Zɛnɛse 36:15 - Yálá laawoo hɛɓɛ (dc)

¹⁵ Esau lonnii, bɛlɛ́ nąmįną laa ka: Esau lon ɉulɔnu tɔlɔɔ Elifazə: Teman ə kɛ a pɛlɛ́ nąmu, Omarə ə ɓo a pɛlɛ́ nąmu, Sefo ə ɓo a pɛlɛ́ nąmu, Kenazə yɛ ɓo a pɛlɛ́ nąmu.

Yálá laawoo hɛɓɛ

¹⁵ Esau lonnii, bɛlɛ́ nąmįną laa ka: Esau lon ɉulɔnu tɔlɔɔ Elifazə: Teman ə kɛ a pɛlɛ́ nąmu, Omarə ə ɓo a pɛlɛ́ nąmu, Sefo ə ɓo a pɛlɛ́ nąmu, Kenazə yɛ ɓo a pɛlɛ́ nąmu.

Bible

¹⁵ Gâloŋ-ŋai ká ŋí Isɔɔ ŋɔsuui su. Isɔɔ ǹóŋ-surɔ̂ŋ maa-ŋuŋ Ɛlifa ǹônii-sinaai ká ŋí nyii-ŋai díkaa a gâloŋ-ŋai. Temaŋ, Oma, Zefo, Kena,

Zɛnɛse 36:15 Referans Kwoze

Abdiasə 1:9

Tema taa, ə́ wɔ kɔ́kulááɠaai hu a pu diɛ, ɛlɛɛ, da ə́ pɔ lɔi kɔ́kulááɠaa kəlee paa, Esau nwɔ yeeɠaai ɓa.

Zôo 2:11

Ɉobə mɛlaa haaɓa di mɛ̨nįɠaai ti bələ mɛ̨n. Di həɠə di pɔ nɔiɠaa, diɛ pa di woo pilii mą. Elifazə ə həɠə Teman; Bildadə ə həɠə Sua; ɛlɛɛ Sofarə ə həɠə Naama. Di kəlee di pɛli ɉu, ə gɛ di pa di Ɉobə nwɔ mąąwɛli hee ɓo, di niilaa.

Habakukə 3:3

Yálá kaa həɠəi Teman, Yálá mąąhəɠɛɛ kaa həɠəi Paran yee ɓa. Nwɔ mąąwiɛ aa yələ kwəi kpɛɛ mą. Mąątɛ̨nɛ̨ pələ aa lɔi mɛ̨i kpɛɛ mą

Amɔsə 1:12

Gáá pai nwɔ̨n dooi Tema daai, nwɔ̨n gaa pai Bɔsra taa nwɔ tɔɔ pɛlɛ́ɠaa kəlee kələn ɉii.

Izikiɛ 25:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ; gáá pɛlɛi Edɔmə ɓa, gɛ́ ɉu nuą da daatɛlɛɛɠaa kpɛɛ laa, gɛ́ gɛ a lɔi pun, ə həɠə Téma, ə həli Dedan. Nuą kaa pai haai a kɔ́ kɔ́ ɓɔwa laa pɔɔ.

Ɉeremi 49:20

Mɛ̨nį ɲɔ̨nwɔ̨ɔ̨, Yai-Laa aa mąą kili tee gwəi, yɛ hvilɛn na Edɔmə ɓa, ka ka wəli tɔɔ mą; mɛ̨nįɠaa gaa bɔ ə naa Téman nuą diɛ, daatɛlɛɛ kpulu lɔwai, ə mą kɛ, yiiɠaa di hviikpɛɛ, di kaa pai kɛi di yalai. Di mąą mɛ̨nį ɓa, gaa pai di wɔ lɔi huwoloi. Yili hva ɉəɠə mą.

Ɉeremi 49:7

Mɛ̨nįi Yai-Laa Mɛ̨nį Kəlee ŋą Hééɓomun kaa moi yɛ hvilɛn na Edɔmə ɓa, ya ka; yɛ mą: «Mɛ̨nį kɔ́lɔn nuą di hvo mɔ̨ɔ̨ kɛa Teman? Kili hvo kɛa mɔ̨ɔ̨ gilimąą nuą diɛ, di wɔ mɛ̨nį kɔ́lɔn gili aa mɔ̨ɔ̨ kala?

Mąątɛ̨nɛ̨ 37:35

Nui hvo Yálá kɔ́lɔn, ŋį́ gaa yɛ gilitɔɔ vaŋą ɓa, yɛ nwun dɛ yɛ Liban hɛan;

Zôo 21:8

Di huwuhu yɛ kɛnɛ̨, da diɛni diɛ lamun yɛnɛ̨ɛ̨. Di mąnįnni kəlee diɛ kɛnɛ̨ di ɲɛ̨i mu.

Zôo 4:1

Elifazə yii həɠə Téman, nwoo ka, yɛ diɛ:

Kɔlɔnikɔ Maa-ŋuŋ 1:45

Yovavə haa pulu, Husamə yai kɛ a Teman mun, ya ɓə hee a dɔɔmun.

Lɛɛ gbɔwɔ ɓa 15:15

Ɲɔw aa too Edɔmə lɔi nwun nąmįną hu. Moabə tɔɔɓɛlaa hu a kpɛlin Kanaan lɔi hu nuą daa həɠeen a ɲɔw.

Zɛnɛse 36:18

Esau da nɛ̨ą Oholivama kɛ a Ana lon, di wɔ pɛlɛ́ nąmįną laa ka: Yeusə ə kɛ a pɛlɛ́ nąmu, Yaelamə yɛ ɓo a pɛlɛ́ nąmu, ɛlɛɛ, Kora yɛ ɓo a pɛlɛ́ nąmu. Nuąi tii di kɛ a Esau da nɛ̨ą Oholivama di lonnii.

Zɛnɛse 36:4

Esau ə Elifazə kaa Ada ɓa, ə Reuɛlə kaa Basmatə ɓa.

Zɛnɛse 36:14

Siveɔn lon ɉulɔnu Ana lon nɛ̨ɛ̨nu Oholivama yai kɛ a Esau nɛ̨ą, da yaa di Yeusə, Yaelamə da Kora hɔlɔɓo.

Zɛnɛse 36:16

Kora ə kɛ a pɛlɛ́ nąmu, Gaetamə yɛ ɓo a pɛlɛ́ nąmu, ə lɛɛ, Amalɛkə yɛ ɓo a pɛlɛ́ nąmu. Diɛ ɓə kɛ Elifazə yəi bɛlɛ́n a pɛlɛ́ nąmįną Edɔmə lɔi hu. Ada lonnii ka ti.