Zɛnɛse 35:5 - Yálá laawoo hɛɓɛ (dc)

⁵ Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Yálá laawoo hɛɓɛ

⁵ Ɓɛlɔwai Ɉakɔbə da nwɔ nuąi di di tiɛ̨ həɠə la, diɛ li, Yálá ə ɲɔw kɛnɛ̨ too nɔi tii hu nuą hu, nu tɔ̨nɔ̨ kpɛli hvo hvilɛn di pulu.

Bible

⁵ Tãi Zeeka-ni dí kɛ̀ liî lai, yao kɛ́tɛ è pà daa-ŋai su-ƃelai kponôi, nyii-ŋai kɛ̀ naa kɔlɛ mai. Ǹyaŋ dífe pɔ̂ri ní Zeeka-ni kpɛ̂i.

Zɛnɛse 35:5 Referans Kwoze

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Kɔlɔnikɔ Veerɛi 17:10

Dɔɔ lɔiɠaa kpɔ tii kɛ Ɉuda lɔi kwɛlɛ nąą kəlee, Yai-Laa nwɔ ɲɔw ə too di hu; da lɔpee hvo kɔ́ pɛlɛ Ɉosafatə ɓa.

Mąątɛ̨nɛ̨ 14:5

Ɓɛ kaa li, daa lɛɛ lɔ di kpɔwɔ ɓa, diɛ kpɛlin, mąąhɔlɔɓo, Yálá tɔɔi tələnmo nuą di wɔ kɔlaɠai pulu.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Dutɛrɔnome 11:25

Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Lɛɛ gbɔwɔ ɓa 34:24

Mąąhɔlɔɓo, ŋį́ nuą di wɔ lɔiɠaai kulɔi di yəi, gɛ́ ka wɔ lɔi hu kɛnɛ̨, nu hvo pai hɔlɔɓoi, yɛ ɲɛ̨i kulɔ ka wɔ lɔi pɔ, ɓɛlɔwai ka káá pai kɛi la Yai-Laa lííla gee mɛ̨i haaɓa kwɛlan dɔ̨nɔ̨ ɲee mu.

Kɔlɔnikɔ Veerɛi 14:14

Ə mą kɛ, daatɛlɛɛ kumunŋąąi di gəlee hon, di taatɛlɛɛ pɛlɛɛɠaa hon gbɔ kɛnɛ̨ da Ɲɔ̨nwɔ̨mɛ̨ɛ̨ɠaa. Yili pulu, di pənə di pa Ɉerusalɛmə.

Samuɛlə dɔlɔɔ 14:15

Nuą di ɲɔw, gɔ́ ɓuwu la, da ɲɛɛkɔwɔɠaa hu, ə mą kɛ nɔi kəlee hu, nuą tii kɛ bələ nwun na da nɔi huwolo nuą diɛ kpɛli, di ɲɔw kpɔ kɛnɛ̨, nɔi ə kpɛlin, Yai-Laa a nuą hu pu diɛ a ɲɔw.

Samuɛlə dɔlɔɔ 11:7

Ə Nįŋɛ̨ hveelɛ həɠə, ə ɉu tee-tee, ə ɉuwɔ kpuwuluɠaa tɛɛ nwɛlɛɛ ɓo nuą pɔ, yiliɠaa də li la Israɛlə lɔi kəlee hu, ə nwooɠaa ŋɛ̨i laa mɛ̨i, yɛ diɛ: «Nui lɔpee hvo pai hvaai ma hvo lɛɛ Saulə da Samuɛlə di pɔ, di hvo li gɔ́ ɓa bələ ɓə da nwɔ nįŋɛ̨ɠaai kɛ la. Yai-Laa ə ɲɔw lɔ nɔi lonnii hu, di kəlee də li yɛ nu tɔ̨nɔ̨.»

Zɛnɛse 34:30

Ɉakɔbə yɛ Simeɔn da Levi diɛ: «Kaa mɛ̨nį laa mą́ą́, kaa gɛ́ a hɛn ɲɔ̨n nɔi ŋɛ̨i hu nuą ɲɛ̨i ɓa. Diɛ ɓaa: Kanaan nuą da Perizi nuą. Di kaa pai kpɔn ɉii di kee ɓa, di kɔ́ pɛlɛ mą́ą́, ɲą́ą́ ka nu kpulu hvo ɲə́i, di yee kaa pai tɛɛi mą́ą́, di ku huwu pu kwa ɲə́i bɛlɛ́n nuą.»

Zɛnɛse 35:4

Nu kəlee di di yee kulɔ di wɔ haliɠaai hu, di dɛɛ Ɉakɔbə pɔ, da di wəlii kwɛliɠaai kəlee. Ɉakɔbə ə ɉɛnŋąąi tii kəlee loo wulu kɛnɛ̨ ta mu Sisɛmə daa kpala.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Mąątɛ̨nɛ̨ 105:14

Hvo nu ta lɛɛ laa, hvo hee di mɛ̨i, ə tɔɔɓɛlaa hu tɔɔ di mąą mɛ̨nįɓa.

Kɔlɔnikɔ Veerɛi 14:13

Daaɠaa tii kɛ Gerarə kwɛlɛ, di gəlee kɛlɛ, mąąhɔlɔɓo, Yai-Laa ə ɲɔw pili di hu, Asa da nwɔ nuąi di too daaɠaa tii kəlee mɛ̨i, gbala ə tɔɔ hɛn ə kɛ daaɠaa tii hu kɛnɛ̨.