛi a taa kpoloon, kwəi kwɛli hvo ɉu.

Izikiɛ 47:18

Voló kulɔi pələ nwɛi, ka gɔɔn Hauran da Damasə di lɔwai; Galaadə da Israɛlə di lɔwai, Ɉurdɛn a kɛ a nɔi ɲɛn ə həli la gboloyái tii voló kulɔi pələ mą. Voló kulɔi pələ nwɛi ka tii.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Amɔsə 6:4

Ka káá laani ka wɔ kanąnbeeɠaai ŋą yii nwəli la laai a hə́lə́ ɲįn, Ka laa kpəlin gbɛa kpɛaa hu, Kaa ɓɛlaa gbɔnŋąą mįi, Da Nįŋɛ̨ gbɔn nwulaaɠaa.